NUMBERS 14:22 - Ottawa New Testament Penteteuch and Psalms 1874

²² Kuhkenuh mah egewh enenewug kahwahbundungig nimpeshegandahgoozewin, kuhya enewh nemuhmaundahwuh-nookewinun, kahezhechegayaun Egypting kuhya emah puhgwuhduhkummig, kuhya ahzhe medahching kahkuhgwade-banemejig, kuhya kahbezindunsegoog nindinwawin;

NUMBERS 14:22 Iomraidhean Croise

GENESIS 31:41

Mesuh nishtuhnah duhsoo‐pepoon kahezheähyahyaun emuh kewegewauming; metausoo‐pepoon ahshe newin kegebuhmeetoon oonje kedahwahkaunug: metahching dush kegequakesittoon netebahahmahgoowin.

GENESIS 31:7

Ningewahyazhemig dush koosewah, kuhya oogequakesitoon netebahahmahgoowin metahching; kah dush oogepuggedenahmahgooseen Kesha‐Muhnedoon ningood chemujje‐doodahwid.

PSALMS 106:14

Kenunduhwanduhmoog mujje‐nunduhwanduhmoowin emuh puhgwuhduhkummig: kuhya oogekuhgwatebanemahwaun Kesha‐Muhnedoon ewede.

PSALMS 106:26

Oogezhebeneenjetuhwaun enewh: oogekahwishkakwaun emuh buhgwahduhkummig.

PSALMS 78:41

Keähzhasawug edush kuhya oogekuhgwatebanemahwaun enewh Kesha‐Muhnedoo kuhya oogeähgahsanemahwaun enewh Keche‐peenezenejin oo‐Kesha‐Muhnedoomun owh Israel.

EXODUS 14:11

Oo‐oo dush oogeënahwaun Mosesun, Me nuh ewh keühyahsenoogin chebagummegoon Egypting, kahoonjemahjewezheyaung cheduhpenayaung dush buhgwuhduhkummig? wagoonan suh oo‐oo kahoonjedooduhweyaung, kesahgejewezheyaung emah Egypting?

EXODUS 15:24

Egewh dush ahnishenahbag Mosesun oogenahnahpuhgaunzoomahwaun, oo‐oo keënahwaud, Wagoonan kamenequayaung?

EXODUS 16:2

Kuhkenuh dush egewh muhyahwunjeëdezoojig, Israel oonejahnesun, oogenahnahpuhgaunzoomahwaun Mosesun kuhya Aaronun emah buhgwuhduhkummig:

EXODUS 17:2

Me dush egewh ahnishenahbag kenuhnebekemahwaud Mosesun, oo‐oo keënahwaud, Meenzheshenaum nebe chemenequayaung dush nah. Oo‐oo dush oogeëgoowaun Mosesun, Wagoonan wanjenuhnebekemeyag? wagoonan wanjekuhgwatebanemag Jehovah?

EXODUS 17:3

Egewh dush ahnishenahbag kekeeshkahbahgwawug emah; egewh dush ahnishenahbag oogenahnahpuhgaunzoomahwaun Mosesun, oo‐oo keënahwaud, Wagoonan suh ookahoonjesahgejewezheyaung emah Egypting, chekuhwahbah-gwaëvaung nenuhwind kuhya nenejahnesenahnig kuhya ninduhwuhkahnenahnig?

EXODUS 17:7

Ewh dush emah oo‐oo kahezhewabuk, Massah oogeëzhenekahdaun, kuhya Meribah oonje kenuhnebekingwad Israel oonejahnesun, kuhya keguhgwatebanemahnid Jehovahun, oo‐oo keëkedoonid, Jehovah nuh duhneze oomah uhyahyung, gamah kuhya kah?

EXODUS 32:1

Uhpe dush egewh ahnishenahbag wuhyahbunduhmoowaud Mosesun nuhnaunzh penesahkewasenid emah wuhjewing, egewh ahnishenahbag kemahwunjeëdewug emah Aaronun uhyahnid, oo‐oo dush oogeënahwaun, Howh, oozhetuhmuhweshenaum muhnedoog, kanegahnejig emah kaneëzhahyaung; wuhowh mah Moses, owh enene kahsahgejewezheyungid Egypt duhzhe uhkeeng, kehween ningekandunsemin nuhmunj kahdegwan.

