NUMBERS 12:1 - Ottawa New Testament Penteteuch and Psalms 1874

¹ Miriam dush kuhya Aaron oogekekahmahwaun Mosesun oonje enewh Ethiopia duhzhe equan kahwedegamaud: oogewedegamaun mah Ethopia duhzhe equan.

NUMBERS 12:1 Iomraidhean Croise

GENESIS 24:3

Kegahenin dush chetuhgoowenud owh Jehovah, wakesha‐muhnedookundung gezhig kuhya uhkee, mushkahwewahween‐dahmahgayun, cheöondenuhmahwahsewud ningwis kawedegamahjin equawun, pazhig enewh oodahnissewaun egewh Canaanitug, ayahjig emuh anduhnuhkeeyaun:

GENESIS 24:37

Ningeënahkoonig dush nindoogemaum chemushkahwe‐wahweenduhmahwug, oo‐oo keëzhid, Kahween kegahoodah penuhmahwahse ningwis kawedegamahjin pazhig oodahnissewaun egewh Canaanitug, wadukeemejig oomah anduhnuhkeyaun.

GENESIS 27:46

Rebekah dush oo‐oo ogeënaun Isaacun, Nezhegahdandaun nebemahdezewin oonje oodahnissun owh Heth; kishpin Jacob wedegamaud pazhig Heth oodahnissun, azhewabezenejin debishkoo azhewabezewaud egewh wadahnesemindjig oomuh uhkeeng, ahneen kaënahbuduk nimbemahdezewin?

GENESIS 41:45

Pharaoh dush oogemeenaun Josephun oo oo ezhenekahzoowin, Zaphnath‐paaneah; oogemeenaun dush equawun kaweedegamahnid Asenathun oodahnesun owh Potipherah Oning duhzhe sahsahgewejega‐wenene. Joseph dush kepahbahmahdeze emuh anegookookummegaug Egypting duhzhe uhkeeng.

EXODUS 2:16

Owh dush Midian duhzhe sahsahgewejega‐wenene keneenzhwahchewun oodahnun: kebenahduhebewug dush oogoowh kuhya oogemooshkenabuhdoonahwaun enewh ahtoobaunun chemenuhahwaud oosewaun oomahnishtahneshemene.

EXODUS 2:21

Moses dush kenuhandum chewedegamaud enewh enenewun: oogemeenaun dush Mosesun enewh oodahnun Zipporahun.

EXODUS 34:16

Kuhya cheöodahpenuhmuhwahsewudwah oodaunewaun kegwissun oonje, enewh dush oodaunewaun peshegwahdezewining uhyindooduhwahnid enewh oomuhnedoomewaun, chekushkeähsenig kegwissun peshegwahdezewining cheühyindooduhwahnid enewh oomuhnedoomewaun.

LEVITICUS 21:14

Kahween oogahoodahpenahseen shegaun, gamuh wuhyabenegahzoonejin equawun, gamuh pazhigwahdezenejin equawun, kahween oogahoodahpenahseen oonoo denoowun: oogahweedegamaun kegaungooquan weejahnishenahba equan.

NUMBERS 14:22

Kuhkenuh mah egewh enenewug kahwahbundungig nimpeshegandahgoozewin, kuhya enewh nemuhmaundahwuh-nookewinun, kahezhechegayaun Egypting kuhya emah puhgwuhduhkummig, kuhya ahzhe medahching kahkuhgwade-banemejig, kuhya kahbezindunsegoog nindinwawin;

NUMBERS 16:2

Kepuhsegwewug dush emuh anahsuhmeühyahnid Mosesun, oogewejewegoowaun kuhya ahnind Israel oonejahnesun, neenzhwauk uhshe nahnemeduhnuh wagemahwejig emuh uhyahwaud egewh muhyahwunjeëdejig, kacheühpetandahgoozejig emuh uhyahwaud egewh muhyahwunjeëdejig, enenewug kachewahweendahguhnazejig.

NUMBERS 26:59

Amram dush wewun Jochebed keëzhenekahzoowun, me enewh Levi oodaunun, oogeen kahnegetuhmuhwahnejin enewh Leviün ewede Egypting: Amramun dush oogenegetuh-muhwaun Aaronun kuhya Mosesun, kuhya Miriamun ooduhwamahwaun.

St Matthew 10:36

Mesuh enewh emuh andaud ayahnejin kamegahneood owh enene.

St Matthew 12:48

Oogenuhquatuhwaun dush enewh kahwahweendahmahgoojin, oo‐oo keënaud, Ahwanan nenguh? kuhya ahwananug neejekewayug?

ST. JOHN 15:20

Mequanduhmook ewh ekedoowin kahenenuhgoogebun, Kahween ahwahshema ahpeetandahgoozese owh buhmeetuhgun dush ween oodoogemahmun. Kishpin suh kekooduggeëwahgwan, kuhya kenuhwah kegahkooduggeegoowaug; kishpin keguhnuhwanduhmoowahgwan nindekedoowin, kuhya kenuhwah kedekedoowinewaun oogahguhnuhwandahnahwah.

ST. JOHN 7:5

Kah muh oogedabwayanemegooseen enewh wejekewaun.

GALATIANUN 4:16

Kedoonje‐wuhsittahwanemim nuh, ewh weenduhmoonenuhgoog ewh dabwawin?