NUMBERS 11:17 - Ottawa New Testament Penteteuch and Psalms 1874

¹⁷ Ningahbenaunzhe dush chekuhnoonenaun ewede: ningahoodahpenaun dush ahnind ewh nebwahkahwin ayahmun, ningahmeenaug dush ewh; kegahweedookahgoog dush bemoonduhmun ewh azhekuhnuhwanemudwah egewh ahnishenahbag, keen dush nezheka chebemoondunsewun.

NUMBERS 11:17 Iomraidhean Croise

GENESIS 11:5

Jehovah dush ishpeming kepeöonjeëzhah chewahbundung ewh keche‐oodanah kuhya wahkahegun, kahoozhetoonid enene oonejahnesun.

GENESIS 17:22

Mesuh kepoone‐guhnoonaud, ishpeming dush keëzhemahjah Kesha‐Muhnedoo kahnuhguhnaud Abrahamun.

GENESIS 17:3

Abram dush keähpuggezoo emuh metushkuhkummig: oogeguhnoonegoon dush Kesha‐Muhnedoon, oo‐oo keëgood.

GENESIS 18:33

Kemahjah dush Jehovah, kahishquah‐guhnoonegood Abrahamun: Abraham dush keëzhekewa emuh andaud.

EXODUS 18:18

Kegahnishwuhnahjeëdiz egoo kagate, keen kuhya dush egoo oogoo ahnishenahbag wahjewikig; oonzaum mahween oo‐oo koozigwun keen chebemoonduhmun; kahween kekushketooseen keen egoo atuh ewh cheëzheähnookeeyun.

EXODUS 18:22

Mahnoo dush moonzhug oogahtebahkoonahwaun, enewh ahnishenahban: me dush kaëzhewabuk kuhkenuh keche uhyeëen chepedookwah, enewh dush ween kacheähpetandahgwussenoogin wenuhwah oogahtebahkoonahnahwah: me dush nuhwuj chewanepuhnezeyun, kuhya egewh oogahbemoondahnahwah ewh bamoonduhmun.

EXODUS 19:11

Mahnoo dush tuhoozheetahwug chepwah nesookezhigudenig: nesookezhiguk mahween Jehovah tuhbenaunzhe, emah anahsuhmenid kuhkenuh enewh ahnishenahban, emah Sinai wuhjewing.

EXODUS 19:20

Jehovah dush kepenaunzhe Sinai wuhjewing, oogiduhjewh: Jehovah dush oogiduhjewh oogeëzhenundoomaun Mosesun; Moses dush keöogedahkewa.

EXODUS 34:5

Jehovahun dush kenaunzhewun emah ahnuhquudoong, keweejegahbuhwetahgood dush emah, kuhya keweenduhmene ewh oodezhenekahzoowin ewh Jehovah.

NUMBERS 11:25

Jehovah dush kebenaunzhe ahnuhquudoong, oogekuhnoonaun dush, oogeöodahpenuhmuhwaun kuhya ahnind ewh nebwahkahwin kahuhyahmenid oogemeenaun dush ewh enewh neenzhwahsemeduhnuh akewazeyewenejin: kepuhguhmeühyahmuhgud dush uhpe ewh nebwahkahwin wadissegoowaud, keünwahchegawug, kahween kuhya kepoonetahsewug.

NUMBERS 12:5

Jehovah dush kebenaunzhe emuh ahnuhquudoong ewh paduhkesing, kenebuhwid emuh ishquaundamewung ewh puhpuhgewuhyahne‐ahnuhmeäwegummig, kenundoomaud enewh Aaronun kuhya enewh Miriamun: nuhyanzh dush enewh kebeëzhahwun.

NUMBERS 12:8

Uhowh ningahmechekuhkuhnoonah nindoon uhyooyaun, mezheshuh suh goo, kahween ween ahwacheguning; oodezhenahgoozewin kuhya owh Jehovah oogahwahbundaun: ahneen dush kahezhesagezesewag chekekahmag nimbuhmetahgun Moses?

NUMBERS 27:18

¶ Jehovah dush oo‐oo oogeënaun enewh Mosesun, Oodahpin Joshua oogwissun Nun, owh enene kagishkuhwaud enewh oojechaugwun, uhtuhmowh dush keninj emuh ooshtegwauning;

NUMBERS 7:89

Uhpe dush Moses paundegad emuh oopuhpuhgewuhyahne‐ahnuhmeäwegummigoowaung egewh muhyahwunjeëdejig wekuhnoonaud, me ewh uhpe kenoondung oodinwawinene pazhig kanoonegood emuh shahwanjega‐uhgweduhbewining oonje, ewh atag wuhgejuhyeëe emuh debahjemoowine‐muhkuhkoong, nesuhwuhyeëe emuh uhyahwaud egewh cherubug: oogekuhnoonegoon dush.

ST. JOHN 3:13

Kah dush ahweyah Keëzheoombishkahse ewede keche‐kezhegoong ween atuh keche‐kezhegoong kahpeöonjenesid, owh Enene oogwissun keche‐kezhegoong ayaud.

ST. JOHN 7:39

Oo‐oo dush kekeëdoo kedebahjemaud enewh Oojechaugwun, enewh kaöodahpenahwahjin enewh duhyabwayanemegoojin: kah muh muhshe kemeegewaseem owh Keche‐Oojechaug, kah muh muhshe kepeshegandahgooähse owh Jesus.

ROMANUN 8:9

Kahween kenuhwah kedahyahseem emuh weyahsewe‐bahbahmanduhmoowining, emuh atuh oojechaugoowine‐bahbahmanduhmoowining, kishpin kagate Kesha‐Muhnedoo Oojechaugwun anduhnezenid emuh keyowewaung. Kishpin gooshah ahweyah enene kekishkewahsig enewh Christ oojechaugwun kahween oodebanemegooseen enewh Christun.

I. CORINTHIANUN 2:12

Kenuhwind dush kegeöodahpenahnaun, kahween uhkeeng duhzhe oojechaugoomah, oojechaugoomah atuh Kesha‐Muhnedoong wanjeed; cheöonje‐kekanduhmung enewh uhyeëen wanepuzh kahmenenung owh Kesha‐Muhnedoo.

THESSALONIANUN 4:8

Owh dush buhyahpenoodahgad kahween oobahpenoodahwahseen enewh enenewun, enewh atuh Kesha‐Muhnedoon, owh kahmeenenung ooKeche‐Oojechaugwun.

I. PETER 1:22

Kekanduhmag ahzhuh kepeeneägwah kejechaugoowaug oonje kenuhittuhmag ewh dabwawin oonje owh Keche‐Oojechaug chesahgeägwah egewh wejekewaëmaug kuhnuhga sahgeëwakahzoosewag, aungwahmezeyook chewahweenga‐sahgeëdeyag emuh pahnuk kedaëwaung:

JUDE 1:19

Mesuh egewh pakajig, tebenuhwa oodenahdezewinewaun mahkindungig, ayahwahsigoog enewh Keche‐Oojechaugwun.