NUMBERS 14:23 - Ottawa New Testament Penteteuch and Psalms 1874

²³ Ahbedakummig kahween oogahwahbundunsenahwah ewh uhke kahmushkuhwewahweenduhmuhwemugebun oosewahbuneen, kahween kuhya ahweyah egewh kahnishkeëjig oogahwaubundunsenahwah:

NUMBERS 14:23 Iomraidhean Croise

PSALMS 106:26

Oogezhebeneenjetuhwaun enewh: oogekahwishkakwaun emuh buhgwahduhkummig.

PSALMS 95:11

Mesuh oogoo kahenuggig emuh nenishkahdanduhmoowining, chepeendegasigwah emuh nindaunwabewining.

NUMBERS 26:64

Emuh dush ween uhyahwaud oogoo kahween ahweyah keühyahse enewh Moses kuhya Aaron owh sahsahgewejega‐wenene kahuhgemahwahjin, uhpe kahuhgemahwaud Israel oonejahnesun emuh Sinai buhgwuhduhkummig.

NUMBERS 26:65

Oo‐oo mah Jehovah oogeënahjemahbuneen, Ahbedakummig tahneboowug emuh buhgwuhduhkummig, Kah dush ahweyah egewh keïshkoonahse, me atuh Caleb Jephunneh oogwissun, kuhya Joshua Nun oogwissun.

NUMBERS 32:11

Egewh enenewug emuh Egypting kahoonjesahguhungig, neeshtuhnuh andussoo‐pepoon‐uhgezejig kuhya uhwuhshema, ahbedakummig kahween oogahwahbundunsenahwah ewh uhke kahwahweenduhmuhwuhgwahbun Abraham, Isaac, kuhya Jacob; kah mah wawane ningenoopenuhnegooseeg:

DEUTERONOMY 1:8

Benuh kegepuhgedenuhmoonim ewh uhke: peendegayook debanduhmook dush ewh uhke Jehovah kahwahweenduhmuhwahpun enewh koosewahbuneen, Abrahamun, Isaacun, kuhya Jacobun chemeenaud kuhya enewh oonejahnisene wahbemahdezenid.

HEBREWUN 4:3

Kenuhwind suh duhyabwayanduhmung kepeendegamin emuh aunwabewining, debishkoo kahekedood, Ewh kahezhemushkahwe‐kezhwayaun emuh nenishkahdezewining, Kahween tahpeendegasewug emuh nindaunwabewining: ahnuhween goo enewh ahnookeewinun kekezhechegahdag pahahkoo‐oozhechegahdag ewh uhkee.