JAMES 1:1 - Ottawa New Testament Penteteuch and Psalms 1874

¹ James, Oobuhmeetahgunun Kesha‐Muhnedoo kuhya owh Tabaningad Jesus Christ oodoozhebeühmahwaun enewh metahswe‐ahshe‐neezh bapukkaun azheweenzoonejin chachuhchebaum ayahnejin, keduhnuhmekoonenim.

JAMES 1:1 Iomraidhean Croise

EXODUS 24:4

Moses dush oogeöozhebeähnun kuhkenuh enewh oodekedoowinun owh Jehovah, ahpeche dush kakezhabahwuhgudenig keöonishkah, keöozhetood dush sahsahgewejegun‐ahbik emah nesahke wuhjewing, kuhya medahswe‐ahshe‐neenzh uhsine-ahswahkwuhegunun, anduhswayuhgezid egoo owh Israel ewh medahswe‐ahshe‐neenzhwuhyuhgezid.

EXODUS 28:21

Emah dush uhsineensing tahnahgwudoon enewh oodezhenekahzoowinewaun Israel oonejahnesun, tahmedahsweuhshe neenzhenoon, nahsaub egoo azhesenenig oodezhenekahzoowinewaun, dahbishkoo goo ewh uhkookewuhsejegun‐ahbik manzenekoojegahdag; emah tahnahgwudoon oodezhenekahzoowinewaun anduhchewaud egewh, azhemedahswe‐uhshe-neenzhwuhyuhgezewaud egoo egewh ahnishenahbag.

EXODUS 39:14

Egewh dush uhsineensug kemedahswe‐uhshe‐neezhewug nahsaub suh goo anandahgwudenig enewh oodezhenekahzoowinewaun Israel oonejahnesun, nahsaub goo anandahgwudenig oodezhenekahzoowinewaun, debishkoo azhemunzenekoojegahdag ewh uhkookewuhsejegunahbik, anduhchid ewh oodezhenekahzoowin, nahsaub suh goo anandahgoozewaud egewh medahswe‐uhshe‐neezh, uhnooj azheweenzoojig.

LEVITICUS 26:33

Kegahsuhswaninim dush emuh mayug‐ahnishenahbakaug, kuhya ningahkejegoopetoon ahzhakwashk chemegahnenahgoog, tahpezheshiguhta dush keduhkeemewah.

St Matthew 10:3

Philip, kuhya Bartholomew; Thomas kuhya Matthew owh mahwunjechega‐wenene; James oogwissun owh Alpheus, kuhya Lebbeus kahduggooweenzood Thaddeus;

St Matthew 13:55

Kah nuh ween oodoogwissemegooseen enewh mookoodahzoo‐wenenewun? Kah nuh ween kuhya Mary ezhenekahzoosewun enewh oogeen? kuhya enewh wejekewayun James, kuhya Joses, kuhya Simon, kuhya Judas?

St Matthew 19:28

Jesus dush oo‐oo oogeënaun, Kagate kedenenim, kenuhwah kahnoopenuhzheyag, emuh aunj‐bemahdezewining, uhpe kawuhwanuhbid owh Enene oogwissun emuh pazhegandahgwudenig oodoogemahwewin, kuhya kenuhwah kegahnuhmuhduhbim emuh metahswe‐ahshe‐neezh oogemahwuhbewining, chetebahkoonagwah egewh metahswe‐ahshe‐neezh anduhswayuggezejig Israelitug.

ST. MARK 3:18

Kuhya enewh Andrewun, kuhya Philipun, kuhya enewh Bartholemewun, kuhya Matthewun, kuhya Thomasun, kuhya Jamesun Alpheus oogwissun, kuhya Thaddæusun, kuhya Simonun Zelotes.

ST. LUKE 22:30

Cheweseneyag kuhya chemenequayag emuh ninduhdoopoowining ewede nindoogemahwewining, kuhya chenuhmuhduhbeyag emuh oogemah‐wuhbewining tebahkoonagwah egewh metahswe‐ahshe‐neezh puhkaun azheweenzoojig Israelitug.

ST. LUKE 6:15

Matthewun kuhya Thomasun, Jamesun oogwissun owh Alpheus, kuhya Simonun, Zelotes kahezhenekahzoonejin,

ST. JOHN 12:26

Kishpin ahweyah buhmetuhwid, mahnoo ningahnoopenuhnik; emuh dush neen anduhzhe‐ahyahyaun, mesuh kaähyaud owh nebuhmeetahgun; kishpin ahweyah buhmetuhwid, mesun enewh Noos kakechetwahweähjin.