EXODUS 5:21

Oo‐oo dush oogeënahwaun Mahnoo Jehovah kegahkuhnuhwahbuhmegoowah kuhya kegahtebahkoonegoowah; kegemaunzhemahgoozeëmin mahween emah anahsuhmeed Pharaoh, kuhya emah anahsuhmenid oobuhmetahgunun, chepuhgedenuhmuhwudwah ooninjewaung ahzhuhwashk chenesheyummingidwah.

NUMBERS 11:1

Uhpe dush egewh ahnishenahbag kahnahnahpuhgaunze-tahgoozewaud, Jehovah kenishkahdeze. Jehovah dush oogenoondaun; oonishkahdezewin kuhya kebiskuhnamuhgudene: ewh dush Jehovah oodishkoodam keduhnuhkoonane emah uhyahwaud, egewh dush ashquaühyeëe emuh kuhbashewining kahuhyahjig oogechahgahkezoogoonahwah.

NUMBERS 11:4

¶ Egewh dush muhyahmuhwenoojig uhnooj doowug kahuhyahjig emuh uhyahwaud kemujjenunduhwanduhmoog: Israel dush kuhya oonejahnesun menuhwah kemuhwewun, oo‐oo dush keëkedoowun, Ahwanan kameenenung weyaus chemejeyung?

NUMBERS 12:1

Miriam dush kuhya Aaron oogekekahmahwaun Mosesun oonje enewh Ethiopia duhzhe equan kahwedegamaud: oogewedegamaun mah Ethopia duhzhe equan.

NUMBERS 14:11

¶ Jehovah dush oo‐oo oogeënaun enewh Mosesun, Ahneen suh menik oogoowh ahnishenahbag kanishkeëwaud? ahneen kuhya menik chebwahdabwayanemewaud, oonje kuhkenuh enewh kekenuhwahjechegunun kahwahbunduhewayaun magwauhyeëe emuh uhyahwaud?

NUMBERS 14:2

Kuhkenuh dush egewh Israel oonejahnesun oogenahnahpuhgaunzoomahwaun Mosesun kuhya Aaronun: kuhkenuh dush egewh muhyahwunjeëdejig oo‐oo oogeënahwaun, Pagizh suh kenebooyaungebun ewede Egypt duhzhe uhkeeng! gamuh kuhya pagizh kenebooyaungebun oomah buhgwuhduhkummig!

NUMBERS 32:12

Me atuh Caleb oogwissun Jephunneh owh Kenezite, kuhya Joshua oogwissun Nun: wawane mah oogenoopenuhnahwaun enewh Jehovahun.

St Matthew 4:7

Jesus ogeënaun, Menuhwah ezhebeëgahda, Kahween kedahkuhgwatebanemahse Jehovah keKesha Muhnedoom.

I. CORINTHIANUN 10:5

Nebewah dush enewh kahween owh Kesha‐Muhnedoo oogeminwanemahseen: suhswayeëe muh kenesahwug emuh buhgwuhduhkummig.

I. CORINTHIANUN 10:9

Kagoo kuhya kuhgwajeähsedah owh Christ, egewh ahnind kahezhechegawaud, kenesegoowaud dush enewh mujje‐kenabigoon.

DEUTERONOMY 9:7

¶ Mequandun, kagoo suh wuhnandunkan, kahezhenishkeüd Jehovah keKesha‐Muhnedoom emuh buhgwuhduhkummig: ewh kezhiguk Egypting duhzhe uhkeeng kahoonjemahjahyun, nuhnauzh egoo keduhgwishenag oomah, kegemegahnahwah Jehovah.

HEBREWUN 3:9

Uhpe koosewahbuneeg kekuhgwatebanemewaud, kuhya kekuhgwa‐kekanemewaud, kuhya kewahbunduhmoowaud nindahnookeewinun nemeduhnuh duhsoo kekenoonoowinun.