JAMES 1:16 - Ottawa New Testament Penteteuch and Psalms 1874

¹⁶ Kagoo wuhnishenookagoon emuh kedenanduhmooninewaung, suhyahgeënuhgoog nejekewaëdoog.

JAMES 1:16 Iomraidhean Croise

St Matthew 22:29

Jesus dush oogenuhquatuhwaun oo‐oo keënaud, Kewuhneshenoom, kekanduhsewag enewh kechetwah‐oozhebeëgunun, kuhya ewh oomushkahwezewin owh Kesha‐Muhnedoo.

ST. MARK 12:24

Jesus dush oogenuhquatuhwaun, oo‐oo keënaud, Kah nuh ween kewuhnesheseem, oonje‐kekanduhsewag enewh kechetwah‐oozhebeëgawinun, kuhya oomushkahwezewin owh Kesha‐Muhnedoo?

ST. MARK 12:27

Kahween enewh naboonejin Oodookesha‐Muhnedoomegooseen, enewh atuh bamahdezenejin: mesuh kagate keche‐puhkatahyag.

OODEZHECHEGAWINEWAH 1:15

Uhpe dush oonoo kezhegudoon, kepuhsegwe owh Peter emuh nesuhwuhyeëe ahyahwaud egewh kekenooähmahgunug, keëkedoo, (ningoodwauk‐ahshe‐neeshtuhnuh keduhchedooganug egewh kahmahwunjeëdejig.)

I. CORINTHIANUN 6:9

Kah nuh kekekanduhsenahwah egewh majeëzhewabezejig wekah wetebanduhsigwah ewh oodoogemahwewin owh Kesha‐Muhnedoo? Kagoo wuhyazhindezookagoon: egewh pazhigwahdezejig, egewh manedookajig, kuhya egewh equang andoodungig tebenuhwa weyowewaun, kuhya egewh pazhigwahjeweejewahjig weej‐enenemewaun,

GALATIANUN 6:7

Kagoo wuhyazhindezookagoon; kahween Kesha‐Muhnedoo enandahgoozese chebahpenoodahwindebun: wagoodoogwan enene kaketegahduhmoogwan, mesuh ewh kasuggukkenung.

PHILIPPIANUN 2:12

Benuh dush, suhyahgeënenuhgoog debishkoo moonzhug kahezhenuhittuhmag, kahween atuh magwah ahbeyaun, noongoom keche ahwahshema ahbesewaun, ahnookeetuhmoog tebenuhwa kebemahjeëgoowinewah emuh sagezewining kuhya nuhningishkahwining.

PHILIPPIANUN 4:1

Benuh dush, nejekewaëdoog kache‐sahgeënenuhgoog kuhya kache‐nunduhwanemenenuhgoog, nemoojegezewin kuhya nesuhsagah‐wewuhquaun ahyahweyag, oo‐oo ezhesoongekahbahweyook oonje owh Tabaningad, kache‐sahgeënuhgoog.

COLOSSIANUN 2:4

Oo‐oo nindoonje‐ekid, ahweyah chewuhyazhemesenoowag enewh wuhyazhinga‐ekedoowinun.

COLOSSIANUN 2:8

Ahyaungwahmezeyook ahweyah chewuhyazhemesenoowag ewh nebwahkahwin kuhya wuhyazhingawin ningood anahbuttussenook, debishkoo enandahgwudenig ookuhgequawinewah egewh enenewug, kuhya oomah uhkeeng duhzhe ooshke‐kekenooähmahdewinun, kahween dush ookekenooähmahgawin Christ.

II. TIMOTHEUSUN 2:18

Egewh kahoonje‐pukkajig emuh dabwawining, ekedoowaud ahzhuh kekuhbekoosamahgud ewh ahbejebahwin, kuhya oobahnahjetuhmahwahwaun ahnind oodabwayanduhmoowinene.

HEBREWUN 13:1

Mahnoo tahduhgoomahgud wejekewawine‐sahgeedewin.

JAMES 1:19

Mahnoo dush, suhyahgeënenuhgoog nejekewaëdoog, kuhkenuh enenewug tahwaweebetahwug chenoonduhmoowaud, zebishkauj edush tahkekedoowug, tahzebishkahje-kedahzoowug:

JAMES 1:2

Nejekewaëdoog, moojeganduhmook uhpe pangeshinagoon emuh ahnooj kuhgwatebanemegoowining;

JAMES 2:1

Nejekewaëdoog, kagoo ween ezheähyahkagoon ewh oodabwayanemegoowin Tabaningad Jesus Christ owh dabandung ewh pezhegandahgoozewin, pekinnoong cheënanemagwah egewh bamahdezejig.

JAMES 2:14

Ahneen kaënahbuttuk nejekewaëdoog, ahnahween ekedood enene, Nindahyaun dabwayanduhmoowin, kishpin ahyaunsig ahnookeewinun? Oogahbemahjeëgoon enuh ewh doowah dabwayanduhmoowin?

JAMES 2:5

Bezinduhweshig, suhyahgeënenuhgoog nejekewaëdoog, Kah nuh Kesha‐Muhnedoo oogewuhwanahbuhmahseen enewh katemahgezenejin oomah uhkeeng chekeche-twahwezenid emuh dabwayanduhmoowining, kuhya chedebanduhmenid ewh oogemahwewin kahwahweenduhmoowaud enewh suhyahgeëgoojin?

JAMES 3:1

Nejekewaëdoog, kahween kegahbahtuhyeënseem kakenooähmahgayag, kekanduhmag nenuhwind kakenooähmahgayaung ahwahshema chetebahkoonegooyaung.

JAMES 3:10

Me goo pazhikwung oodoonemah wanjeemahguk ewh wahwezhaningawin kuhya mujje‐kuhnooningawin. Nejekewaëdoog kahween oo‐oo tahezhewabussenoon.

JAMES 4:11

Kagoo mujje‐duhzhindekagoon, nejekewaëdoog. Owh maje‐duhzhemaud enewh wejekewaün, kuhya tabahkoonaud enewh wejekewaün, oomujje‐duhzhindaun ewh tebahkoonegawin, kuhya ootebahkoonaun ewh tebahkoonegawin; kishpin dush tebahkoonuhmun ewh tebahkoonegawin, kahween kedoodunse ewh akedoomahguk tebahkoonegawin, ketebahkoonaun dush ween.

JAMES 5:12

Mamwach kedenenim, nejekewaëdoog, kagoo kuhnuhga mushkahwah‐kezhwakagoon chetuhgoo‐wahweenduhmag ewh kezhik, gamuh ewh uhkee, gamuh pakaunuk mushkahwah‐kezhwawin: aahe wahekedooyagoon aahe atuh kegahekedoom, kishpin dush kah wahekedooyag, kah atuh kegahekedoom; koonemah kedahgepungeshinoom emuh nahneboomegoowining.

JAMES 5:19

Nejekewaëdoog, kishpin ahweyah anduhsheyag oonje wunishenood dabwawining, kewawenegood dush pakaunezenejin;