ST. JOHN 7:35

Egewh dush Jewyug, oo‐oo keëzheguhnoonedewug, Ahneende wahezhaud, ewh chemekahwahsewung? tahezhah nuh anduhzhe ahyahwaud egewh saswashkahjig anduhnuhkeejig emuh mayug‐ahnishenahbakaug, chekekenooahmahwaud edush enewh mahyug‐ahnishenahban?

OODEZHECHEGAWINEWAH 1:13

Uhpe dush kahpeendegawaud, ishpemesuhgoong keëzhahwug, emuh andahwaud owh Peter, kuhya James, kuhya John, kuhya Andrew, Philip, kuhya Thomas, Bartholomew, kuhya Matthew, James oogwissun owh Alpheus, kuhya Simon Zelotes, kuhya Judas wejekewaün owh James.

OODEZHECHEGAWINEWAH 12:17

Kahuhyenenuhmahwaud dush ewh ooneenj chepezaunuhbenid, oodebahjemootahwaun ewh kesahgejewenegood enewh Tabaninganejin emuh kebahquahoode‐weguhmigoong. Oo‐oo dush keëkedoo, Mahjaug ahweweenduhmoowik oonoo uhyeëen owh James kuhya egewh wejekewaëmaug. Kemahjah dush, puhkaun ningooje keëzhah.

OODEZHECHEGAWINEWAH 15:13

Bahnemah dush kahishquah‐kekedoowaud, James oogeguhnoonaun, oo‐oo keënaud, Enenewedoog wejekewaëmahdoog, bezinduhweshig:

OODEZHECHEGAWINEWAH 15:21

Moses muh mawezhah oodahyahwaun emuh anduhching oodanah enewh dabahjemegoojin, ahginjegahdanewun oodoozhebeëgawinun anduhsoo aunwabe‐kezheguk emuh ahnuhmeä‐weguhmigoong.

OODEZHECHEGAWINEWAH 15:23

Kemahjebeähmahgawug dush enewh muzzeneëgunun, kamahjetoonid, oo‐oo keëzhebeëgawug; Egewh apostleüg kuhya katezejig kuhya wejekewaëmaug ooduhnuhmekahwahwaun enewh wejekewaëmaun mayuggezenejin ewede Antioching kuhya Syriaïng kuhya Ciliciaïng:

OODEZHECHEGAWINEWAH 2:5

Keähyahwug suh andahjig emuh Jerusaleming, Jewyug manoo‐ahnuhmeähjig enenewug, kahoonjebahjig menik ahnahmekezhik papukkaun azheweenzoojig ahnishenahbag.

OODEZHECHEGAWINEWAH 21:18

Wuhyahbung dush Paul ningeëzheweejewegoonaun kepeendegahwungid owh James; keähyahwug dush kuhkenuh egewh katezejig.

OODEZHECHEGAWINEWAH 23:26

Claudius Lysias ooduhnuhmekahwaun enewh kachetwahwezenejin oogemaun Felixun.

OODEZHECHEGAWINEWAH 26:7

Me suh ewh wahweendahmahgawin ahpanemoowaud oodittuhmoowaud egewh metauswe‐ahshe‐neezh anduhswayuggezejig, wawane buhmeetahwahwaud enewh Kesha‐Muhnedoon kezhegudenig kuhya tebekudenig. Mesuh oo‐oo ahpanemoowin keche‐oogemah Agrippa wanjeähnahmemewaud Jewyug.

OODEZHECHEGAWINEWAH 8:1

Saul dush keweedookahzoo uhpe kahnesemind enewh Stephenun. Ewh dush uhpe kekeche‐mekinjeähwug egewh anuhmeähjig ewede Jerusaleming kahahyahjig; keëzhesuhswashkahwahwug emuh anegookekummegaug Judæa kuhya Samaria duhzhe uhkee, egewh atuh apostleüg kahween.

ROMANUN 1:1

Paul, oobuhmeetahgunemun owh Jesus Christ kahnundoomind cheäpostleëwid, kahpukkakahbuhweïnd chepahbahdebahdoodung oominwahjemoowin owh Kesha‐Muhnedoo,

GALATIANUN 1:19

Ahnind dush egewh Apostleüg kahween ahweyah ningewahbuhmahse, me atuh James wejekewaün Tabaningad.

GALATIANUN 2:12

Chepwah muh tugwishenoowaud ahnind kahoonjeejig ewede ahyaud owh James, oogeweedoopuhmaun enewh mahyuggezenejin: uhpe dush tagwishenoowaud oogenuhguhnaun puhkayeëe dush keëzhah, kekoosaud enewh kakenoowahje‐kishkezhegahzoonejin.

