JAMES 2:8 - Ottawa New Testament Penteteuch and Psalms 1874

⁸ Kishpin guhnuhwanduhmag ewh wagemahwandahgwuk tebahkoonegawin, debishkoo akedoomahguk ewh Kechetwah Oozhebeëgawin, Kegahsahgeäh keeje‐duhnuhkeewamahgun debishkoo azhesahgeëdezooyun, kemenoochegam:

JAMES 2:8 Iomraidhean Croise

LEVITICUS 19:18

¶ Kahween kegahahzhittahwahewase, kah kuhya kegahsheenganemahseeg keejahnishenahbag, kegahezhesahgeäh keejduhnuhkeewamahgun debishkoo azhesahgeëdezooyun: Neen nindow Jehovah.

LEVITICUS 19:34

Kegahdoodahwahwah owh mayuggezid pahduhnuhkeed emuh keduhkeemewaung, debishkoo andooduhwag ahweyah keduhkeemewaung anduhzhenegid kegahezhesahgeähwaug dush debishkoo azhesahgeëdezooyag; kenuhwah mah kegemuhyuggezeem emuh Egypting duhzhe uhkeeng: Neen nindow Jehovah Ke Kesha‐Muhnedoomewah.

St Matthew 22:39

Menuhwah dush pazhik ahyahneka‐enandahgwuk nahsaub suh ekedoomahgud, Kegahezhesahgeäh keejeduhnuhkewamahgun nahsaub azhesahgeëdezooyun.

St Matthew 25:21

Oo‐oo oogeëgoon enewh oodoogemahmun, Wawane manoo‐ezhewabezeyun kuhya ahyaungwahmezeyun bameetahguneweyun: kegeäungwahmenahnun enewh punge kahguhnuhwanduhmunin, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.

St Matthew 25:23

Oo‐oo dush oogeëgoon enewh oodoogemahmun, Wawane! manoo‐ezhewabezeyun kuhya ahyaungwahmezeyun bameetahguneweyun; kegeäungwahmenahnun punge, kegahmeenin nebewah cheoogemahkunduhmun: peendegan emuh oodoonahnegoozewining owh kedoogemaum.

St Matthew 7:12

Kuhkenuh enewh nanduhwanduhmagoon chedoodoonagwah egewh enenewug, me nahsaub kuhya kenuhwah kadoodahwagwah: me gooshah maunduh ahyahwung tebahkoonegawin kuhya aunwahjegawinun.

ROMANUN 13:10

Ewh suh sahgeëwawin kahween oomujje‐doodahwahseen weeje‐duhnuhkeewamahgunun: ewh sahgeëwawin me suh wanje‐guhnuhwanduhming ewh tebahkoonegawin.

GALATIANUN 5:14

Kuhkenuh muh ewh tebahkoonegawin guhnuhwanjegahda emuh pazhik ekedoowining, me suh oo‐oo. Debishkoo azhesahgeëdezooyun kegahezhesahgeäh keeje‐duhnuhkeewamahgun.

GALATIANUN 6:2

Nahdahmahdeyook mamashquaud uhpe pwahyah‐wunayag, me suh kaëzheguhnuhwanduhmag Christ ootebahkoonegawin.

PHILIPPIANUN 4:14

Ahnahwe kegemenoo‐doodaum, keweedookahweyag uhpe katemahgezeyaun.

THESSALONIANUN 4:9

Oo‐oo dush wejekewaëmahwine sahgeëdewin duhzhinduhming kahween kemuhnazesenahwah chemahjebeühmoonenuhgoog, kenuhwah mah tebenuhwa kekekenooähmahgoowah Kesha‐Muhnedoo chesahgeëdeyag.

JAMES 1:25

Ahwagwan dush nuhyahnahgahdahwanduhmoogwan ewh quuhyukwandahgwuk puggedenegahzoowine‐tebahkoonegawin, minjemandung dush, wah‐owh enene oonje wuhnanduhsig ewh kahnoondung, mekindung dush ween ewh ahnookewin, tahshahwandahgooze emuh oodezhechegawining.

JAMES 2:12

Mahnoo kegahezhekekedoom, kuhya kegahezhechegam, debishkoo egewh wahtebahkoonegoojig ewh puggedenegahzoowine tebahkoonegawin.

JAMES 2:19

Kedabwayandum ahyaud pazhik Kesha‐Muhnedoo; kemenoojega: kuhya egewh mujje‐muhnedoog dabwayanduhmoog kuhya nuhningishkahwug.

JAMES 4:11

Kagoo mujje‐duhzhindekagoon, nejekewaëdoog. Owh maje‐duhzhemaud enewh wejekewaün, kuhya tabahkoonaud enewh wejekewaün, oomujje‐duhzhindaun ewh tebahkoonegawin, kuhya ootebahkoonaun ewh tebahkoonegawin; kishpin dush tebahkoonuhmun ewh tebahkoonegawin, kahween kedoodunse ewh akedoomahguk tebahkoonegawin, ketebahkoonaun dush ween.

I. PETER 2:9

Kenuhwah dush ween kagegenindjig ahnishenahbag kedahwim, kuhya wagemahwandahgoozejig sahsahgewejega‐wenenewug, ahnishenahbag pahnezejig, kuhya tabandahgoozejig kedahwim chewahbundahewayag ookeche‐peshegandahgoozewinun owh emuh magwa pesuhgish‐tebik kahoonje‐nundoomenag, cheëzhewenegooyag emuh mamaundahwudenig oowahsayahzewining: