JAMES 1:25 - Ottawa New Testament Penteteuch and Psalms 1874

²⁵ Ahwagwan dush nuhyahnahgahdahwanduhmoogwan ewh quuhyukwandahgwuk puggedenegahzoowine‐tebahkoonegawin, minjemandung dush, wah‐owh enene oonje wuhnanduhsig ewh kahnoondung, mekindung dush ween ewh ahnookewin, tahshahwandahgooze emuh oodezhechegawining.

JAMES 1:25 Iomraidhean Croise

PSALMS 106:3

Shahwandahgoozewug egewh ganuhwandungig quuhyuk‐wahdezewin: kuhya owh quahyuk‐ezhechegad kahgenig.

PSALMS 119:32

Ningahahbuhtoo emuh kekuhgequawine‐meekunaung: nahwuj mah kagate kemungahdatoon ninda.

PSALMS 119:45

Ningahbemoosa dush emuh akoo‐mungahtaäug: ningeöondoonaäunun mah kekuhgequawinun.

ST. LUKE 11:28

Oo‐oo dush keëkedoo, Kagate ahwahshema shahwandahgoozewug egewh nwaundungig Kesha‐Muhnedoo oodekedoowin, kuhya ganuhwandungig.

ST. JOHN 13:17

Kishpin kekanduhmag oonoo, keshahwandahgoozeem, kishpin ezhechegayag.

ST. JOHN 8:36

Kishpin dush puhgedenenag owh Wagwissemind, mesuh kagate kaëzhepuhgedenegahzooyag.

OODEZHECHEGAWINEWAH 13:43

Uhpe dush kahishquah‐mahwunjeëding, nebewah egewh Jewyug kuhya manoo‐ahnuhmeähjig kahquakejig oogeühnenoopenuhnahwaun enewh Paulun kuhya Barnabasun: mesuh oonoo kahguhnoonegoowahjin keëgoowaud cheäunwahjewaud emuh ooshahwanjegawining owh Kesha‐Muhnedoo.

OODEZHECHEGAWINEWAH 2:42

Keäunwahjewug dush cheguhnuhwanduhmoowaud ookuhgequawinewah egewh apostleüg kuhya emuh weejekewaïndewining, kebuhquabenahwaud dush buhquazhegunun, kuhya keähnuhmeähwaud.

OODEZHECHEGAWINEWAH 26:22

Weedookahwid dush Kesha‐Muhnedoo, nindoonje-aunwahjew nahnauzh egoo noongoom kezheguk, debahjemootuhwugwah egewh agahsheëjig kuhya egewh kachetwahwezejig, oonoo nahsaub uhyeëen kahekedoowaud egewh aunwahjega‐wenenewug kuhya Moses wahezhewabukin;

ROMANUN 11:22

Tebahbundun dush ooshahwanjegawin kuhya ookootahmegoozewin owh Kesha‐Muhnedoo: azhekootahmegoozid enuhkuhkayah egewh kahpungeshingig; azheshahwanjegad dush keen enuhkuhkayah, kishpin minjemanduhmun ooshahwanjegawin; kishpin dush ezhewabezesewun kuhya keen kegahpukka‐wabenegoo.

ROMANUN 2:13

(Kah muh egewh nwaundungig ewh tebahkoonegawin quuhyuk‐ezhewabezesewug emuh anahsuhmuhbid owh Kesha‐Muhnedoo, egewh dush atuh mahkindungig ewh tebahkoonegawin tahquuhyuk‐ezhewabezeähwug.

ROMANUN 7:12

Benuh dush, ewh tebahkoonegawin peenud, kuhya ewh kuhgequawin peenud, kuhya quuhyukwud, kuhya oonesheshin.

ROMANUN 8:15

Kahween dush kegeöodahpenahsewah owh buhmeetahgawine‐oojechaugoomah menuhwah chesagezeyag; kegeöodahpenahwah suh atuh oogwissewine‐oojechaugoomah, wanje‐enung Kesha‐Muhnedoo anuhmeätuhwungoon, Abba, Noosa.

ROMANUN 8:2

Ootebahkoonegawin owh bemahdezewine‐oojechaug emuh Christ Jesusing ningepuggedenegoon debandahgoozeyaunbaun emuh mujje‐ezhewabezewine kuhya neboowine‐tebahkoonegawining.

