JAMES 1:12 - Ottawa New Testament Penteteuch and Psalms 1874

¹² Shahwandahgooze suh owh enene swaungekahbahwid uhpe kagwatebanemindjin: uhpe muh keïshquah-kuhgwatebanemind oogahoodahpenaun bemahdezewine‐oogemah‐wewuhquaun, ewh Tabaningad kahwahweendahmahgad chemeenaud enewh suhyahgeëgoojin.

JAMES 1:12 Iomraidhean Croise

GENESIS 22:1

Kepuggummeähyah suh kahishquahezhewabuk oonoo, Kesha‐Muhnedoo kekuhgwatebanemaud enewh Abrahamun, oo‐oo dush keënaud, Abraham: oo‐oo dush oogeëgoon enewh, Benuh oomah nindahyah.

PSALMS 11:5

Ooshkinzhegoon ahyood oonahnahgahdahwahbuhmaun enewh katemahgezenejin: kuhya ooshkinzhegoo kebahegunun ahyood oonundahkekanemaun enewh enenewug oonejahnesewaun.

PSALMS 119:67

Chepwah koodugganduhmaunbaun, ningewuhneshinoobun: noongoom dush nenuhittaun kedekedoowin.

PSALMS 119:71

Ningetabeëgoo kekoodugganduhmaun, me mah kahoonjekekenooähmahgoozeyaun kekuhgequawinun.

PSALMS 119:75

Nekekandaun suh chequuhyuhwuk ketebahkoonegawinun: kuhya oonje dabwayun kegekoodugewh.

PSALMS 5:11

Mahnoo dush tahmoojegezewug kuhkenuh egewh apanemikig: mahnoo tahmoojegetahgoozewug keen mah keguhnuhwanemaug: kuhkenuh dush suhyahgetoojig kedoonoozoowin kegahmoojegezetahgoog.

PSALMS 94:12

Shahwandahgooze suh owh enene keen pazhunzhawud, O Jehovah: kuhya kakenooähmahwud oonje ketebahkoonegawining.

EXODUS 20:6

Shahwanemugwah dush ween medahswauk egewh suhyahgeëjig, kuhya ganuhwandungig ninguhgekwawinun.

St Matthew 10:22

Kegahsheenganemegoowaug dush kuhkenuh enenewug nendezhenekahzoowin oonje; owh dush nahnauzh wuhyaquah‐ahyaug kaäungwahmezid tahbemahjeäh.

St Matthew 25:34

Medush uhpe owh keche‐oogemah kaënaud enewh ookechenikaung ayahnejin, Oondahshahyook kenuhwah shawanemenag owh Noos, oodahpenahmook ewh oogemahwewin kahwahwazhetahmahgooyag, uhpe mahyahje‐oozhetoong oo‐oo uhkee.

ST. LUKE 6:22

Keshahwandahgoozeem, uhpe sheenganemenagwah egewh enenewug, kuhya uhpe puhka‐wabenenagwah, kuhya mujje‐guhnoonenagwah, kuhya uhpe ezhe‐sahgeje‐wabenuhmoowaud kedoonoozoowinewah debishkoo andoodahwindwah egewh majeëzhewabezejig, oonje owh Enene Oogwissun.

ROMANUN 5:4

Kuhya minwahdanduhmoowin ahnookeemahgud chenugguhdanduhmung; kuhya nuhguddanduhmoowin ahnookeemahgud cheähpanemooyung:

ROMANUN 8:28

Kekekandahmin dush kuhkenuh enewh uhyeëen mahmahwe ahnookeemahgudoon cheöonjeshahwandahgoozewaud egewh suhyahgeähjig enewh Kesha‐Muhnedoon, mesuh egewh kahnundoomindjig emuh oodenanduhmoowining.

