NUMBERS 12:2 - Ottawa New Testament Penteteuch and Psalms 1874

² Oo‐oo dush keëkedoowug, Kagate nuh Jehovah emuh atuh oodoonening Mosesun kekedoo? kah nuh ween kuhya emuh nindoonenaung kekedoose? Jehovah dush oogenoondaun.

NUMBERS 12:2 Iomraidhean Croise

GENESIS 29:33

Menuhwah dush keünjegoo, kuhya oogeähyahwaun quewezansun; oo‐oo dush keëkedoo, oonje Jehovah kenoondung sheenganemegooyaun, ningemeenig kuhya oonoo quewezansun: Simeon dush oogeëzhenekahnaun.

EXODUS 4:14

Oogenishkeëgoon dush Jehovah enewh Mosesun, oo‐oo dush keëkedoo, Kah nuh ween Aaron owh Levite‐enene, kesuhya ahwese? ningekandaun ewh netahkekedood. Benuh dush kuhya peëzhah chenuhquashkauk; uhpe dush wahbuhmik, tuhmoojegedaä.

EXODUS 4:30

Aaron dush keëkedoo kuhkenuh enewh ekedoowinun kahweenduhmuhwahnepun Jehovahun enewh Mosesun, kuhya kemuhmaundahwechega emuh anahsuhmenid enewh ahneshenahban.

EXODUS 5:1

Bahmah dush Moses kuhya Aaron kepeendegawug, oo‐oo dush keëezheweenduhmuhwahwaud Pharaohun, Me oo‐oo akedood Jehovah oo‐Kesha‐Muhnedoomun owh Israel, puhgedin nindahneshenahbamug chemahjahwaud, cheähnuhmeä-wekoongawaud dush anahsuhmeyaun emah puhgwuduhkummig.

EXODUS 7:10

¶ Moses dush kuhya Aaron oogepeendeguhwahwaun Pharaohun, me dush keëzhechegawaud kahezhekuhgaunzoomegoowaud Jehovaun: Aaron dush oogeühpuhgedaun oometigoonsim emah anahsuhmenid Pharaohun, kuhya anahsuhmenid oobuhmetahgunene, me dush kekenabegoowunenig.

NUMBERS 11:1

Uhpe dush egewh ahnishenahbag kahnahnahpuhgaunze-tahgoozewaud, Jehovah kenishkahdeze. Jehovah dush oogenoondaun; oonishkahdezewin kuhya kebiskuhnamuhgudene: ewh dush Jehovah oodishkoodam keduhnuhkoonane emah uhyahwaud, egewh dush ashquaühyeëe emuh kuhbashewining kahuhyahjig oogechahgahkezoogoonahwah.

NUMBERS 11:29

Moses dush oo‐oo oogeënaun, Kekezhahwanjega nuh neen oonje? pagizh kuhkenuh Jehovah oodahnishenahbamun unwahchegawenenewewahpun, pagizh kuhya Jehovah meenahpun oojechaugwun!

NUMBERS 12:3

(Owh dush enene Moses ahpeje kebakahdeze, mahmuhwe kuhkenuh egewh enenewug kahuhyahjig anegookoodangwuhewung ewh uhke.)

NUMBERS 16:3

Kemahwunjeëdewug dush ewede uhyahnid Mosesun kuhya Aaronun, oo‐oo dush oogeënahwaun, Oonzaum nebewah kedoodahpenuhmahzoom, kuhkenuh mah egewh muhyahwunjeëdejig penezewug, anduhchewaud egoo, Jehovahun kuhya oowejewegoowaun: wagoonan suh dush wanjeöombenedezooyag nuhwuj ishpeming uhyahyag egewh dush ween Jehovah oodahnishenahbamun?

ROMANUN 12:10

Menoo‐sahgeëdeyook debishkoo kaëzhesahgeëdewahpun wawejekewaïndejig; ahwahshema mamashquaud kechetwahwanindik, dush ween kenuhwah ananindezooyag;

ROMANUN 12:3

Kedenenim suh kuhkenuh menik anduhsheyag, (shahwandahgoozewin kahmeenegooyaun wanje‐kekedooyaun,) kagoo ahwahshema kechetwahwanindezookagoon dush ween kaënanindezooyagoobun; pezaun‐anduhmook, debishkoo owh Kesha‐Muhnedoo azhemuhmeenaud anduhshenid enenewun ewh dabwayanduhmoowin.

PHILIPPIANUN 2:14

Dooduhmook kuhkenuh uhyeëen kuhnuhga nishkahje‐guhnoonindesewag kuhya kekaundesewag.

PHILIPPIANUN 2:3

Kahween gagoo tahoonje‐oozhechegahdasenoon emuh megahdewining gamuh emuh ahneshah muhmequahzoowining, emuh dush ahgahsanemoowining, anduhsheyag ahwahshema kegahminwanemahwaug pakahnezejig dush ween azheminwanindezooyag.

I. PETER 5:5

Kuhya kenuhwah ooshkenuhwawedoog nuhittuhwik egewh katezejig. Mahnoo kuhkenuh kenuhwah nuhittahdeyook, pesekuhmook dush ahgahsanemoowin; Kesha‐Muhnedoo muh oodahzhedakahwaun enewh kachetwahwanemoonejin, ooshahwanemaun dush ween enewh dabussanemoonejin.