NUMBERS 14:14 - Ottawa New Testament Penteteuch and Psalms 1874

¹⁴ Oogahweenduhmuhwahwaun dush enewh anduhnuhkenejin oomah uhkeeng: oogoowh mah kenoondahgawug ewh keen Jehovah duhnezeyun magwaühyeëe uhyahwaud oogoowh ahnishenahbag, ewh keen Jehovah mechewahbuhmegooyun, kuhya ewh kedahnuhquudoom nebuhwemuhguk wuhgijuhyeëe emuh uhyahwaud, kuhya ewh uhnenegahneyaun emuh aneëzhahwaud, ahnuhquud koo puhduhkesing magwah kezhikuk, ishkooda dush puhduhkesing magwah tebikuk.

NUMBERS 14:14 Iomraidhean Croise

GENESIS 32:30

Jacob dush Peniel oogeëzhenekahdaun ewh uhkee: ningemechewahbuhmah mah Kesha‐Muhnedoo, kayahba dush ninbemahdiz.

PSALMS 105:39

Oogepuhduhquahnahwaun ahnuhquud: kuhya oogeoozhetoon ishkoota chewahsashkahgoowaud tabekudenig.

PSALMS 78:14

Magwah kezhegudenig oogesuhgahbeginaun enewh, ahnuhquud keähyood: kuhya kuhpa tebik ishkoota‐wahsayahzewin oogeähyoon.

EXODUS 15:14

Egewh ahnishenahbag tuhnoondahgawug, tahsagezewug dush: kushkanduhmoowin oogahbuhgummishkahgoonahwah egewh anduhnuhkeejig Palestinaïng.

EXODUS 33:11

Jehovah oogeguhnoonaun enewh Mosesun, mezheshuh kewahbuhmegood, azheguhnoonaud owh bamahdezid enewh weëjekewayun. Nayaub dush keëzhegewawun emah kuhbashewining: enewh dush ween oobuhmeetahgunene Joshuaün, oogwissun owh Nun, ooshkenuhwa, kahween keöonje-mahjahsewun emah puhpuhgewuhyahne‐ahnuhmeä‐wegummegoong.

EXODUS 33:16

Ahneen gooduh goo kaëzhekekanduhming oomah ewh neen kuhya egewh kedahnishenahbamug keminwandahgoozewaud emah anahsuhmishkeenzhegwayun? kah nah ween emah wejeweyaung? me suh dush puhkaühyeëe cheühyahyaung, neen kuhya egewh kedahnishenahbamug, emah dush ween uhyahwaud kuhkenuh egewh ahnishenahbag anegookookummegaug uhkeeng ayahjig.

EXODUS 40:38

Ewh mahween Jehovah oodahnuhquudoom keühtane emah puhpuhgewuhyaune‐ahnuhmeäwegummegoong kahzhegukkin, kuhya ishkooda keühtane emah tabekukkin, anahsuhmeähyahwaud kuhkenuh egewh Israelitug, menik egoo kahbuhbahmahdezewaud.

NUMBERS 10:34

Jehovah dush oodahnuhquudoom keühgoodane emuh uhyahwaud kehzhegukin, uhpe kahsahguhumoowahjin emuh kuhbashewining.

NUMBERS 12:8

Uhowh ningahmechekuhkuhnoonah nindoon uhyooyaun, mezheshuh suh goo, kahween ween ahwacheguning; oodezhenahgoozewin kuhya owh Jehovah oogahwahbundaun: ahneen dush kahezhesagezesewag chekekahmag nimbuhmetahgun Moses?

ST. JOHN 1:18

Kah wekah ahweyah oogewahbuhmahseen enewh Kesha‐Muhnedoon; owh atuh puhyazhegood Wagwisssemind, ayaud emuh oopeendoomooning owh Wayoosemind, mesuh owh kahdebahjemaud enewh.

ST. JOHN 14:9

Jesus dush oo‐oo oodenaun, Maweshah zhuhyegwah akooweejewenenuhgoog, kah nuh dush kegekekanemese, Philip? Owh suh kahwahbuhmid oogewahbuhmaun enewh Wayooseminjin; Wagoonan dush wanjeëkedooyun, Wahbunduheshenaum owh Wayoosemind.

I. CORINTHIANUN 13:12

Noongoom suh ahgahwah kewahbemin, debishkoo ahweyah wahbunjegad emuh wahbumoojechaugwuning; bahnemah dush azhewahbundewaud egewh pashoo wuhyahbundejig kegahezhewahbemin; noongoom ahgahwah nekekanjega; bahnemah dush ween ningahezhekekanjega debishkoo azhekekanemegooyaun.

DEUTERONOMY 1:19

¶ Uhpe dush Horebing wanjemahjahyung, kegeshahbooshkuhmin kuhkenuh ewh machaug kuhya quatahmegwandahgwuk puhgwuhduhkummig, kahwahbunduhmag emuh enuhguhkayah oowuhjewimewaung egewh Amoritug, kahezhekuhgaunzoomenung egoo Jehovah keKesha‐Muhnedoomenaun; Kadesh‐barneaïng dush kegeduhgwishenoomin.

DEUTERONOMY 34:10

¶ Kah dush oonje puhsegwese aunwahchega‐wenene emuh Israeling debishkoo owh Moses, enewh Jehovah kahkekanemahjin kemechekuhnuhwahbundewaud,

DEUTERONOMY 5:24

Oo‐oo dush kegeëkedoom, Benuh Jehovah ke‐Kesha‐Muhnedoomenaun kegewahbunduhegoonaun oopeshegandahgoozewin kuhya oodishpandahgoozewin, kegenoondahmin kuhya oodinwawin kahoonzetahgwuk emuh nahwishkoodang: kegewahbundahmin noongoom ewh Kesha‐Muhnedoo kuhkuhnoonaud enenewun, bemahdezenid dush.

DEUTERONOMY 5:4

Jehovah kegemechekuhnoonegoowah ewede wuhjewing nahwishkoodang oonje,

I. JOHN 3:2

Suhyahgeënenuhgoog, noongoom kedoogwissemegoonaun Kesha‐Muhnedoo, kah dush muhshe kekandahgwussenoon kaëzheähyahyung: kekekandahmin ewh uhpe ween kapenahgoozid, ween azhenahgoozid kegahezhenahgoozemin; kegahmeche‐wahbuhmahnaun muh.