NUMBERS 14:3 - Ottawa New Testament Penteteuch and Psalms 1874

³ Wagoonan suh kuhya owh Jehovah kahoonjebezheyungid oomah uhkeeng, chekuhwesayaung dush oonje ewh uhshuhwashk, egewh kuhya newedegamahgunenahnig kuhya nenejahnesenahnig cheduhkoonindwah? kah nuh ween ahwushema tahoonesheshinsenoon Egypting cheëzhekewayaungebun?

NUMBERS 14:3 Iomraidhean Croise

PSALMS 78:40

Ahyahpe oogekuhgaunzetahwahwaun ewede buhgwuhduhkummig; kuhya oogemegooshkahjeähwaun ewede akoo‐nagouekaug.

EXODUS 16:3

Israel dush oonejahnesun oo‐oo oogeënahne enewh, Pagish suh nebooyaungebun, nishwuhnahjeëyummingedebun Jehovah emah Egypt duhzhe uhkeeng, uhpe wahduhbemungidwahbun egewh weyause‐uhkikoog, uhpe kuhya kahdabeäumwungedebun buhquazhegun; kegebeëzhewezhemin mah oomah buhgwuhduhkummig, chekuhwuhnaundummeägwah kuhkenuh oogoo muhyahwunjeëdejig.

EXODUS 5:21

Oo‐oo dush oogeënahwaun Mahnoo Jehovah kegahkuhnuhwahbuhmegoowah kuhya kegahtebahkoonegoowah; kegemaunzhemahgoozeëmin mahween emah anahsuhmeed Pharaoh, kuhya emah anahsuhmenid oobuhmetahgunun, chepuhgedenuhmuhwudwah ooninjewaung ahzhuhwashk chenesheyummingidwah.

NUMBERS 11:20

Ningookeezis suhgoo quuhyuk, nuhnaunzh egoo bezahgejesamuhguk kejaunzhewaung, kuhya kuhgwaunesuhganduhmag: kegesheenganemahwah mah Jehovah owh ayaud magwauhyeëe uhyahyag, kuhya kegemuhwim emuh anahsuhmeühyaud, oo‐oo keëkedooyag, Wagoonan emuh Egypting kahoonjesahguhuhmaung?

NUMBERS 16:13

Uhgahsandahgwud nuh ewh keöonjesahgejewezheyaung ewede uhkeeng anduhnejewung doodooshahboo kuhya ahmoo-seenzebahquud, chenesheyaung emuh buhgwuhduhkummig, me koonemah atuh weöogemahkunduhwewaungan?

NUMBERS 20:3

Egewh dush ahnishenahbag oogenuhnebekemahwaun Mosesun, oogekuhnoonahwaun dush, oo‐oo keënahwaud, Pagizh suh nebooyaungebun uhpe nekahnesenahbuneeg naboowaud emuh anahsuhmeühyaud Jehovah!

NUMBERS 21:5

Egewh dush ahnishenahbag oogekekahmahwaun Kesha‐Muhnedoon, kuhya enewh Mosesun, oo‐oo keëekedoowaud, Wagoonan suh Egypting kahoonjesahgejewezheyaung weduh-penayaung dush buhgwuhduhkummig? kah suh ahweyah buhquazhegun, kahween gagoo nebe; nezheguhduhmaunaun kuhya wuhowh nuhyaungezid buhquazhegun.

OODEZHECHEGAWINEWAH 7:39

Kahween dush kooseminahbuneeg oogenuhittahwahsewaun, kekaunje‐wabenahwaud dush, emuh dush oodaëwaung keëzhekewawug ewede Egypting,

DEUTERONOMY 1:39

Egewh dush ween kedahbenoojeyemewaug, tahtuhkoonahwug kahenagoog, kuhya egewh kenejahnesewaug ewh uhpe kahkekanduhsegoog ewh wanezheshing kuhya ewh mujjeuhyeëewish, wenuhwah ewede tahpeendegawug, ningahmeenaug dush ewh, tahtebandahsoowug dush.