JAMES 1:5 - Ottawa New Testament Penteteuch and Psalms 1874

⁵ Kishpin dush ahweyah menik anduhsheyag muhnazid nebwahkahwin, mahnoo oogahnundooduhmahwaun Kesha‐Muhnedoon, mesuh owh mahnaud kuhkenuh enenewun sahsahgezesig, kah dush mujje‐guhnoozhewase, tahmeenah dush owh nandoodahmahgad.

JAMES 1:5 Iomraidhean Croise

PSALMS 51:6

Benuh, kenunduhwandum dabwawin cheduhgoomahguk peenjenah: kuhya kegahahnookee chenesittootuhmaun nebwahkahwin emuh keemoodezewining.

EXODUS 31:3

Ningeënahkoonah dush chemooshkenashkahgood Kesha‐Muhnedoo oojechaugwun, emah nebwahkahwining, kuhya nesedootuhmoowining, kuhya kekandahsoowining, kuhya uhnookewining uhnooj anandahgwuk,

EXODUS 31:6

Benuh dush neen egoo ningemeenah chewedookahgood enewh Aholiabun, oogwissun owh Ahisamach, dabandahgoozid emah Dan oodenoodawezewining: kuhya emah oodaëwaung kuhkenuh egewh nabwahkahjig ningeühtoon nebwahkahwin, cheöonjeöozhetoowaud kuhkenuh ewh kahezhekuhgaunzoomenaun:

St Matthew 11:20

Me dush kemahje‐nuhneebekindung enewh oodanahwun emuh kahduhzhe‐keche‐mahmaundahwejegad, ewh keäunahwanendezoosigwah.

ST. MARK 16:14

Menuhwah dush oogewahbuhmegoon enewh metahswe‐ahshe‐pazhik kekenooahmahgunun magwah wesenenid, oogenuhneebekemaun dush ewh dabwavanduhsenid kuhya mushkahwedaänid, ewh suh kedabwatahwahsenid enewh kahwahbuhmegoojin uhpe kahahbejebaud.

ST. JOHN 14:13

Wagoodoogwan dush kanundoodahmoowagwan emuh nindezhenekahzoowining, mesuh ewh kaëzhechegayaun, chepeshegandahgoöïnd owh Wayoosemind oonje owh Wagwissemind.

ST. JOHN 15:7

Kishpin ahyahyag emuh neyowing, kuhya nindekedoowinun emuh keyowewaung ahyahmahguk, wagoodoogwan wahnundooduhmoowagwan, me ewh kadoodahgooyag.

ST. JOHN 4:10

Jesus dush oogenuhquatuhwaun, oo‐oo keënaud, Kishpin kekanduhmunbun ewh oomeegewawin owh Kesha‐Muhnedoo, kuhya anandahgoozid owh, Meenuheshin anik, kedahgenundooduhmahwah, kuhya dush kedahgemeenik ewh bemahdezewine‐nebee.

II. CORINTHIANUN 2:16

Anuhkuhkayah egewh banahdezejig nindahwemin neboowine‐menahgoozewin cheöonje‐neboowaud; anuhkuhkayah dush egewh bamahjeïndjig nindahwemin bemahdezewine‐menahgoozewin cheöonje‐bemahdezewaud. Ahwanan dush kashketood oonoo uhyeëen.

JAMES 1:17

Kuhkenuh wanesheshingin meegewawinun kuhya kuhkenuh manwandahgwukkin meegewawinun ishpeming oonjemahgudoon, emuh anduhzhe ahyaud owh Wayoosemegood enewh wahsayahzewinun, owh wekah ahyaundahkoonegasig kuhya quakezhewabezesig.

JAMES 3:17

Ewh mahween nebwahkahwin ishpeming wanjeemahguk netum peenud, menuhwah dush bakahdezemahgud, nookahdezemahgud, kechewanepunezemahgud gagoo nundooduhming, netuh‐shahwanjegamahgud, netuh‐menoo‐menewemahgud, kahween papekinoong enanduhmoomahgussenoon, kah kuhya ahnuhmeäkahzoomahgussenoon.

JAMES 5:16

Wahweendahmahdeyook mamashquaud enewh kemujje‐ezhewabezewinewaun, kuhya ahnuhmeätuhmahdeyook mamashquaud, cheöonje‐noojemooëgooyag. Keche-mushkahwezemahgudene ewh oodahnuhmeähwin owh quuhyuk‐ezhewabezid kishpin anegook azheähnuhmeäud.

I. JOHN 3:22

Wagoodoogwan edush kanundoodahmahwungwan, kemeenegoonaun suh, oonje guhnuhwanduhmung enewh ookuhgequawinun, kuhya dooduhmung oonoo uhyeëen manwandahgwukkin emuh ooshkinzhigoong.