I. CORINTHIANUN 2:9

Ewh suh azhebeëgahdag, Kahween ooshkinzhegoomah oogewahbunduhseen, kuhya kahween ootuhwugahmah oogenoonduhseen, kah kuhya kepeendegamahgussenoon emuh oodaïng ahweyah enene enewh uhyeëen kahwahwazhetuhmahwahjin owh Kesha‐Muhnedoo enewh suhyahgeëgoojin.

I. CORINTHIANUN 8:3

Kishpin ahweyah sahgeäud enewh Kesha‐Muhnedoon, mesuh owh kakanemegood enewh Kesha‐Muhnedoon.

I. CORINTHIANUN 9:25

Kuhkenuh enenewug wahkoojetoojig ewh puhkinah-gawin, kahween oonzaum oodahyoosenahwah gagoo. Benuh oo‐oo ezhechegawug wenuhwah, chekushketoowaud suhsagahwine‐wewuhquaun banahduk: kenuhwind dush ween wewuhquaun wekah kabahnahdussenook.

DEUTERONOMY 13:3

Kahween kegahbezindunsenun oodekedoowinun owh unwahchega‐wenene, gamah owh natah‐uhyenahbundung: owh mah Jehovah keKesha‐Muhnedoomewah kekuhgwajeë-goowah wekekandung kishpin webuhmeetuhwagwan owh Jehovah Kekesha Muhnedoemewah anegookoodaäyag kuhya anegookoojechaugooweyag.

DEUTERONOMY 7:9

Kekandun suh dush Jehovah ke‐Kesha‐Muhnedoom, ahwid Kesha‐Muhnedoo, natahdabwad Kesha‐Muhnedoo, kanuhwandung azhemushkuhwe‐wahweenduhmuhwaud kuhya katemahganemaud enewh suhyahgeëgoojin kuhya kanuhwanduhmenejin ookuhgequawinun nuhnauzh egoo medahswauk menik uhneähnekabemahdezenid;

DEUTERONOMY 8:2

Kegahmequandaun kuhya kuhkenuh ewh meekun emuh kahbeëzhewenik Jehovah ke‐Kesha‐Muhnedoom emuh buhgwuhduhkummig nemeduhnuh dussoopepoon, weduhbusseïk, kuhya wekuhgwakekanemik, wekekandung ewh atag kedaïng, chewekuhnuhwanduhmoowunan ookuhgequawinun, gamah kuhya kah.

II. TIMOTHEUSUN 2:15

Keche‐wekoojetoon cheëzhepuggedenedezooyun cheminwanemik Kesha‐Muhnedoo, debishkoo anookeetahgad kaähgujjesig, quuhyuk chemahdahookeeyun ewh dabwawine ekedoowin.

II. TIMOTHEUSUN 4:8

Noongoom dush nindahtahmahgoo ewh menoo‐ezhewabezewine pukkinahga‐wewuhquaun, ewh kameezhid owh Tabaningad quuhyuk‐azhewabezid tebahkoonega‐wenene, ewh uhpe kekezheguk: kahween atuh neen, kuhya kuhkenuh egewh manwandungig ewh oonahgoozewin, ahtahmahwahwug.

HEBREWUN 10:32

Mequanduhmook dush enewh kuhyet kezhegudoon, uhpe wuhyashkud kahwahsashkahgooyag emuh kedenanduhmoowinewaung, kekeche‐megahnegooyag enewh kooduggetoowinun;

HEBREWUN 11:17

Dabwayanduhmoowin suh Abraham uhpe kahkuhgwajeïnd, kahoonje‐puggedenuhmoowaud enewh Kesha‐Muhnedoon enewh Isaacun; kuhya owh kahwahweenduhmahwindebun oogepuggedenahmoowaun Kesha‐Muhnedoon enewh puhyazhegoonejin oogwissun,

HEBREWUN 12:5

Ahzhuh dush kegewuhnandahnahwah ewh kuhgequawin, wanejahnesemegooyag azhekuhgekemegooyag, Ningwis, kagoo neshebahpenuhdunkan oopuhzhunzhaöowawin owh Tabaningad, kagoo kuhya ahnezheetunkan uhpe naneebekemikin:

HEBREWUN 6:15

Me dush, uhpe emuh shuhsheebanduhmoowining kahezhebeetood, oogeöodahpenaun ewh kahweendahmahwindebun.