GALATIANUN 2:9

Uhpe dush James kuhya Cephas, kuhya John, egewh kahoonje‐soongung ahnuhmeähwin, kahkekanduhmoowaud ewh shahwandahgoozewin kahmeenegooyaun, ningemeenegoo neen kuhya Barnabas ewh weejekewaïnde‐ookeche-neenjemah; nenuhwind cheëzhahyaung egewh mayuggezejig wenuhwah dush cheëzhahwaud enewh kakenoowahje‐kishkezhegahzooonejin.

DEUTERONOMY 28:64

Jehovah dush kegahsuswashkaug emuh uhyahwaud kuhkenuh ahnishenahbag, emuh mahduhkummegesing uhke nuhnauzh egoo ewede nuhpauj enuhguhka wuhyaquahkummegaug; kegahbuhmeetuhwaug dush ewede bakahnezejig muhnedoog, keen kuhya koosebuneeg kahkekanemahsewagoog, metig suh goo kuhya uhsin.

DEUTERONOMY 30:3

Jehovah keKesha‐Muhnedoom oogahquakesedoon kekoduggeëgoowin, kuhya kegahketemahganemik, kuhya menuhwah kegahmahwunjeïk emuh uhyahwaud kuhkenuh ahnishenahbag uhnooj azheweenzoojig, ewede kesuswashkook Jehovah keKesha‐Muhnedoom.

DEUTERONOMY 32:26

Ningeëkid ewh chesuswashkuhwugwah wuhwequayahmuhguk, cheënanemugwah chewuhnanemindwah emuh uhyahwaud enenewug:

DEUTERONOMY 4:27

Jehovah dush kegahsuswashkahgoowah emuh uhyahwaud uhnooj azheweenzoojig ahnishenahbag, kegahpungeshawuhgezim menik kaïshkoonayag emah uhyahwaud muhyug ahnishenahbag, ewede kaëzhewenenag Jehovah.

PHILIPPIANUN 1:1

Paul kuhya Timotheus, oobuhmeetahgunun Jesus Christ, oodoozhebeühmahwahwaun kuhkenuh anuhmeähnejin emuh Christ Jesusing ayahnejin ewede Philippiïng, mahmahwe enewh makuhdawekoonuhyan, kuhya wahdookahganejin makuhdawekoonuhyan:

II. TIMOTHEUSUN 4:21

Waweeb penaunzekahweshin chepwah pepoong. Keduhnuhmekaug Eubulus, kuhya Pudens, kuhya Linus, kuhya Claudia, kuhya kuhkenuh egewh wejekewaëmaug.

ENEWH TITUSUN 1:1

Paul, oobuhmeetahgunun Kesha‐Muhnedoo, oodahpostleëmun Jesus Christ, nahsaub anandahgwudenig oodabwayanduhmoowinewaun egewh kahkuhgeegenegoojig Kesha‐Muhnedoon, kuhya azhewahweenjegahdag ewh dabwawin wanjebahmahguk menoo‐ezhewabezewin;

I. PETER 1:1

Peter oodahpostleëmun Jesus Christ oodoozhebeühmahwaun enewh mahyug‐ahnishenahban chachuhchebaum ayahnejin emuh Pontusing, Galatiaïng, Cappadociaïng Asiaïng kuhya Bythiniaïng,

II. PETER 1:1

Simon Peter, oobuhmeetahgunun kuhya oodahpostleëmun Jesus Christ, oomahjebeühmahwaun enewh kahoodahpenenejin nahsaub‐anandahgwuk dabwayanduhmoowin kahoodahpenuhmaung nenuhwind, oonje ooquuhyukezhewabezewin Kesha‐Muhnedoo, kuhya Bamahjeënung Jesus Christ.

JUDE 1:1

Jude, oobuhmeetahgunun Jesus Christ, kuhya wejekewaün James oodoozhebeühmahwaun enewh kahmenoo‐ezhewabezeähjin Kesha‐Muhnedoo Wayoosemind, kuhya enewh Jesus Christ kahbemahjeähjin, kuhya kahnundoomahjin:

REVELATION 7:4

Kuhya ningenoondaun anduhshewaud egewh kahkenooowahjeïndig: kekekenoowahjeähwug suh ningoodwauk‐ahshe‐nemeduhnuh ahshe newing metauswauk bamahdezejig ahnooj azheweezoonid oonejahnesun Israel.