NUMBERS 10:10 - Ottawa New Testament Penteteuch and Psalms 1874

¹⁰ Uhpe kuhya ewh kezheguk mwahjegezeyagoon, kuhya uhpe kachetwah‐kezhiguk, kuhya uhpe washkuhgoojenoowaud kekeezisoomewaug, kegahpoodahnahwaun enewh poodahjegunun wuhgijuhyeëe emuh kechahgezega‐sahsahgewejegunwaung, kuhya wuhgijuhyeëe emuh kepezanneëwa‐sahsahgewejagunewaung; cheöonjemequanduhmag enewh emuh anahsuhmeühyaud ke‐Kesha‐Muhnedoomewah; neen nindowh owh Jehovah ke‐Kesha‐Muhnedoomewah.

NUMBERS 10:10 Iomraidhean Croise

PSALMS 150:3

Mahmooyahwahmik pootahduhmag pootahjegunun: mahmooyahwahmik muhtwawatooyook muhtwawajegunun.

PSALMS 81:3

Pootahjegayook ewh pootahjegun uhpe washkeahgoojing tebike‐kezis: uhpe wajechesag ewh kechetwah kezhegud.

PSALMS 81:4

Me mah anahkoonegang emuh Israeling: ootebahkoonegawin Jacob ooKesha‐Muhnedoomun.

PSALMS 89:15

Shahwandahgoozewug egewh ahnishenahbag kakandungig ewh moojegetahgoozewin: tahbemoosawug Jehovah emuh azhewahsayaug kishkinzhegoon.

EXODUS 28:29

Aaron dush oogahgegezenun enewh oodezhenekahzoowinewaun Israel oonejahnesun emah debahkoonewawine‐asimeeging emah oodaïng, uhpe paundegajin emah kachetwahwandahgwudenig, cheöonjemequanjegang emah anahsuhmeed Jehovah kahgenig.

EXODUS 30:16

Kegahoodahpenuhmuhwaug dush Israel oonejahnesun enewh ahbwayaninga‐shooneyaun, kegahenahkoonah dush owh cheühnookahzoong emah puhpuhgewuhyahne‐ahnuhmeäwegummegoong emah koo anduhzhe mahwunjeëding; ewh dush nah chemequanduhmoowaud Israel oonejahnesun anahsuhmeühyahnid Jehovahun, wanjeahbwayanememindwah kejechaugoowaug.

LEVITICUS 23:24

Kuhnoozh Israel oonejahnesun oo‐oo cheënudwah, Uhpe neezhwahsoo‐keziswahguk, natumesing kezheguk, kegahahyahnahwah ahnuhmeä‐kezhegud, uhpe kapootahduhmag pootahjegunun, kuhya kakeche‐ahnuhmeä‐mahwunjeëdeyag.

NUMBERS 10:9

Kishpin dush nandoobuhnekunduhwagwah emuh keduhkeemewaung egewh mahgahnenagoog kwaduhgeënagoog, kegahezhepoodahjegam azhepoodahjegang uhpe amuhnesoongin enewh poodahjegunun uhyooyag; kegahmequanemegoom dush emuh anahsuhmeühyaud Jehovah ke‐Kesha‐Muhnedoomewah kuhya kegahbamahjeëgoom gagoo chedoodoosenoowagwah egewh mahgahnenagoog.

NUMBERS 28:11

¶ Uhpe kuhya washkeühgoojenoowahjin kekeezisoomewaug kegahpuhgedenuhmuhwahwah Jehovah chahgeda‐sahsahgewejegun; neenzh uhyahba‐pezhekeensug, kuhya pazhig uhyahba‐mahnishtahnish, neenzhwahswe mahnishtahnisheensug nangoo‐pepoon‐uhgezejig kaduhgezesegoog;

NUMBERS 29:1

Uhpe dush neenzhwahsookeziswuhguk, uhpe ningoodoo-goonuhgezid owh kezis, kegahahnuhmeä‐mahwunjeëdim; kahween gagoo kegahenuhnookeseem: ewh suh kezhigud me uhpe koo poodahduhming enewh poodahjegunun.

St Matthew 11:28

Penaunzekahweshig, kenuhwah kuhkenuh quatuggeahnookeyag kuhya pwahyahwuhnayag, kegahaunwabëenim dush.

OODEZHECHEGAWINEWAH 10:4

Uhpe dush kahguhnuhwahbuhmaud, kesageze, oo‐oo keëkedood, Wagoonan, Tabaningayun? Oo‐oo dush oogeënaun, Kesha‐Muhnedoo suh oomequandaunun enewh kedahnuhmeähwinun kuhya enewh kemeegewawinun.

I. CORINTHIANUN 15:52

Shasekah, ningoo‐puhsungahbing, uhpe ishquauj pootahjegang: tahmuhtwawamahgud ewh pootahjegun, kuhya dush egewh naboojig tahahbejebahahwug wekah chebahnahdezesigwah, kenuhwind kegahdaunjeëgoomin.

THESSALONIANUN 4:16

Ween suh goo Tabaningad tahpeöonje‐nahgooze ewede keche‐kezhegoong magwah sahsahquang, kuhya magwah keche kezheewad owh Keche Angen, kuhya magwah muhtwawamahguk oopootahjegun owh Kesha‐Muhnedoo: netum dush tahahbejebahwug egewh naboojig emuh Christing:

THESSALONIANUN 4:18

Enushka menoodaäëdeyook oonoo ekedoowinun ezheguhnoonindeyag.

REVELATION 22:17

Owh Oojechaugoomah kuhya owh nahaungunequa ekedoowug, Oondahshaun. Kuhya owh nwaundung Oondahshaun, tahekedoo. Kuhya Mahnoo tahpeëzhah owh kashkahbahgwad. Ahwagwan dush ananduhmoogwan, tahpeëzhah, wanepuzh dush oogahoodahpenaun ewh bemahdezewine nebee.