JAMES 2:5

Bezinduhweshig, suhyahgeënenuhgoog nejekewaëdoog, Kah nuh Kesha‐Muhnedoo oogewuhwanahbuhmahseen enewh katemahgezenejin oomah uhkeeng chekeche-twahwezenid emuh dabwayanduhmoowining, kuhya chedebanduhmenid ewh oogemahwewin kahwahweenduhmoowaud enewh suhyahgeëgoojin?

JAMES 5:11

Benuh dush, shahwandahgoozewug kedenanemahnahnig egewh swaunguhmunduhmoojig enewh kooduggetoowinun. Kegenoondaum owh Job kahezheshuhshebandung, kuhya kegewahbundahnahwah kaguhpe kahdoodahgood enewh Tabaninganejin; azhekeche‐ketemahganjegad owh Tabaningad, kuhya azhekeche‐shahwanjegad.

I. PETER 3:14

Keshahwandahgoozeem kishpin kooduggeëgooyag oonje kequuhyuk‐ezhewabezewinewah: kagoo kootunkagoon oosageëwawinewaun kagoo kuhya megooshkahdandunkagoon:

I. PETER 4:13

Oonahnegwanduhmoog dush ween oonje weeje‐kooduggetoomag Christ: uhpe dush kepenahgwudenig oopeshegandahgoozewin, chemoojegezeyag kuhya emuh keche‐bahpenanduhmoowining.

I. PETER 4:14

Kishpin mujje‐duzzhemegooyag oonje oodezhenekahzoowin Christ, keshahwandahgoozeem; owh muh peshegandahgoozewine‐oojechaugoomah kuhya oojechaugwun owh Kesha‐Muhnedoo duhneze emuh keyowewaung: wenuhwah mahween oomujje‐duzzhemahwaun, kenuhwah dush ween kepeshegandahgooähwah.

I. PETER 5:10

Kesha‐Muhnedoo dush mahgewad kuhkenuh enewh shahwanjegawinun, owh kahezhenundoomenenung emuh ookahgega‐peshegandahgoozewining oonje Christ Jesus, wanebik kekoodugganduhmag, kegahminwandahgooëgoowah, kegahsoongekabbahweëgoowah, kegahmushkahweëgoowah, kegahuhyeenjeëgoowah.

I. PETER 5:4

Uhpe dush nuhyahgoozid owh nahgaunandahgoozid Mahnishtahnishe‐wenene, kegahmeenegoom ewh peshegandahgoozewine suhsagah‐wewuhquaun wekah kabahnahdussenook.

I. JOHN 4:19

Kesahgeähnaun suh Kesha‐Muhnedoo, ween muh netum kegesahgeëgoonaun.

REVELATION 2:10

Kagoo kootunkan oonoo uhyeëen kaöonje‐kooduggetooyunin: benuh owh Mujje‐muhnedoo kegahpuggedenegoowah ahnind kenuhwah emuh kebahquahoode‐weguhmigoong, cheöonje‐kuhgwatebanemegooyag; metaussoogoon dush kegahkooduggetoom: Ahyaungwahmezin nahnauzh nebooyun, kegahmeenin dush ewh bemahdezewine‐oogemah‐wewuhquaun.

REVELATION 3:19

Kuhkenuh egewh suhyahgeügig nenuhneebikemaug kuhya nepuhzhunzhawaug: minwawezin dush ween, kuhya aunuhwanindezoon.

REVELATION 3:21

Owh dush kamahmauzheëwad ningahpuggedenuhmahwah cheweeduhbemid emuh nindoogemah‐wuhbewining, debishkoo kuhya neen kemahmauzheëwayaun, kuhya weeduhbemug Noos emuh oodoogemah‐wuhbewining.