JAMES 4:5 - Ottawa New Testament Penteteuch and Psalms 1874

⁵ Kedenandaum enuh ahneshah ekedoomahguk ewh Kechetwah‐Oozhebeëgawin, Owh oojechaug kakishkahwung oonundahwandaun ewh kuhgahwanindewin?

JAMES 4:5 Iomraidhean Croise

GENESIS 26:14

Oogedebanemaun mah mahnishtahnishun kuhya pezhekewun, kuhya kekeche‐bahtuhyenoowun oobuhmeetahgunun: oogekeshahwanemegoon dush enewh Philistinun.

GENESIS 30:1

Uhpe dush Rachel kahwahbundung ewh kenegetuhmoowahsig Jacobun enewh ahbenoojeün Rachel oogegahwanemaun enewh oomissaün; oo‐oo dush keënaud Jacobun, Meezheshin ahbenoojeüg, kishpin meezhesewun ningahnib

GENESIS 37:11

Oogekeshahwanemegoon dush enewh wekahnesun; oosun dush ween keguhnuhwanduhmoon ewh ekedoowin.

GENESIS 38:9

Onan dush oogekekandaun chedebanemahsig enewh kaöonejahnesejin; kepuhgummeähyahmahgud dush, uhpe paundeguhwaud oowedegamahgune wekahnesebuneen, oogeseegwabenaun oomenekaun emuh metushkuhkummig, chemeenahsig dush wekahnesebuneen ewh oomeenekaun.

GENESIS 6:5

¶ Kesha‐Muhnedoo dush oogewahbundaun azhekeche-mujjeëzhewabezenid enenewun emuh uhkeeng, kuhya uhpena mujjeëzhewabudenig kuhkenuh oonahnahgahdahwanduhmoowinene azhenahnahgahdahwanduhmenid emuh oodaëning.

GENESIS 8:21

Jehovah dush keweeshkoobemaunjega; oo‐oo dush keëkedoo owh Jehovah emuh oodaïng, kahween menuhwah ningahkuhgwahnesugganduhseen uhkee oonje enene oodezhewabezewin; kuhkenuh mah enene oodenanduhmoewinun anandungin emuh oodaïng uhpena mujje‐ezhewabudoonatuh pahahkoo‐ooshkenegid; kah dush menuhwah ningahpukketawahseeg kuhkenuh bamahdezejig, debishkoo ahzhe kahezhechegayaun.

PSALMS 106:16

Kuhya oogekahwaähwaun Mosesun emuh kuhbashewining: kuhya Aaronun enewh Jehovah kahahnoonahjin.

PSALMS 37:1

Kagoo kushkandunkan oonje egewh maje‐ezhewabezejig: kah kuhya kegahkeshahwanemahseeg egewh maje‐ezhechegajig.

NUMBERS 11:29

Moses dush oo‐oo oogeënaun, Kekezhahwanjega nuh neen oonje? pagizh kuhkenuh Jehovah oodahnishenahbamun unwahchegawenenewewahpun, pagizh kuhya Jehovah meenahpun oojechaugwun!

NUMBERS 23:19

Kahween enenewese Kesha‐Muhnedoo, ewh chekuhkenuhwishkepun; gamuh kuhya kahween oodoogwissemegooseen enenewun, ewh cheähnuhwanindezoopun: keëkedoo nuh, kah nuh dush ewh tahezhechegase? gamuh kuhyakekekedoo nuh, kah nuh dush oogahdebishkoosedooseen?

ST. JOHN 10:35

Kishpin dush muhnedoon ezhenekahnaud enewh kahpeöodissegoonejin ewh Kesha‐Muhnedoo oodekedoowin, kah dush tahbahnahjechegahdasenoon ewh kechetwah‐oozhebeëgun.

ST. JOHN 19:37

Menuhwah dush pazhik oozhebeëgun oo‐oo ekedoomahgud, Oogahguhnuhwahbuhmahwaun enewh kahpuhje-bahwahwahjin.

ST. JOHN 7:42

Kah nuh ween ekedoomahgussenoon ewh kechetwah‐muhzeneëgun, cheoondahdezid owh Christ oonje David oomenewining, kuhya emuh Bethlehem azhenekahdag oodanaung, emuh kahduhzhe‐ahyahgoobunan owh David?

OODEZHECHEGAWINEWAH 7:9

Egewh dush kooseminahbuneeg, kekeshahwanemahwaud, oogeähtahwahganahwaun enewh Josephun cheëzhewenemind ewede Egypting, oogeweejewegoon dush enewh Kesha‐Muhnedoon.

ROMANUN 1:29

Kemooshkenashkahgoowaud kuhkenuh mujje‐ezhewabezewin, pezhigwahdezewin, kuhkebahdezewin, shoobeegoowin, mujjedoodahdewin; kemooshkenashkahgoowaud keshahwanjegashkewin, nesedewin, kekaundewin, wuhyazhingawin, kuhya kuhkuhyanezewin; kuhyaushkunuzzoojig,

ROMANUN 9:17

Oo‐oo muh akedoomahguk ewh kechetwah‐oozhebeegawin, guhnoonind owh Pharaoh, Mesuh oo‐oo kahoonje-puhsegwindenenaun, cheöonje‐wahbundahewayaun ewh nemushkahwezewin emuh keyowing, cheöonjewahweenjegahdag nindoonoozoowin emuh anegookookummegaug ewh uhkee.

I. CORINTHIANUN 6:19

Ahneen dush? kah nuh ween kekekanduhsenahwah ewh keyowewah ahyahwung oodahnuhmeäweguhmig owh Keche Oojechaug, owh kakishkahwag, mahnenag owh Kesha‐Muhnedoo, kah dush ketebanindezooseem?

II. CORINTHIANUN 6:16

Wagoonan dush kaöonje‐weedookahgamahguk oodahnuhmeä‐weguhmigoom owh Kesha‐Muhnedoo emuh muzzeneneeng? kenuhwah gooshah kedahwim oodahnuhmeä‐weguhmigoom owh Kesha‐Muhnedoo; debishkoo kahekedoogoobunan owh Kesha‐Muhnedoo, Ningahdah emuh ooweyowewaung, kuhya ningahpahbahmoosa emuh ooweyowewaung, kuhya ningahdooKesha‐Muhnedoomemigoog, kuhya ningahoodahnishenahbamemaug.

GALATIANUN 3:8

Kuhya dush Kechetwah‐oozhebeëgun, kezhah kekekanduhmoomahguk owh Kesha‐Muhnedoo weminwandah-goozeäud enewh mayuggezenejin oonje dabwayanduhmoowin, kezhah wahweendahmahwaud ewh minwahjemoowin enewh Abrahamun, oo‐oo keëkedoomahguk, Keen suh tahoonje‐shahwandahgoozewug kuhkenuh ahnooj azheweenzoojig ahnishenahbag.

ENEWH TITUSUN 3:3

Kuhya kenuhwind mahween kuhyet kegekuhkebahdezemin, kegekuhgaunzetahmin, kegewuhyazhemegoomin, kegebuhmeetahnahnin ahnooj mujje‐nunduhwanduhmoowinun kuhya oonahnegoozewineshun, emuh shinganindewining, kuhya keshahwanindewining kegeëzhebemahdezemin, kegeshingandahgoozemin kuhya kegesheenganindemin.