JAMES 1:9 - Ottawa New Testament Penteteuch and Psalms 1874

⁹ Mahnoo owh wejekewaëmah dabussandahgoozid tahmoojegeze oonje kekechetwahwandahgooïnd;

JAMES 1:9 Iomraidhean Croise

PSALMS 62:9

Kagoo ahpanemookagoon kooduggeëwawin: kuhya kagoo muhmequahzookagoon oonje muhkundwashkewin: kishpin bahtuhyeënuk ketebenuhwawezewinewah, kagoo keche‐sahgetookagoon.

ST. LUKE 1:52

Oonuhmuhduhbewinening oogeöonje‐neswabenaun enewh mashkahwezenejin, kuhya dush oogeöombenaun enewh katemahgezenejin.

ST. LUKE 10:20

Kagoo dush ween oonje‐moojegezekagoon, tabwatoonagwah egewh mujje‐muhnedoog; oo‐oo atuh oonje‐moojegezeyook, oozhebeëgahdag kedoonoozoowinewah ewede keche‐kezhegooug.

ST. LUKE 14:11

Ahwagwan muh ashpandahgooëdezoogwan tahtahbussandahgoozeäh, owh dush dabussanindezood tahishpandahgooäh.

ST. LUKE 9:48

Oo‐oo dush oogeënaun enewh ookekenooähmahgunun, Ahwagwan kaöodahpenahgwan oonoo ahbenoojeün emuh nindezhenekahzoowining, mesuh owh wadahpenid: ahwagwan dush wadahpenegwan, mesuh owh wadahpenaud enewh kahahnoozhejin: owh muh kache‐ahgahsheëïd emuh ahyahyag, mesuh owh kakeche‐ahpeetandahgoozid.

ROMANUN 8:17

Kishpin dush oonejahnesemegooyung, me ewh kaoonje‐debandahzooyung; chedebanduhmung Kesha‐Muhnedoo ooduhyeemun kuhya cheweej‐debandahsoomung owh Christ; kishpin dush oo‐oo azheähyahyung cheweeje‐kooduggetoomung, ewh edush nuh kuhya kenuhwind mahmahwe cheweeje‐peshegandahgoozemung.

II. CORINTHIANUN 6:10

Kushkanduhmaung, ahnoo goo moonzhug bahpenanduhmaung; debishkoo ketemahgezeyaung, ahnoo goo wahnuhdezeüngidwah nebewah; kuhnuhga tebenuhwawezesewaung, ahnoo goo tebanduhmaung ahnooj gagoo.

DEUTERONOMY 15:11

Kah mah wekah tahishquahuhyahsewug egewh katemahgezejig emuh uhkeeng: me suh dush wanjekuhgaunzoomenaun, oo‐oo enenaun, Kegahtaseninjetuhwah owh kekahnis, egewh keketemahgezemug, emuh keduhkeeming.

DEUTERONOMY 15:7

¶ Kishpin magwaühyeëe uhyahyag uhyaud katemahgezid enene pazhig egoo egewh kekahnesug peenjuhyeëe kedoodanaung emuh keduhkeeming ewh mahnik Jehovah keKesha‐Muhnedoom, kahween kegahmushkuhwedaäedezoose, kahween kuhya keguhbuhduhgwahkooninjenese oonje owh katemahgezid kekahnis:

DEUTERONOMY 15:9

Aungwahmezin mujje‐enanduhmoowin cheühyahsenoog emuh kedaïng, oo‐oo ekedooyun, Ewh neenzhwahsoo‐kekenoonoowin, ewh wabenuhmahga‐kekenoonoowin, pashoo beühyahmuhgud; mujjekuhnuhwahbuhmud dush owh katemahgezid kekahnis, gagoo dush meenahsewud, bebahgemaud dush enewh Jehovahun keen oonje, mujjeëzhewabeze enanemegooyun dush.

PHILIPPIANUN 3:14

Anegook nepemebuttoo chetaöodittuhmaun ewh kekenoowahjechegun azhekekenoowahjechegahdag ewh poonegahdewin ewh wanje‐keche‐nundoomenung Kesha‐Muhnedoo oonje Christ Jesus.

PHILIPPIANUN 3:3

Kenuhwind muh quuhyuk kekekenoowahje‐kishkezhegahzoomin, ahnuhmeätuhwung Kesha‐Muhnedoo emuh Oojechaugoomaung, moojegezetuhwung Jesus Christ, kuhya kuhnuhga ahpanemoosewung ewh weyahsemah.

I. PETER 2:9

Kenuhwah dush ween kagegenindjig ahnishenahbag kedahwim, kuhya wagemahwandahgoozejig sahsahgewejega‐wenenewug, ahnishenahbag pahnezejig, kuhya tabandahgoozejig kedahwim chewahbundahewayag ookeche‐peshegandahgoozewinun owh emuh magwa pesuhgish‐tebik kahoonje‐nundoomenag, cheëzhewenegooyag emuh mamaundahwudenig oowahsayahzewining:

REVELATION 2:9

Ninkekandaunun enewh kedahnookeewinun, kuhya kekooduggetoowinun, kuhya keketemahgezewin, (pooch kewahnuhdez) kuhya nekekandaun oomujje‐kezhwawinewah egewh Jewyug nindahwemin akedoojig, kah dush ahwesewug, debandahgoozewug atuh emuh oodahnuhmeä‐weguhmigoong owh Satan.