I. CORINTHIANUN 15:58

Tuhguh dush, suhyahgeënenuhgoog nejekewaëdoog, aungwahmezik, soongekahbahwik, moonzhug chekeche-ahnookeetuhwag owh Tabaningad, kekekandahnahwah gooshah ahneshah ahnookeetahwahsewag owh Tabaningad.

II. CORINTHIANUN 13:5

Nunduhkekanindezooyook, kishpin kagate ayahwagwan emuh dabwayanduhmoowining; kuhgwajeëdezooyook. Kah nuh ween kekekanindezooseem, ewh kekishkahwag Jesus Christ, kishpin wabenegahzoosewag?

GALATIANUN 2:4

Oonje egewh wuhyazhinga‐wejekewaëmaug, keemooj kahpeendeguhnindjig, cheähkahwahbunduhmoowaud nindebanindezoowinenaun kahahyahmaung emuh Christ Jesusing, ahwahkaune eneneeng cheëzheähyahyaung.

GALATIANUN 5:1

Soongekahbahwik dush emuh puggedenegahzoowining kahezhepuggedenenung Christ, kagoo kuhya menuhwah nahbekahedezookagoon ewh ahwahkaune‐nahbekahwahgun.

GALATIANUN 6:2

Nahdahmahdeyook mamashquaud uhpe pwahyah‐wunayag, me suh kaëzheguhnuhwanduhmag Christ ootebahkoonegawin.

COLOSSIANUN 1:23

Kishpin minjemanduhmag ewh dabwayanduhmoowin soongekahbahweyag, kuhya mushkahwegeyag kuhya quakeëgoosewag ewh oonje ahpanemooyag minwahjemoowin kahnoonduhmag, kuhya kahdebahjemootuhwindwah kuhkenuh kahoozheïndjig oomah uhkeeng ayahjig; me suh ewh bameetuhmaun neen Paul;

I. TIMOTHEUSUN 2:15

Pooch edush tahbemahjeäh emuh negeähwuhsoowining, kishpin minjemenuhmoowaud ewh dabwayanduhmoowin kuhya sahgeëwawin kuhya peenezewin mahmahwe ewh nebwahkahwin.

I. TIMOTHEUSUN 4:16

Ahyaungwahmandun tebenuhwa kedezhewabezewin, kuhya ewh kuhgequawin; aunwahdandun dush oonoo: kishpin mahween oo‐oo ezhewabezeyun kegahbemahjeëdiz, kuhya kegahbemahjeäug egewh bazindookig.

HEBREWUN 12:15

Ahyaungwahmezik ahweyah enene chenooda‐ahnezheetunsig weekoojetood ewh ooshahwanjegawin Kesha‐Muhnedoo; koonemah gagoo wesuggezewine‐oojebik tahgesuhgukkeemahgud cheöondummeëgooyagoobun, nebewah cheöonje‐weeneëgoowahpun enewh;

JAMES 2:12

Mahnoo kegahezhekekedoom, kuhya kegahezhechegam, debishkoo egewh wahtebahkoonegoojig ewh puggedenegahzoowine tebahkoonegawin.

I. PETER 2:16

Ewh debanindezooyag, ahbujjetoosewag dush kedebanindezoowinewah chekahdoomag mujje‐ezhewabezewin, debishkoo atuh kaëzhewabezewahpun egewh bameetahwahjig Kesha‐Muhnedoon.

I. JOHN 2:24

Mahnoo kegahkekishkahnahwah ewh kahnoonduhmag wuhyashkud; kishpin kekishkuhmag ewh wuhyashkud kahnoonduhmag, kegahkekishkahgoowaug owh Wagwisemind kuhya owh Wayoosemind.

REVELATION 14:13

Ningenoondaun dush ewh inwawin ewede kezhegoong oonzetahgwuk, oo‐oo keëgooyaun. Oo‐oo Oozhebeün, Shahwandahgoozewug suh egewh naboojig neboowaud magwah dabwayanemahwaud enewh Tabaninganejin noongoom kuhya kahgenig, Kagate suh ekedoo Keche‐Oojechaug heäunwabewaud ahnookesigwah, oonoopenuhnegoonahwah dush enewh oodahnookewinewaun.

REVELATION 22:14

Shahwandahgoozewug egewh kasebegenungig oodahgwewinewah cheöonje‐debanemahwaud enewh bemahdezewine metigoon, chepeendegawaud dush emuh kache‐ishquaundamewung keche‐oodanah.