JAMES 2:1 - Ottawa New Testament Penteteuch and Psalms 1874

¹ Nejekewaëdoog, kagoo ween ezheähyahkagoon ewh oodabwayanemegoowin Tabaningad Jesus Christ owh dabandung ewh pezhegandahgoozewin, pekinnoong cheënanemagwah egewh bamahdezejig.

JAMES 2:1 Iomraidhean Croise

LEVITICUS 19:15

¶ Kahween kuhnuhga kegahmujje‐tebahkoonegase tabahkoonegayunin: kahween kegahweedookahwahse katemahgezid, kah kuhya kegahkechetwahwanemahse kachetwahwezid: emuh quuhyuk tebahkoonegawining kegahezhetebahkoonah keejeduhnuhkewamahgun.

St Matthew 22:16

Oogeähnoonahwaun dush enewh tebenuhwa ookekenooahmahgunewaun kuhya enewh Herodianun chenaunzekahwahnid, oo‐oo dush oogeëgoon, Kakenooahmahgayun, nekekandahmin, chedabwayun, kuhya emuh dabwawining azhekekenooähmahgayun ewh Kesha‐Muhnedoo oodezhetwahwin, kah dush ahweyah kekoosahse: kah muh kepahbahmanemahseeg egewh enenewug.

OODEZHECHEGAWINEWAH 10:34

Me dush uhpe ketahwuneed owh Peter, oo‐oo keëkedood, Kagate newahbundaun ewh, Kesha‐Muhnedoo pekinoong uhyenanemahsig enewh bamahdezenejin:

OODEZHECHEGAWINEWAH 20:21

Kedebahjemootuhwugwah egewh Jewyug, kuhya goo egewh Greekug aunwanindezoowin anuhkuhkayah Kesha‐Muhnedoo, kuhya dabwayanduhmoowin anuhkuhkayah Tabaningad Jesus Christ.

OODEZHECHEGAWINEWAH 24:24

Goomah menik duhsuhgoon uhpe tagwishing owh Felix peweejewegood enewh wewun Drusillaün, kahJew‐equawenid, oogenundoomaun enewh Paulun, kuhya oogebezinduhwaun duhzhinduhmenid oodabwayanemigoowin owh Christ.

OODEZHECHEGAWINEWAH 7:2

Oo‐oo keëkedoo owh Stephen, Enenewedoog, nejekewaëdoog, kuhya wayoosemegooyag, bezinduhmook; Owh kache‐peshegandahgoozid Kesha‐Muhnedoo oogewahbuhmegoon enewh kooseminahbuneen Abraham, magwah ayahnid emuh Mesopotamiaïng, chepwah duhnuhkeenid emuh Charraning,

ROMANUN 1:11

Nekeche‐nunduhwandum gooshah chewahbuhmenuhgoog, cheoonje‐meenenuhgoog oojechaugoowine‐meegewawin, cheöonjesoongekahbahweëgooyag;

I. CORINTHIANUN 2:8

Egewh oomah uhkeeng duhzhe oogemaug kahkekanduhsigwah: kishpin muh kekekanduhmoowahpun, kahween oodahgeähgwahquahahsewaun enewh Tabanduhmenejin peshigandahgoozewin.

DEUTERONOMY 1:17

Kahween pekenoong kegahenanemahsewaug bamahdezejig uhpe tabahkoonegayagoon; kegahnoonduhwahwaug suh goo egewh noondaush apetandahgoozejig kuhya egewh kachetwahwezejig; kahween kegahkoosahsewah enene; Kesha‐Muhnedoo mah ewh ootebahkoonegawin; ewh dush ween oonzaum sanuhganduhmag, peduhweshig, ningahnoondaun dush.

DEUTERONOMY 16:19

Kahween kegahwushkesedooseen tebahkoonegawin; kahween pekenoong kegahenanemahseeg bamahdezejig, kahween kuhya kegahoodahpenunseen meegewawin: meegewawin mah ookuhgebeengwaëgoonahwah egewh nabwahkahjig, me kuhya ewh wanjeäunjetoowaud oodekedoowinewaun egewh quuhyuk azhewabezejig.

COLOSSIANUN 1:4

Akoo‐noonduhmaung anandahgwuk kedabwayanduhmoowinewah azhedabwayanemag Christ Jesus, kuhya kesahgeëwawinewah azhesahgeägwah kuhkenuh egewh anuhmeähjig.

I. TIMOTHEUSUN 1:19

Minjeminuhmun ewh dabwayanduhmoowin, kuhya menoo‐kekanindezoowin; ewh ahnind kahwabenuhmoowaud oogepeegoobetoonahwah ewh dabwayanduhmoowin tahnuhsug nahbequaun pegoobejegahdag;

I. TIMOTHEUSUN 5:21

Kedahyaungwahmemin emuh anahsuhmid Kesha‐Muhnedoo kuhya owh Tabaningad Jesus Christ, kuhya egewh kahwuhwanahbuhmindjig angenug, cheguhnuhwanduhmun oonoo uhyeëen, kuhnuhga kezhah tebahkoonegasewun, kah kuhya pekinnoong kegahdoodahwahse ahweyah.

