NUMBERS 10:29 - Ottawa New Testament Penteteuch and Psalms 1874

²⁹ ¶ Moses dush oo‐oo oogeënaun enewh Hobabun, oogwissene enewh Raguelun owh Midianite, Moses oozhenissun, Nindezhahmin ewede ewh Jehovah oo‐oo kahenahdoodung, kegahmeenenim: beweejeweshenaum, kegahmenoodoodahgoom dush: Jehovah mah oogeminwahjemootuhwaun enewh Israelun.

NUMBERS 10:29 Iomraidhean Croise

GENESIS 12:7

Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

GENESIS 13:15

Kuhkenuh mah menik wuhyahbunduhmun uhkee, kegahmeenin, kuhya kenejahnesug uhpena kahgenig.

GENESIS 15:18

Me ewh uhpe kezheguk Jehovah kewahweenduhmahwaud Abrahamun, oo‐oo keënaud, Ningemeenaug kenejahnesug maunduh uhkee, oonje Egypt duhzhe seebeeng peenish ewh keche‐sebe Euphrates azhenekahdag.

GENESIS 17:8

Kegahmeenin dush keen, kuhya kenejahnesug keïshquah‐bemahdezeyun ewh uhkee emuh anduhzhe mahyuggezeyun, anegookwaug Canaan uhkee, chekahgega debanduhmoowaud; kuhya ningahoo‐Kesha‐Muhnedoomigoog.

GENESIS 32:12

Kegeëkedoonahbun suh, Abetakummig kegahmenoo‐doodoon, kuhya ningahmeshenooäug kenejahnissug cheëshenoowaud ashenuk nagow cheguhbeeg atag tuhyaähginjegahdasenoog.

PSALMS 100:1

O moojegezetuhwik owh Jehovah, kuhkenuh akeeweyag: emuh moojegezewining ezhebuhmeetuhwik owh Jehovah, peëzhahyook emuh anduzzhe‐ähyaud chenuhguhmootahwag.

PSALMS 34:8

O taungemundun chekekanduhmag keshawahdezid owh Jehovah: shahwandahgoozewun suh enewh duhyabwayanemegoojin.

PSALMS 95:1

Umba nuhguhmootahwahdah owh Jehovah: anegookoodaäyung moojegezetahwahdah owh mashkahwezid Bamahjeënung.

EXODUS 18:1

Uhpe Jethro, owh Midian duhzhe sahsahgewejega‐wenene, Moses cozhenissun, nwaundung kuhkenuh Kesha‐Muhnedoo kahuhyindooduhwaud Mosesun, kuhya Israelun oodahnishenahbamun, kuhya Jehovah kesahgejewenaud Israelun emah Egypting;

EXODUS 18:12

Jethro dush, Moses oozhenissun, oogeöodahpenuhmuhwaun Kesha‐Muhnedoon ewh chahgezega‐puhgedenegawin kuhya sahsahgewejegunun: Aaron dush kepeëzhah, kuhya kuhkenuh egewh akewazeyewejig Israelitug, chewedoopuhmahwaud Moses oozhenissun, aumwahwaud buhquazhegunun, emah anahsuhmenid Kesha‐Muhnedoon.

EXODUS 18:27

¶ Moses dush oogepuhgedenaun oozhenissun chemahjahnid; keëzhekewawun dush emah tebenuhwa ooduhkeemening.

EXODUS 2:18

Uhpe dush wadesahwaud Renelun enewh oosewaun, oo‐oo oogeëgoowaun, Ahneen suh webuh azhetuhgwishenag noongoom?

EXODUS 2:21

Moses dush kenuhandum chewedegamaud enewh enenewun: oogemeenaun dush Mosesun enewh oodahnun Zipporahun.

EXODUS 3:1

Moses dush oogeguhnuhwanemaun oomahnishtahnishemene Jethroün, enewh oozhenisun, owh Midian duhzhe sahsahgewejega‐wenene, oogeëzhewenaun dush enewh mahnishtahnishun noopemeeng enuhkuhkayah buhgwuhduhkummig, keduhgwishing dush Kesha‐Muhnedoo oowahjewing, Horebing.

