JAMES 4:4 - Ottawa New Testament Penteteuch and Psalms 1874

⁴ Kenuhwah pezhegwauj‐enenewedoog kuhya pezhegwauj‐equawedoog, kah nuh ween kekekanduhsenahwah sahgetoong uhkee mesuh wanje‐sheenganemind Kesha‐Muhnedoo? ahwagwan dush kasahgetoogwan ewh uhkee oosheenganemaun enewh Kesha‐Muhnedoon.

JAMES 4:4 Iomraidhean Croise

GENESIS 3:15

Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.

PSALMS 21:8

Kegahmekahwaug suh kuhkenuh egewh shaunganemikig keneenjeen ahyooyun: kegahmekahwaug egewh shaunganemikig kekecheneenj ahyooyun.

PSALMS 50:18

Uhpe kahwahbuhmud kamoodishkid, kegenuhquatuhmoowah: kuhya kegeweedookahwah owh pazhigwahdezid enene.

PSALMS 73:27

Benuh! egewh wahsuh naguhnikig tahnishwuhnahdezewug; kegebahnahjeäug kuhkenuh wuhyabenikig.

St Matthew 12:39

Oogenuhquatuhwaun dush, oo‐oo keënaud, Majeezhewabezejig kuhya pazhikwahdezejig bamahdezejig oonundahwandahnahwah kekenoowahjechegun: kah dush kuhnuhga kekenoowahjechegun tahmeenahsewug, ewh atuh ookekenoowahjechegun owh aunwahjega‐wenene Jonas:

St Matthew 16:4

Majeëzhewabezejig kuhya pazhigwahdezejig bamahdezig oonundahwandahnahwah ewh kekenoowahjechegun; kah suh tahmeenahsewug kekenoowahjechegun, me atuh ookekenahwahjechegun owh aunwajega‐wenene Jonas: oogenuhguhnaun dush, keühnemahjaud.

St Matthew 6:24

Kahween ahweyah ookushketooseen chebuhmeetahwaud neezh tabaninganejin: koonemah suh oogahsheenganemaun pazhik kuhya oogahsahgeäun enewh bakahnezenejin: gamuh suh kuhya oogahmenwanemaun pazhik, kuhya oogahmaunanemaun menuhwah pazhik. Kahween kekushketoosenahwah chebuhmeetuhwag owh Kesha Muhnedoo kuhya owh Mammon.

ST. LUKE 19:27

Oogoo dush ween shaunganemejig, kahenanduhsegoog cheöogemahkunduhwugwah, peenik kuhya nesik oomah enahsuhmuhbeyaun.

ST. JOHN 15:19

Kishpin oomah uhkeeng debandahgoozeyagoobun, oodahsahgeähwaun egewh akeewejig enewh tabanemahwahjin; kah suh ween kedebandahgoozeseem oomah uhkeeng; neen suh uhkeeng kegeöonjewuhwanahbuhmenim, mesuh ewh wanjesheenganemenagwah egewh akeewejig.

ST. JOHN 17:14

Ningemeenaug suh ewh kedekedoowin, oogesheenganemegoowaun dush enewh akeewenejin, kah muh debandahgoozesewug oomah uhkeeng, debishkoo kuhya neen azhedebandahgoozesewaun oomah uhkeeng.

ST. JOHN 7:7

Kahween ookushketoosenahwah egewh akeewejig chesheenganemenagwah; nesheenganemegoog suh, nindebahjemaug muh, mujje‐ezhewabudenig enewh oodahnookeewinewah.

ROMANUN 5:10

Kishpin muh, magwah shinganjegayungoobun, kepoonanemenung owh Kesha‐Muhnedoo oonje ewh oonebootoowinening enewh oogwissun, ahwahshema kahpoonanemegooyung, kegahbemahjeëgoomin oobemahdezewin oonje.

ROMANUN 8:7

Ewh weyausewe‐bahbahmanduhmoowin me ewh mahgahnegood owh Kesha‐Muhnedoo: kah mah puggedenedezoomahgussenoon emuh oodebahkoonegawining owh Kesha‐Muhnedoo, kah dush kagate tahkushketoomahgussenoon.

I. CORINTHIANUN 1:20

Ahneende owh nabwahkaud? ahneende owh oozhebeëga‐wenene? ahneende owh dabahdoodung oomah uhkeeng duhzhe kekanjegawinun? kah nuh ween Kesha‐Muhnedoo oogekuhkebahjetooseen oomah uhkeeng duhzhe‐nebwahkahwin?

I. CORINTHIANUN 1:21

Uhpe dush emuh oonebwahkahwining owh Kesha‐Muhnedoo, egewh akeewejig emuh tebenuhwa oonebwahkahwinewaung kahkekanemahsigwah enewh Kesha‐Muhnedoon, keminwandum owh Kesha‐Muhnedoo emuh kuhgequawine‐kuhkebahdezewining cheöonje‐bemahjeäud enewh duhyabwayanduhmenejin.

GALATIANUN 1:10

Noongoom edush nuh newekoojeäug chebezindahwewaud enenewug, gamuh Kesha‐Muhnedoo? gamuh nenunduhwandum enuh cheminwanduhmeügwahpun enenewug? kishpin muh kayahbe minwanduhmeügwahpun enenewug, kahween nindahgeöobuhmeetahgunemegoose Christ.

JAMES 1:27

Pahnuk ahnuhmeähwin kuhya wahnussenook anahsuhmid Kesha‐Muhnedoo kuhya Wayoosemind oo‐oo ezhewabud, chemahwudussindwah egewh kahwuhsejig kuhya shahgahwejig magwah ketemahgezewaud, kuhya ahweyah cheguhnuhwanindezood cheweeneëgoosig maunduh uhkee.