ENEWH TITUSUN 1:1

Paul, oobuhmeetahgunun Kesha‐Muhnedoo, oodahpostleëmun Jesus Christ, nahsaub anandahgwudenig oodabwayanduhmoowinewaun egewh kahkuhgeegenegoojig Kesha‐Muhnedoon, kuhya azhewahweenjegahdag ewh dabwawin wanjebahmahguk menoo‐ezhewabezewin;

ENEWH TITUSUN 2:13

Nunduhwanduhmung ewh shawandahgwuk ahpanemoowin, kuhya ewh pashegandahgwudenig oopenahgoozewin owh Kache‐Kesha‐Muhnedoowid kuhya Bamahjeënung Jesus Christ,

HEBREWUN 1:3

Mesuh owh ayahwid ewh oopezhegandahgoozewinewahsayahzewin, kuhya wanje‐kekandahgwudenig oodezhenahgoozewin, kuhya ganuhwandung kuhkenuh uhyeëen oonje mushkahwezemahgudenig oodëkedoowin, uhpe ween tebenuhwa kahkuhseebeähmoonung kemujje‐ezhewabezewinenahnin, kenuhmuhduhbe emuh ookechenekahning enewh Kachetwahwandahgoozenejin ewede ishpeming.

HEBREWUN 12:2

Guhnuhwahbuhmung Jesus owh kahoozhetood kuhya kahkezhetood kedabwayanduhmoowinenaun; owh oonje ewh moojegezewin anahsuhmuhyeëe kahahtahmahwindebun, keöodahpenuhmahzood ewh ahzhedayahtikoo‐kooduggetoowin, kebahbahmanduhsig ewh ahgujjewin, noongoom dush nuhmuhduhbid emuh ookechenekaunewunenig oodoogemah‐wuhbewin owh Kesha‐Muhnedoo.

JAMES 1:16

Kagoo wuhnishenookagoon emuh kedenanduhmooninewaung, suhyahgeënuhgoog nejekewaëdoog.

JAMES 1:19

Mahnoo dush, suhyahgeënenuhgoog nejekewaëdoog, kuhkenuh enenewug tahwaweebetahwug chenoonduhmoowaud, zebishkauj edush tahkekedoowug, tahzebishkahje-kedahzoowug:

JAMES 2:3

Kechetwahwanemag owh ayaud pazhegandahgwudenig ahgwewin, oo‐oo dush enag, Oomah peminwuhbin; kuhya enag owh katemahgezid, Ewede keen nebahwin, gamuh Oondaus penuhmuhduhbin ahnahmuhyeëeng nindahbezittabewining:

JAMES 2:9

Kishpin dush papikkinoong enanemagwah bamahdezejig, kemujje‐ezhechegam, kuhya ketebahkoonegoonahwah ewh tebahkoonegawin bahnahjetooyag ewh kuhgequawin.

JAMES 3:17

Ewh mahween nebwahkahwin ishpeming wanjeemahguk netum peenud, menuhwah dush bakahdezemahgud, nookahdezemahgud, kechewanepunezemahgud gagoo nundooduhming, netuh‐shahwanjegamahgud, netuh‐menoo‐menewemahgud, kahween papekinoong enanduhmoomahgussenoon, kah kuhya ahnuhmeäkahzoomahgussenoon.

II. PETER 1:1

Simon Peter, oobuhmeetahgunun kuhya oodahpostleëmun Jesus Christ, oomahjebeühmahwaun enewh kahoodahpenenejin nahsaub‐anandahgwuk dabwayanduhmoowin kahoodahpenuhmaung nenuhwind, oonje ooquuhyukezhewabezewin Kesha‐Muhnedoo, kuhya Bamahjeënung Jesus Christ.

JUDE 1:16

Nahnahpuhgaunzetahgoozewug oogoo, kuhya mujje‐kezhwawug, ezhewabezewug dush debishkoo anandahgwudenig tebenuhwa oonundahwanduhmoowinewah; kuhya oodoonewaun kekedoomahgudenewun keche‐muhmequahzoowine‐ekedoowinun, pekinoong enanemahwaud enenewun oonje tebenuhwawezewin.

REVELATION 14:12

Mesuh oo‐oo oominwahdanduhmoowinewah egewh manoo‐ahnuhmeähjig: Mesuh egewh ganuhwandungig ookuhgequawinun Kesha‐Muhnedoo, kuhya oodezhetwahwin Jesus.