NUMBERS 15:20 - Ottawa New Testament Penteteuch and Psalms 1874

²⁰ Kegahpuhgedenegam buhquazhegaunse, owh netum manzewadenag buhquazhegun cheöonjeöozheäg, oonje ewh wambenegahdag sahsahgewejegun: nahsaub egoo andooduhmag ewh wambenegahdag sahsahgewejegun wandenegahdag emuh puhgunduhega wegummegoong, me suh ewh kaëzheöombenuhmag.

NUMBERS 15:20 Iomraidhean Croise

EXODUS 23:19

Enewh ahpeche goo netum kahzhegingin keduhkeeming kegahpeendeguhdoonun emah oowegewauming owh Jehovah keKesha‐Muhnedoom. Kahween kegahkuhbahshemahse mesahboozoons emah oodoodooshahboomening oogeen.

EXODUS 34:26

Ewh netum kahzheging keduhkeeming sahgukenuhming kegahezhewedoon emah oowegewauming owh Jehovah ke‐Kesha‐Muhnedoom. Kahween kegahguhbahshemahse mesahboozoons emah oodoodooshahboomening oogeen.

LEVITICUS 2:12

¶ Enewh dush natum‐wahbetagin kegahpuggedenuhmahwah owh Jehovah: kahween dush ween oogahchahgezunsenahwah emuh sahsahgewejegun‐ahbikoong chemenoomahgwuk.

LEVITICUS 2:14

Kishpin dush natum‐wahbetagin wahmeenag owh Jehovah, kegahmeegewanahwah, wazhahwushquahkoozejig puhquazhegunushkoog puhyahsoojig chegeshkootang, meziminans pagundahegahzood oonje buhquazhegunushkoong.

LEVITICUS 23:10

Guhnoozh Israel oonejahnesun, oo‐oo dush kegahenaug, Uhpe ketuhgwishinag emuh uhkeeng mahnenuhgoog, kuhya kekeshkushkezhegayag emuh, kegahpeetoonahwah pazhig tuhkoobejegun netum takoobetag buhquazhegunushk kegahmeenahwah dush owh sahsahgewejega‐wenene:

LEVITICUS 23:20

Ahyahzhook dush owh sahsahgewejega‐wenene oogahwahbenaun mahmahwe natum‐sagukkenegahdag buhquazhegun, kuhya neezh mahnishtahnisheensun anahsuhmeed Jehovah: tahkechetwahwezewug dush anahsuhmeed Jehovah chedebanemegoowaud enewh sahsahgewejega‐wenenewun.

NUMBERS 15:21

Owh netum manzewadenag buhquazhegun me emuh kaöondenuhmag ewh kaöonjesahsahgewenag Jehovah, ewh suh goo wambenegahdag sahsahgewejegun, menik kaneähnekabemahdezeyag.

NUMBERS 18:12

Kuhkenuh ewh ahpeje wanezheshing pemeda, kuhya kuhkenuh ewh ahpeje wanezheshing shooweminahboo, kuhya ewh minzemenanse, enewh netum saguhkenegahdagin kapuhgedenuhmuhwahwaud Jehovahun, kegemeenin.

St Matthew 6:33

Netum suh nundoonaühmook ewh oodoogemahwewin owh Kesha Muhnedoo, kuhya ewh quuhyuk oodezhewabezewin; kuhkenuh dush oonoo kegahduhgoo‐menegoom.

ROMANUN 11:16

Kishpin ewh natumemeenewungin peenuk, kuhkenuh andussing tahpeenud: kuhya kishpin ewh oojeebik peenuk, me kuhya enewh wuhtikwaunun.

I. CORINTHIANUN 15:20

Ahzhuh dush ween keähbejebah owh Christ, kuhya keëzheähyah debishkoo owh netum sagukkenegahzood anduhshewaud egewh kahnebahjig.

DEUTERONOMY 14:22

Kagate egoo ingooding menik kegahpuhgedenegan uhnooj gagoo natahweging ketegauning andussoopepoong, keeshpin medahching ooquesechegahdag.

DEUTERONOMY 14:23

Kegahwesin kuhya anahsuhmeed Jehovah keKesha‐Muhnedoom, emuh ewh kawuhwanahbundung cheühtood oodenoozoowin emuh, pazhig tithe menik kemezemenansim, keshooweminahboom, kuhya kepemedam, kuhya oonetumoonzhahnewaun kepezhekeemug kuhya kemahnishtahnishemug; chekekanduhmun dush nah chekoosud Jehovah keKesha‐Muhnedoom moonzhug.

DEUTERONOMY 16:13

¶ Kegahkuhnuhwandaun ewh wegewaume‐wekondewin neezhwahsoogoon, bahmah kemahwunjetooyun keminze-minansim kuhya keshooweminahboom:

JAMES 1:18

Ween tebenuhwa oodenanduhmoowin kahoonje‐oogwissemenung duhyabwamahgudenig oodekedoowin keahyood, tahnuhsug netum sagukkenegahzoojig cheëzheähyahyung menik anduhshenid enewh kahoozheähjin.

REVELATION 14:4

Me suh oogoo kahweeneëdezoosegoog enewh equawun; kekekaungoowewug muh. Mesuh oogoo nwahpenuhnahjig enewh Mahnishtahnisheensun tebe goo pabahezhahnegwan; oogoo mahween magwa ahnishenahbakaug kahoonje‐kishpenuhnindjig, me suh oogoo netum sagukkenegahzoojig cheöonje‐peshegandahgooëmind enewh Kesha‐Muhnedoon kuhya enewh Mahnishtahnesheensun.