NUMBERS 13:27 - Ottawa New Testament Penteteuch and Psalms 1874

²⁷ Oogedebahjemootuhwahwaun dush, oo‐oo keënahwaud, Ningeduhgwishinoomin suh emuh uhkeeng kahuhnoonzheyaung cheëzhahyaung, kagate dush egoo doodooshahboo kuhya ahmoo seenzebahquud bemejewun emuh; me suh kuhya oo‐oo natahweging emuh.

NUMBERS 13:27 Iomraidhean Croise

EXODUS 13:5

¶ Tahpuhgummeähyahmuhgud dush uhpe owh Jehovah peendeguhnik emah ooduhkeemewaung egewh Canaanitug, kuhya egewh Hittitug, kuhya egewh Amoritug, kuhya egewh Hivitug, kuhya egewh Jebusitug, ewh kahmushkuhwewahweenduhmuhwahpun koosebuneen chemeenik, ewh uhke emah anduhnejewung doodooshahboo kuhya ahmoo‐sinzebahquud, cheguhnuhwanduhmun oo‐oo ezhetwahwin uhpe uhgoojing wuhowh kezis.

EXODUS 3:17

Oo‐oo dush ningeëkid emah Egypting kegahoonjesahgejewenenim emah kooduhgetooyag, keguhezhewenenim dush emah ooduhkemewaung egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya egewh Hivitug, kuhya egewh Jebusitug, emah uhkeeng anduhnejewung doodooshahboo kuhya ahmoo‐seenzebahquud.

EXODUS 3:8

Ninpeëzhah dush cheëkoonugwah emahooninjening enewh Egyptianun, kuhya chesahgejewenugwah emah uhkeeng cheëzhewenugwah dush uhkeeng wanesheshing kuhya machaug, emah uhkeeng anduhne‐jewung ewh doodooshahboo kuhya ahmoo‐sinzebahquud: emah duhnuhkewaud egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya Hivitug, kuhya egewh Jebusitug.

EXODUS 33:3

Kegahpeendeguhnin dush emah uhkeeng emah anduhnejewung doodooshahboo kuhya ahmoo‐seenzebahquud: kah dush neen kegahweejewesenoonim mashkuhwindebajig ahnishenahbag mah kedahwim: chenishwuhnahjeësenen uhgoog dush nah emah kaneëzhahyag.

LEVITICUS 20:24

Kenuhwah dush ween oo‐oo kegeënenim, Kegahdebandahnahwah ooduhkeemewah, kegahpuggedenuhmoonenim suh cheöoduhkeemeyag, uhkee emuh kabahtuhenuk doodooshahboo kuhya ahmoo‐sinsebahquud: Neen nindow Jehovah ke‐Kesha‐Muhnedoomewah, kahpukka‐kahbooweënag oonje ahyahwaud mayuggezejig ahnishenahbag.

NUMBERS 14:7

Oogekuhnoonahwaun dush kuhkenuh enewh muhyahwunjeëdenejin Israel oonejahnesun, oo‐oo keënahwaud, Ewh uhke kahshahbooshkuhmaung wewahbunduhmaung, kagwahnesuhgeoonezheshing uhke ahwun.

NUMBERS 14:8

Kishpin owh Jehovah minwanemenung, kegahpeendeguhnegoonaun ewede uhkeeng, kegahmenegoonaun dush ewh; ewh uhke emuh pamejewung doodooshahboo kuhya ahmoo-seenzebahquud.

NUMBERS 16:13

Uhgahsandahgwud nuh ewh keöonjesahgejewezheyaung ewede uhkeeng anduhnejewung doodooshahboo kuhya ahmoo-seenzebahquud, chenesheyaung emuh buhgwuhduhkummig, me koonemah atuh weöogemahkunduhwewaungan?

NUMBERS 16:14

Kuhya dush kahween kegeëzhewezhesemin emuh uhkeeng ewede anduhnejewung doodooshahboo kuhya ahmoo-seenzebahquud, kahween kuhya kegemeenzhesemin chetebanduhmaungebun ketegaunun kuhya shooweminuhgahwunzhe-ketegaunun: kegahgejebeduhmuhwaug nuh ooshkeenzhegoowaun oogoo enenewug? kahween ningahezhahsemin.

DEUTERONOMY 11:9

Cheöonjekinwahtoong dush kuhya kekezhigudoomewaun emuh uhkeeng, ewh Jehovah kahmushkuhwe‐wahweenduhmuhwaud koosewahbuneen chemeenaud kuhya enewh oonejahnesene, uhke emuh anduhnejewung doodooshahboo kuhya ahmooseenzebahquud.

DEUTERONOMY 26:9

Ningebenegoonaun dush oomah, ningemenegoonaun kuhya oo‐oo uhke, uhke emuh anduhnejewung doodooshahboo kuhya ahmoo‐seenzebahquud.

DEUTERONOMY 27:3

Kegahoozhebeähnun dush wuhgijuhyeëe emuh kuhkenuh enewh ekedoowinun oomah tebahkoonegawining ayahgin, uhpe keähzhuhwuhuhmun, chepeendegayun emuh uhkeeng ewh mahnik Jehovah keKesha‐Muhnedoom, uhke emuh anduhnejewung doodooshahboo kuhya ahmoo‐seenzebahquud; kahezhewahweenduhmook suh goo Jehovah ooKesha‐Muhnedoomewaun koosebuneeg.

DEUTERONOMY 31:20

Uhpe mah kepeendeguhnugwah ewede uhkeeng ewh kahmushkuhwe‐wahweenduhmuhwugwah oosewahbuneeg, ewede anduhnejewung doodooshahboo kuhya ahmoo‐seenzebahquud; uhpe dush kewesenewaud kuhya ketabesenewaud, kuhya kewenenoowaud; me ewh uhpe chequakegahbuhwetuhwahwaud babahnezenejin muhnedoon, kuhya chebuhmeetuhwahwaud, chenishkeëwaud dush, kuhya chepegoobedoowaud newahweenduhmahgawin.

DEUTERONOMY 6:3

¶ Noondun suh dush, O Israel, kuhya aungwahmezin cheëzhechegayun; cheminwahbuhmawezeyun dush, kuhya ashkum chekechebahtuhyenooyag, debishkoo suh Jehovah oo‐kesha‐Muhnedoomewaun koosebuneeg kahezhewahweenduhmook, ewede uhkeeng anduhnejewung doodooshahboo kuhya ahmoo‐seenzebahquud.