NUMBERS 15:25 - Ottawa New Testament Penteteuch and Psalms 1874

²⁵ Owh dush sahsahgewejega wenene tahsahsahgewejega oonje kuhkenuh enewh muhyahwunjeëdenejin Israel oonejahnesun weöonjepoonanememind, tahahbwayanemahwug dush; oogekekandahnahwah nunga: oogahbedoonahwah dush oosahsahgewejegunewah, ishkooda‐sahsahgewejegun pagedenuhmuhwind Jehovah, kuhya oopahtahzewine‐sahsahgewejegunewah emuh anahsuhmeühyahnid Jehovahun, oonje ewh oowuh-nesawinewah:

NUMBERS 15:25 Iomraidhean Croise

LEVITICUS 15:15

Sahsahgewejega‐wenene dush oogahpuggedenaun enewh, pazhig mujje‐ezhewabezewine‐meegewawin cheähwung, menuhwah dush pazhig chuhyahgizegahdag meegewawin; sahsahgewejega‐wenene dush tahsahsahgewejega oonje oomujjeëzhewabezewinene anahsuhmeed Jehovah oonje keöonjegahgebun oomenekaun.

LEVITICUS 4:20

Nahsaub edush oogahdoodahwaun enewh ahnookee‐pezhekewun kahdoodahwaud enewh ahnookee pezhekewun kahpuggedenemind chewabenuhming mujje‐ezhewabezewin, me suh kadoodahwaud oonoo; owh dush sahsahgewejega‐wenene tahsahsahgewejega cheöonje‐ahbwayanemindwah, tahahbwayanemahwug dush.

LEVITICUS 4:26

Oogahchahgizaun dush kuhkenuh ooweenin emuh sahsahgewejegunahbikoong, debishkoo kahdoodung ewh weenin kahpuggedenegahdag cheöonjepoonanindeeng: owh dush sahsahgewejega‐wenene oogahoozhetoomahwaun ewh sahsahgewejegun cheöonjepoonanemind ewh kebahtah‐ezhechegad, tahahbwayanemah dush.

LEVITICUS 4:31

Oogahmahmoon dush kuhkenuh weenin, debishkoo azhemahmoong ewh weenin uhpe sasahgewejegang cheöonjepoonaninding; owh dush sahsahgewejega‐wenene oogahchahgizaun emuh sahsahgewejegun‐ahbikoong cheöonjemenoomaundung owh Jehovah; sahsahgewejega‐wenene dush tahsahsahgewejega chepoonanemind, tahahbwayanemah dush.

LEVITICUS 4:35

Kuhya oogahmahmoon kuhkenuh ooweenin, debishkoo azhemuhmechegahdag mahnishtahnisheense‐weenin emuh poonanindewine‐sahsahgewejeguning; kuhya owh Sahsahgewejega‐wenene oogahchahgizaunun emuh sahsahgewejegunahbikoong debishkoo azhechahgezegang enewh chuhyahgetagin sahsahgewejegunun anahsuhmid owh Jehovah: owh Sahsahgewejega‐wenene tahsahsahgewejega oonje oomujje‐ezhechegawin kahezhechegad, tahwabenuhmahwah dush.

ST. LUKE 23:34

Me dush uhpe Jesus keëkekood, Noosa, ahbwayanim; kah muh ookekanduhsenuhwah ewh azhechegawaud. Kemahdahoonedewug dush enewh oodahgwewinun, kuhya dush keähtahdewug.

OODEZHECHEGAWINEWAH 13:39

Ween dush kuhkenuh egewh duhyabwayandungig oonje wabenuhmahwahwug kuhkenuh uhyeëen, kagewabe-nahmahgoosewagoopun emuh ootebahkoonegawining owh Moses.

ROMANUN 3:25

Mesuh enewh kezhah kahahnoonahjin Kesha‐Muhnedoo chebemahjeëwanid oonje dabwayanduhmoowind oomisqueem, chemezheshuh‐wahbunjegahdanig ooquuhyuk‐ezhewabezeëwawin cheöonje‐kahbekahegahdagkuhyet mujjeezhewabezewinun, oonje ewh oominwahdanduhmoowin owh Kesha‐Muhnedoo;

DEUTERONOMY 21:21

Kuhkenuh dush enewh enenewun emuh oodoodanaung oogahbemwuhsenuhegoon, chenebood dush: me suh oo‐oo kaëzheëkoonuhmun ewh mujjeühyeëewish emah uhyahyag; kuhkenuh dush Israel tahnoondahgawug kuhya tahsagezewug.

HEBREWUN 2:17

Mesuh kahoonje‐nundahwandahgoozid emuh kuhkenuh uhyeëeng cheëzhenahgoozid nahsaub azhenahgoozenid enewh wejekewaün, shawanjegad kuhya ayaungwahmezid sahsahgewejega‐wenene cheähwid oonje enewh uhyeëen dabandungin Kesha‐Muhnedoo, chekuhseebeühmahwaud enewh ahneshenahban oomujje‐ezhewabezewinene

HEBREWUN 9:7

Emuh dush ween menuhwah pazhik ahnuhmeä‐weguhmigoong ahbeting atuh anduhsoo kekenoonoowin peendega owh keche‐sahsahgewejega‐wenene nazhekawezid uhnegegezid ewh misque ewh sahsahgewetood oonje ween tebenuhwa, kuhya oonje ookuhkebahdezewinewaun ahnishenahbag.

I. JOHN 2:2

Mesuh owh kahnebootoonung oonje kemujjeëzhewabezewinenahnin; kahween atuh kenuhwind kemujje‐ezhewabezewinenahnin, oonje suh goo kuhkenuh mujje‐ezhewabezewinun oomah uhkeeng atagin.