JAMES 2:6 - Ottawa New Testament Penteteuch and Psalms 1874

⁶ Kenuhwah dush kegeneshebahpenoodahwahwaug egewh katemahgezejig: Kah nuh ween kemujje‐doodahgoosewaug egewh kachetwahwezejig? Kah nuh ween kedezheweenegoosewaug emuh anduhzhe‐tebahkoonegang?

JAMES 2:6 Iomraidhean Croise

PSALMS 10:10

Ootuhkoonaun suh katemahgezenejin: enewh kahwekoobenahjin emuh oodahsubeeng.

PSALMS 10:14

Ahneeshwin nesebahpenahdahwahwaud egewh majeëzhewabezejig enewh Kesha‐Muhnedoon? oodaïng mah keëkedoo, kahween kegahkuhgwaje‐kekanduhse.

PSALMS 10:2

Owh majeëzhewabezid, apeech menahdanemood oonoosoonawaun enewh katemahgezenejin: mahnoo oogahwuhyazhemegoonahwah enewh wuhyazhingawiwun wenuhwah tebenuhwa kahoozhetoopuneen.

PSALMS 10:8

Nuhmuhduhbe emuh anduhzhe‐kahzoowaud egewh kamoodishkejig; emuh keemoodezewining oonesaun enewh manoo‐ezhewabezenejin; keemooj oonunduhwahbuhmaun enewh katemahgezenejin chenesaud enewh.

PSALMS 12:5

Apeech kootuggeïndwah egewh katemahgezejig, apeech mahmahpenawaud egewh manazejig, ninduhwauj ningahoonjepuhsegwe, ekedoo owh Jehovah ningahmetahgwanemoowah enewh buhyahpeëgoojin.

PSALMS 14:6

Kekeche‐sagezewug ewede: Kesha‐Muhnedoo mah ooweedookahwaun enewh quuhyuk azhewabezenejin.

ST. JOHN 8:49

Jesus dush oogenuhquatuhwaun, Kahween nindahyahwahse mujje‐muhnedoo; nekechetwahwanemah suh owh Noos, kah dush kenuhwah kekechtwahwanemeseem.

OODEZHECHEGAWINEWAH 13:50

Egewh dush Jewyug oogeweekoojeähwaun enewh anuhmeähnejin kuhya kachetwahwezenejin equawun kuhya enewh nahgahnezenejin enenewun emuh keche‐oodanaung, chemekinjeähnid enewh Paulun kuhya Barnabasun, oogeoonjesahgejewabenahwaun kuhya emuh ooduhkeemewaung.

OODEZHECHEGAWINEWAH 17:6

Uhpe dush kahmekahwahsigwah, oogeëzheweenahwaun enewh Jasonun kuhya ahnind wejekewaëmaun emuh anahsuhmuhbenid enewh wagemahkundemenejin keche‐oodanah, oo‐oo keëzhepepahgewaud, Egewh kahquakesetoojig ewh uhkee zhuhyegwah kepetuhgwishenoog oomah;

OODEZHECHEGAWINEWAH 18:12

Uhpe dush owh Gallio keöogemahkundung Achaia, egewh Jewyug mahmahwe oogemegahnahwaun enewh Paulun, oogeëzheweenahwaun emuh tebahkoonega‐weguhmigoong,

OODEZHECHEGAWINEWAH 8:3

Saul dush oogekuhgwahnesugge‐mujje‐doodahwaun enewh anuhmeähnejin, kepeendega emuh anduhching wegewauming, kahtuhkoonaud dush enewh enenewun kuhya enewh equawun, oogeähsaun emuh kebahquahoode‐weguhmigoong.

I. CORINTHIANUN 11:22

Ahneen? kah nuh ween kedahyaunsenahwah enewh wegewaumun kaduhzhe‐weseneyagoobun kuhya kaduhzhe-menequayagoobun? kewebahpenuhdahnahwah nuh ewh Kesha‐Muhnedoo oodahnuhmeä‐weguhmig, kuhya kedahgujjeäug egewh wuhyahnuhdezesigoog? Ahneen kaënenuhgoog? kegahoonje‐wahwezhanemenim nuh? Kah suh ween kewahwezhanemesenoonim.

JAMES 2:3

Kechetwahwanemag owh ayaud pazhegandahgwudenig ahgwewin, oo‐oo dush enag, Oomah peminwuhbin; kuhya enag owh katemahgezid, Ewede keen nebahwin, gamuh Oondaus penuhmuhduhbin ahnahmuhyeëeng nindahbezittabewining:

JAMES 5:4

Benuh ootebahahmahgoowinewah egewh anookeetahgajig kahkeeshkezhegajig emuh keketegaunewaung, ketebahmahwahsewagwah kewuhyazhemagwah, muhtwa‐pepahgemahgud: kuhya oopepahgewinewaun egewh kahkeeshkezhegajig kepeendegamahgud emuh ootuhwuggaung Tabaningad dabanemaud enewh waqueenoonejin.

JAMES 5:6

Kegemujje‐debahkoonahwah kuhya kegenesahwah owh manoo‐ezhewabezid; kah dush ningood kedoodahgoosewah.