EXODUS 3:8

Ninpeëzhah dush cheëkoonugwah emahooninjening enewh Egyptianun, kuhya chesahgejewenugwah emah uhkeeng cheëzhewenugwah dush uhkeeng wanesheshing kuhya machaug, emah uhkeeng anduhne‐jewung ewh doodooshahboo kuhya ahmoo‐sinzebahquud: emah duhnuhkewaud egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya Hivitug, kuhya egewh Jebusitug.

EXODUS 6:4

Ningeühyeenjesittoon dush kuhya newahweenduhmahgawin wahweenduhmuhwugwah, chemenugwah ewh Canaan duhzhe uhke, ewh uhke emah kebuhbahmahdezewaud, kuhya kahduhzhemuhyuhgezeyaun.

NUMBERS 10:28

Me suh oo‐oo kahezhemahjahwaud Israel oonejahnesun nahsaub egoo kahenandahgoozenid ooshemahgunishemewaun, uhpe muhyahjahwaud.

NUMBERS 23:19

Kahween enenewese Kesha‐Muhnedoo, ewh chekuhkenuhwishkepun; gamuh kuhya kahween oodoogwissemegooseen enenewun, ewh cheähnuhwanindezoopun: keëkedoo nuh, kah nuh dush ewh tahezhechegase? gamuh kuhyakekekedoo nuh, kah nuh dush oogahdebishkoosedooseen?

OODEZHECHEGAWINEWAH 7:5

Kah dush oogemeenahseen ewh debandahsoowin emuh, kah kuhnuhga menik anegookoosittad: oogewahweenduhmahwaun dush wemeenaud ewh chedebanduhmenid, kuhya kaähneka‐bemahdezenejin oonejahnesun, chepwah oonejahnesenid.

DEUTERONOMY 30:5

Owh dush Jehovah keKesha‐Muhnedoom kegahpeendegunik emuh uhkeeng ewh koosebuneeg kahdebanduhmoowahpun, keen dush kegahdebandaun; kegahmenoodoodaug dush, kuhya kegahbahtuhyenooïk nuhwuj chebahtuhyenooyun egewh dush ween koosebuneeg.

DEUTERONOMY 4:40

Kegahkuhnuhwandahnun suh dush enewh oodenahkoonegawinun, kuhya ookuhgequawinun, noongoom azhekuhgaunzoomenaun, cheminwahbuhmawezeyun dush nah, keen kuhya kenejahnesug kanebemahdezejig keïshquahbemahdezeyun, kenwazh dush kuhya chebemahdezeyun emuh uhkeeng, ewh mahnik Jehovah keKesha‐Muhnedoom kahgenig.

ENEWH TITUSUN 1:2

Wanje‐ahpanemooyaung ewh kahgega bemahdezewin, ewh kahwahweendahmahgad Kesha‐Muhnedoo kakuhkenuhwishkesigoobun, chepwah mahje‐uhkeewung;

HEBREWUN 6:18

Neezh uhyeëen cheähyahmung kaäunjechegahdasenoogin, oonje kushketoosig owh Kesha‐Muhnedoo chekewunemoopun, kaöondenuhmung ewh swaungung menoodaäshkahgoowin kenuhwind kahezhenezhemooyung ewh ahpanemoowin kahahtahmahgooyung anahsuhmeyung.

REVELATION 22:17

Owh Oojechaugoomah kuhya owh nahaungunequa ekedoowug, Oondahshaun. Kuhya owh nwaundung Oondahshaun, tahekedoo. Kuhya Mahnoo tahpeëzhah owh kashkahbahgwad. Ahwagwan dush ananduhmoogwan, tahpeëzhah, wanepuzh dush oogahoodahpenaun ewh bemahdezewine nebee.