JAMES 4:11 - Ottawa New Testament Penteteuch and Psalms 1874

¹¹ Kagoo mujje‐duhzhindekagoon, nejekewaëdoog. Owh maje‐duhzhemaud enewh wejekewaün, kuhya tabahkoonaud enewh wejekewaün, oomujje‐duhzhindaun ewh tebahkoonegawin, kuhya ootebahkoonaun ewh tebahkoonegawin; kishpin dush tebahkoonuhmun ewh tebahkoonegawin, kahween kedoodunse ewh akedoomahguk tebahkoonegawin, ketebahkoonaun dush ween.

JAMES 4:11 Iomraidhean Croise

PSALMS 140:11

Maje‐kezhwad kahween tahminwuhbese oomah uhkeeng: owh maje‐doodahgad enene uhpena oogahnoopenuhnegoon mujje‐uhyeewish chekoopujjeëgood.

ST. LUKE 6:37

Kagoo ween tebahkoonewakagoon, kah dush kenuhwah kegahtebahkoonegooseem: kagoo ween nahneboomewakagoon, kah dush kenuhwah kegahnahneboomegooseem: ahbwayanjegag, kenuhwah dush kegahahbwayanemegoom.

ROMANUN 2:1

Kahween gagoo kedahyaunseen kuhnoodahmahzoowin, Oh enene, ahwagwan ahyahwewunan tabahkoonegayun: ewh muh wanjetebahkoonud bakahnezid, kenahneboondaun suh goo tebenuhua keyow, keen muh tabahkoonegayun nahsaub kedezhechega.

ROMANUN 2:13

(Kah muh egewh nwaundungig ewh tebahkoonegawin quuhyuk‐ezhewabezesewug emuh anahsuhmuhbid owh Kesha‐Muhnedoo, egewh dush atuh mahkindungig ewh tebahkoonegawin tahquuhyuk‐ezhewabezeähwug.

ROMANUN 7:7

Ahneen dush kaëkedooyung? mujje‐ezhewabud nuh ewh tebahkoonegawin? Kah bahpish ezhewabussenoon. Kahween nindahgekekanduhseen ewh mujje‐ezhewabezewin, me atuh oonje tebahkoonegawining: kah muh nindahgekedanduhseen ewh shoobeëgoowin, pwah ekedoomahgukebun ewh tebahkoonegawin, Kahween kegahshoobeëgooseen gagoo.

I. CORINTHIANUN 4:5

Me suh oo‐oo kaöonje‐tebahkoonunsewag gagoo chepwah oojechesag chetuhgwishing owh Tabaningad, ween suh kapewahsashkung enewh kuhyahjegahdagin emuh magwa puhsuhgish‐tebik, kuhya kamezheshuh‐wahbundahewad ananduhmoomahguk enewh oodaëmah: me dush uhpe anduhshid enene cheminwahjemegood enewh Kesha‐Muhnedoon.

II. CORINTHIANUN 12:20

Nesagiz suh, koonemah uhpe tagwishenaun, kahween kedahezhemekoosenoonim debishkoo azhenunduhwanemenuhgoog, kuhya kenuhwah kegahezhemekahwim ewh azhenunduhwanemesewag: koonemah tahgeduhgoomahgudoon enewh ahgoonwatahdewinun, keshahwanindewinun, nishkanindewinun, kekaundewinun, mujje‐duhzhindewinun, kaushkunoozoowinun, kechetwahwanemoowinun, megooshkahduhkummegezewinun:

EPHESIANUN 4:31

Wabenuhmook kuhkenuh ahquahdezewin, kuhya nishkahdezewin, kuhya nishkahje‐kezhwawin, kuhya oombegezewin, kuhya mujje‐kekedoowin, kuhya kuhkenuh sheenganindewin:

I. TIMOTHEUSUN 3:11

Me suh kuhya enewh ooweedegamahgunewaun chenebwahkah‐wandahgoozenid, chemujje‐duhzhemahsenid bamahdezenejin, chebakah‐bemahdezenid kuhya cheähyaungwahmanduhmenid ahnooj gagoo.

II. TIMOTHEUSUN 3:3

Kahween oogahsahgeähsewaun tebenuhwa oodenuhwamahgunewaun, oogahnetuh‐bahnahjetoonahwah oowahweendahmahgawinewaun, tahkuhkenuhwishke‐bahtaungawug, tahpezhigwahdezewug, tahahquahdezewug, oogahneshebahpenoodahwahwaun enewh manoo‐ezhewabezenejin,

ENEWH TITUSUN 2:3

Kuhya egewh mindemooyaüg kegahenaug cheëzhewabezewaud kaëzhewabezewahpun pahnezejig equawug, kahween tahkuhkenuhwishke‐bahtaungasewug, kahween oogahmenequasenahwah nebewah shoowemin‐ahboo, tahkekenooähmahgawug wanisheshingin kekenooähmahdewinun;

JAMES 1:16

Kagoo wuhnishenookagoon emuh kedenanduhmooninewaung, suhyahgeënuhgoog nejekewaëdoog.

JAMES 1:19

Mahnoo dush, suhyahgeënenuhgoog nejekewaëdoog, kuhkenuh enenewug tahwaweebetahwug chenoonduhmoowaud, zebishkauj edush tahkekedoowug, tahzebishkahje-kedahzoowug:

JAMES 1:25

Ahwagwan dush nuhyahnahgahdahwanduhmoogwan ewh quuhyukwandahgwuk puggedenegahzoowine‐tebahkoonegawin, minjemandung dush, wah‐owh enene oonje wuhnanduhsig ewh kahnoondung, mekindung dush ween ewh ahnookewin, tahshahwandahgooze emuh oodezhechegawining.

JAMES 2:8

Kishpin guhnuhwanduhmag ewh wagemahwandahgwuk tebahkoonegawin, debishkoo akedoomahguk ewh Kechetwah Oozhebeëgawin, Kegahsahgeäh keeje‐duhnuhkeewamahgun debishkoo azhesahgeëdezooyun, kemenoochegam:

JAMES 5:10

Kekenoowahbuhmik, nejekewaëdoog, egewh aunwahjega‐wenenewug kahkekedoojig emuh oodezhenekahzoowining owh Tabaningad, cheöonje‐soongummunduhmag enewh kooduggetoowinun, kuhya cheshuhshebanduhmag.

JAMES 5:7

Umba dush, nejekewaëdoog, soongummunduhmook, nahnauzh Tabaningad wahtuhgwishing. Benuh owh ketega‐wenene oobeetoon ewh kache‐ahpeetandahgwuk menewewin uhkeeng kaöonjeging, kuhya kinooäzh oobeetoon, nahnauzh pagumme‐peesaug sahgwunenig kuhya taquahgenig kemewung.

JAMES 5:9

Kagoo wuhsittahwanindekagoon, nejekewaëdoog, koonemah kedahgenahneboomegoom: benuh, owh katebahkoonewad nebahwe emuh anahsuhmeyeewung ewh ishquaundam.

I. PETER 2:1

Umba dush wabenuhmook kuhkenuh mauzhenenewugezewin, kuhya kuhkenuh kuhkuhyanezewin, kuhya ahnuhmeäkahzoowinun, kuhya kuhgaunwanindewinun, kuhya kuhkenuh mujje‐duhzhindewinun,