NUMBERS 14:19 - Ottawa New Testament Penteteuch and Psalms 1874

¹⁹ Wabenuhmowh suh, kepuhgoosanemin, oomujjeëzhewabezewinewah oogoo ahnishenahbag nahsaub egoo azhekecheketemahganjegayun, kuhya kahezheähbwayanemudwah oogoo ahnishenahbag, ewede Egypting nuhnaunzh egoo noongoom.

NUMBERS 14:19 Iomraidhean Croise

PSALMS 106:45

Kuhya oogemequanduhmoowaun oowahweendahmahgawin: kuhya keäunwanindezoo ashenudenig ooshahwanjegawinun.

PSALMS 78:38

Ween dush shawanjegad oowabenuhmahwaun oomujjeëzhewabezewinene kah dush oobahnahjeähseen enewh; ahyahpe kepoone‐kedahzoo kah dush anegook kenishkahdezese.

PSALMS 85:2

Kegeëkoonuhmahwaug kedahnishenahbamug oomujje‐ezhewabezewinewaun: kegekahdoonun kuhkenuh oomujje‐ezhechegawinewaun.

EXODUS 32:32

Benuh suh dush, kishpin weähbwayanemudwah kahezhemujjeëzhewabezewaud; kishpin dush ween kahween, kahsebeöoshin, kepuhgoosanemin, emah kemuzzenuheguning ewh kahoozhebeühmun.

EXODUS 33:17

Jehovah dush oo‐oo oogeënaun enewh Mosesun, Ningahezhechega suh kuhya oo‐oo kahekedooyun: keminwandahgooz mahween emah anahsuhmeyaun, kuhya kekekanemin azhenekahzooyun.

EXODUS 34:9

Oo‐oo dush keëkedoo, Kishpin suh manwandahgoozewaunan emah anahsuhmeyun, O Tabaningayun, mahnoo owh tabanemid, kepuhgoosanemin, ningahweejewegoonaun; egewh mahween ahwewug egewh ahnishenahbag mashkuhwindebajig; kuhya dush ahbwayanemeshenaum kemujjeeëzhewabezeyaung kuhya kepahtahzeyaung, kuhya oodahpeneshenaum chetebanemeyaung edush.

NUMBERS 23:21

Kahween oogewahbunduhmuhwahseen mujjeëzhewabezewin enewh Jacobun emuh uhyahnid, kahween kuhya oogewahbunduhmuhwahseen pahtahzewin enewh Israelun emuh uhyahnid: Jehovahun enewh oo‐Kesha‐Muhnedoomun ooweejewegoon, oosahsahquawin kuhya owh kecheöogemah uhyahmuhgudene magwaühyeëe emuh uhyahwaud.

JAMES 5:15

Dabwayanduhmoowine‐ahnuhmeähwining dush tahoonje‐noojemoo owh ayahkoozid, oogahpuhsegwindenegoon dush enewh Tabaninganejin; kishpin dush kahmujje‐ezhechegagwan, tahwabenuhmahwah oomujje‐ezhewabezewinun.