JAMES 5:9 - Ottawa New Testament Penteteuch and Psalms 1874

⁹ Kagoo wuhsittahwanindekagoon, nejekewaëdoog, koonemah kedahgenahneboomegoom: benuh, owh katebahkoonewad nebahwe emuh anahsuhmeyeewung ewh ishquaundam.

JAMES 5:9 Iomraidhean Croise

GENESIS 4:7

Kishpin manoochegawunan, kahnuhween kegahminwanemegoose? Kishpin dush manoochegasewunan, me suh mujjeëzhewabezewin kabishkahgamahguk. Kegahnahdanemik, kuhya kegahoogemahkunduhwah.

PSALMS 59:15

Tahpahbahmoosawug nunduhwanduhmoowaud meejim: kuhya tahkuhpatebikwawug kishpin tabesineahsewindwah.

LEVITICUS 19:18

¶ Kahween kegahahzhittahwahewase, kah kuhya kegahsheenganemahseeg keejahnishenahbag, kegahezhesahgeäh keejduhnuhkeewamahgun debishkoo azhesahgeëdezooyun: Neen nindow Jehovah.

St Matthew 24:33

Mesuh dush kuhya kenuhwah, uhpe kewahbunduhmag oonoo kuhkenuh, kekanduhmook suh ewh chepashoowuk, ahzhe suh goo emuh chegeshquaund peähyahmahguk.

ST. MARK 13:29

Mesuh kuhya oo‐oo debishkoo kenuhwah, uhpe wuhyahbundahmagoon oonoo cheëzhewabuk, kekanduhmook pashoo chepeähyahmahguk, pooch egoo chegesquaund.

ST. MARK 6:19

Medush owh Herodias kesheenganemaud enewh Johnun, keënandum dush wenesaud; kah dush oogekushketooseen:

I. CORINTHIANUN 10:11

Benuh dush kuhkenuh oonoo uhyeëen keëzhewabudene, chewahbundahegooyung: kuhya chekuhgekemegooyung oonje‐oozhebeëgahdawun kenuhwind puhguhmish-kahgooyung ewh uhpe gagah weïshquah‐uhkeewung.

I. CORINTHIANUN 4:5

Me suh oo‐oo kaöonje‐tebahkoonunsewag gagoo chepwah oojechesag chetuhgwishing owh Tabaningad, ween suh kapewahsashkung enewh kuhyahjegahdagin emuh magwa puhsuhgish‐tebik, kuhya kamezheshuh‐wahbundahewad ananduhmoomahguk enewh oodaëmah: me dush uhpe anduhshid enene cheminwahjemegood enewh Kesha‐Muhnedoon.

II. CORINTHIANUN 9:7

Anduhshid enene debishkoo enandung emuh oodaïng mesuh menik kameegewad; kahween emuh suhsahgezewining, gamuh minwanduhsigwah: Kesha‐Muhnedoo muh oominwanemaun enewh manwanduhmenejin meegewawin.

GALATIANUN 5:14

Kuhkenuh muh ewh tebahkoonegawin guhnuhwanjegahda emuh pazhik ekedoowining, me suh oo‐oo. Debishkoo azhesahgeëdezooyun kegahezhesahgeäh keeje‐duhnuhkeewamahgun.

GALATIANUN 5:26

Kagoo dush nunduhwandunsedah ewh muhmequahzoowin, kagoo kahkaunjeësedah, kuhya keshahwanindesedah.

JAMES 4:11

Kagoo mujje‐duhzhindekagoon, nejekewaëdoog. Owh maje‐duhzhemaud enewh wejekewaün, kuhya tabahkoonaud enewh wejekewaün, oomujje‐duhzhindaun ewh tebahkoonegawin, kuhya ootebahkoonaun ewh tebahkoonegawin; kishpin dush tebahkoonuhmun ewh tebahkoonegawin, kahween kedoodunse ewh akedoomahguk tebahkoonegawin, ketebahkoonaun dush ween.

JAMES 4:12

Pazhikoo owh kahmeegewad tebahkoonegawin, mesuh owh kashketood chebemahjeëwad kuhya chebahnahjeëwad: ahwanan keen tabahkoonud pakahnezid?

JAMES 5:10

Kekenoowahbuhmik, nejekewaëdoog, egewh aunwahjega‐wenenewug kahkekedoojig emuh oodezhenekahzoowining owh Tabaningad, cheöonje‐soongummunduhmag enewh kooduggetoowinun, kuhya cheshuhshebanduhmag.

JAMES 5:7

Umba dush, nejekewaëdoog, soongummunduhmook, nahnauzh Tabaningad wahtuhgwishing. Benuh owh ketega‐wenene oobeetoon ewh kache‐ahpeetandahgwuk menewewin uhkeeng kaöonjeging, kuhya kinooäzh oobeetoon, nahnauzh pagumme‐peesaug sahgwunenig kuhya taquahgenig kemewung.

I. PETER 4:5

Oogahwahweenduhmoowahwaun ewh oodezhewabezewinewah enewh ahzhuh kahzhetahnejin ewh chetebahkoonahnid enewh bamahdezenejin kuhya enewh kahneboonejin.

I. PETER 4:9

Keshawahdeze‐doodahdeyook mamashquaud chesahsahgezesewag.

REVELATION 3:20

Benuh, nenebow emuh ishquaundang, kuhya nepahpahgahkwahega: kishpin ahweyah noondung nindinwawin kuhya nesahkoonung ishquaundam, ningahpeendegahwah suh owh, kuhya ningahweedoopuhmah, kuhya ween egoo ningahweedoopuhmik.