JAMES 1:4 - Ottawa New Testament Penteteuch and Psalms 1874

⁴ Mahnoo ewh shuhshebanduhmoowin tahwahweengazemahgud cheöonje‐wahweengazeyag kuhya chetaminwandahgoozeyag, kuhnuhga gagoo noondasasewag.

JAMES 1:4 Iomraidhean Croise

PSALMS 37:7

Pezaunuhbin anahsuhmid owh Jehovah, uhpena dush kegahpeäh: kagoo dush kushkandunkan oonje owh mahkindung mujje‐kuhgaundwawinun ahnahween goo menoo‐ahyaud.

PSALMS 40:1

Kenooazh ningebeeäh Jehovah: oogebezindaun dush nindahnuhmeätuhgoozewin.

St Matthew 10:22

Kegahsheenganemegoowaug dush kuhkenuh enenewug nendezhenekahzoowin oonje; owh dush nahnauzh wuhyaquah‐ahyaug kaäungwahmezid tahbemahjeäh.

St Matthew 19:20

Oo‐oo dush oogeëgoon enewh ooshkenahwan, Kuhkenuh oonoo ningeguhnuhwandaunun pahahkoo‐ooshkenegesheweyaun: Wagoonash kayahbe nwaundasayaun?

St Matthew 5:48

Wahweengazeyook azhewahweengazid owh Koosewah keche‐kezhegoong ayaud.

ST. MARK 10:21

Uhpe dush Jesus wuhyahbuhmaud oogesahgeäun, oo‐oo dush oogeënaun, Pazhik suh kayahbe kenoondashkaun: mahjaun, ahtahwagan kuhkenuh enewh ketebenuhwawezewinun, meezh edush egewh katemahgezejig, kegahahyaun dush ewh tebenuhwawezewin ewede keche‐kezhegoong; peëzhaun dush, oodahpin ewh ahzhedayahtik, kuhya dush noopenuhzheshin.

ST. LUKE 18:22

Uhpe dush Jesus kahnoondahwaud, oo‐oo oogeënaun, Kayahbe suh pazhik kenoondasa; ahtahwahgan kuhkenuh ketebenuhwawezewinun, meezh edush egewh katemahgezejig, kegahahyaun edush tebenuhwawezewin ewede keche‐kezhegoong, penoopenuhzheshin dush.

ST. LUKE 21:19

Emuh dush kenookahdezewining kegahkushkecheganug egewh kejechaugoowaug.

ST. LUKE 8:15

Ewh dush kahpungesing emuh wanesheshing uhkeeng, mesuh egewh uhpe kahnoonduhmoowaud ewh ekedoowin emuh quuhyukwuk kuhya wanesheshing oodaëmaung, ewh guhnuhwanduhmoowaud, kuhya meenewewaud emuh minwahdanemoowining.

ST. JOHN 17:23

Neen suh chekekishkuhwugwah, kuhya keen chekekishkoonaun, quuhyuk suh chepazhegooïndwah, cheöonje‐kekanduhmoowaud egewh akeewejig ewh kepeëzhenahzhahooyun, kuhya dush kesahgeüdwah, debishkoo kahezhesahgeëyun.

I. CORINTHIANUN 2:6

Nedebahdooduhmin suh ewh nebwahkahwin emuh anduhzhe‐ahyahwaud egewh kache‐nesittootahgajig: kahween oomah uhkeeng duhzhe‐nebwahkahwin, kah kuhya oonebwahkahwinewah egewh oomah uhkeeng duhzhe oogemaug, kanishwahnahdezejig:

GALATIANUN 6:9

Kagoo kuhya ahnezheetunsedah emuh menoo‐dooduhmoowining: uhpe muh debiskoosag chekishkezhegayungoobun kegahkezhkezhegamin, kishpin ahnezheetunsewung.

COLOSSIANUN 4:12

Epaphras kejekewaëwah, wabuhmeetahgunemegood enewh Christun kedahnemikaugoowah, anegook anuhmeätuhmoonag chenebahweyag, quuhyukwandahgoozeyag kuhya guhnuhwanduhmag oodenanduhmoowin Kesha‐Muhnedoo.

THESSALONIANUN 5:23

Kuhya owh Kesha‐Muhnedoo wazhetood pezaunewawin kegahahpeche‐peeneëgoowah; ahpakish guhnuhwanemegooyag emuh anegook‐oojechaugooweyag, kuhya anegookwaug keyowewaung kuhnuhga mujje‐ezhewabezesewag nahnauzh uhpe tagwishing Tabanemenung Jesus Christ.

II. TIMOTHEUSUN 3:17

Chekeche‐menoo‐ezhewabezid owh enene bameetahwaud Kesha‐Muhnedoon, wahweenga chemekindung kuhkenuh menoo‐ahnookeewinun.

HEBREWUN 13:21

Keche‐menoo‐ezhewabezeënag emuh kuhkenuh menoo‐ahnookewining cheähnookeetuhmag ween oodenanduhmoowin, kuhya cheöozhetoomoonag emuh keyowewaung ewh manwandahgwuk emuh ooshkinzhegoong, oonje Jesus Christ; owh kapezhegandahgoozid kahgenig kuhya kahgenig. Amen.

JAMES 1:5

Kishpin dush ahweyah menik anduhsheyag muhnazid nebwahkahwin, mahnoo oogahnundooduhmahwaun Kesha‐Muhnedoon, mesuh owh mahnaud kuhkenuh enenewun sahsahgezesig, kah dush mujje‐guhnoozhewase, tahmeenah dush owh nandoodahmahgad.

JAMES 3:2

Nuhningim mahween kuhkenuh anduhsheyung kemujje‐ezhechegamin. Kishpin ahweyah mujje‐ezhewabezesig emuh ekedoowining, me suh owh ahpeche quuhyuk‐ezhewabezid, ookushketoon dush cheshahgoojetood anegookwahnig tebenuhwa weyow debishkoo azheshahgoojeïndwah papazhegookunzheeg nabedoonabejegun ayoong.

I. PETER 5:10

Kesha‐Muhnedoo dush mahgewad kuhkenuh enewh shahwanjegawinun, owh kahezhenundoomenenung emuh ookahgega‐peshegandahgoozewining oonje Christ Jesus, wanebik kekoodugganduhmag, kegahminwandahgooëgoowah, kegahsoongekabbahweëgoowah, kegahmushkahweëgoowah, kegahuhyeenjeëgoowah.

II. PETER 1:9

Owh dush ween kakishkunsig oonoo uhyeëen kuhkepeengwa, kah dush kushkeöose wahsuh chetabahbid, keoonandum dush ahzhuh keëkoonuhmahwind enewh kata oomujje‐ezhewabezewinun.