JAMES 5:5 - Ottawa New Testament Penteteuch and Psalms 1874

⁵ Kegeëzhebemahdezim emuh minwahnegoozewining oomah uhkeeng, kegepezhegwahdezim; kegemenoo ahshundahnahwah enewh kedaëwaun, debishkoo ahwahkahnug ahnuhween goo dabishkoosanig ewh netahga‐kezhegud.

JAMES 5:5 Iomraidhean Croise

PSALMS 17:14

Chebahnahjeësigwah egewh enenewug keneenj ayooyun chebahnahjeësigwah, nindekid, egewh enenewug, kuhya maje‐ezhewabezejig: egewh kahmeenudjig ootebenuhwawezewinewaun oomuh uhkeeng; egewh ashummudjig enewh kahmoodukkin kedahksunjegoowinun nahnauzh tabesinnewaud: nebewah ahbenoojeün oodahyahwahwaun, kuhya oonuhguhduhmoowahwaun oonejahnesewaun enewh ootebenuhwawezewinewaun.

PSALMS 73:7

Keche‐weeninwingwawug; nahwuj nebewah oodahyahnahwah dush ween nanduhwanduhmoowaud.

ST. LUKE 16:19

Keähyah pazhik kachetwahwezid enene, kahmiskookoonuhyad kuhya wanesheshenig wahbishkegin kahahgwid, kuhya kahmenoo‐wesenid anduhsoo‐kezhegudenig:

ST. LUKE 16:25

Abraham dush keëkedoo, Ningwis mequandun e‐ewh magwah bemahdezeyunbun keähyahmun enewh wanesheshingin, kuhya ween dush owh Lazarus ketemahgezewin; noongoom dush, ween menoo‐ahyah, keen dush kekooduggeëgoo.

ROMANUN 13:13

Mahnoo suh dush enoosadah kaënoosayungoobun kahzhegukin, kahween goo emuh oombegezewine wekoondewining, kuhya kewushquabewining, kah kuhya emuh kuhkebahdezewining, kuhya peshigwahdezewining, kahween kuhya emuh kekaundewining kuhya keshahwanindewining.

I. TIMOTHEUSUN 5:6

Owh dush equa mahkindung oomah uhkeeng duhzhe oonahnegoozewin neboo magwah bemahdezid.

II. TIMOTHEUSUN 3:4

Tahnetuh‐bahtahewawug, kahween oogahoogemahkunduhsenahwah oomujje‐nunduhwanduhmoowinewaun, tahkechetwahwanemoowug, ahwahshema oogahsahgetoonahwah ewh oonahnegoozewin dush ween kaëzhesahgeähwaud Kesha‐Muhnedoon;

II. PETER 2:13

Tahtebahuhmahgoozewug suh mujje‐ezhewabezewine‐tebahuhmahgoozewin, oonje minwanduhmoowaud oombege‐wekoongawaud magwah kezhegudenig. Ketuggezewinun kuhya wenezewinun ezheähyahwug, wuhyazhingawaud oonje oonahnegoozewaud magwah weedoopuhmenagwah:

JUDE 1:12

Ahzhebikoon ahwewug oogoo emuh kesahgeëdewine‐wekoondewinewaung, uhpe wahdoopuhmenagwahnin, wesenewug kootunsigwah gagoo; ahnuhquuhdoong nabeewunsenook enandahgoozewug ahnooj uhyenahsing; metigoon kahbahnahdudenig oomeenewinewah, kuhnuhga mahnewesegoog, neezhing mashewahkoozejig, paquahkoobeje-gahzoojig;

REVELATION 18:7

Menik kahpeshegandahgooëdezood, kuhya kahpezhegwahdezid, mesuh menik kooduggetoowin kuhya ketemahgezewin kameenag: oo‐oo muh ekedoo emuh oodaïng, Keche‐oogemahquang ninduhnub, kah dush neshegahwese, kah dush ningahwahbunduhseen koodugganduhmoowin.