I. PETER 4:1 - Ottawa New Testament Penteteuch and Psalms 1874

¹ Kekanduhmung dush ewh kekooduggetood owh Christ emuh weyausemaung kenuhwind oonje, kuhya kenuhwah ahyahmook ewh nahsaub enanduhmoowin: owh mahween kahkooduggetood emuh weyausemaung oodishquah‐buhmetaun mujje‐ezhewabezewin;

I. PETER 4:1 Iomraidhean Croise

ST. MARK 3:3

Oo‐oo dush oodenaun enewh nabooweneenjenejin enenewun, Puhsegween emuh nahwuhyeëeng.

ROMANUN 6:11

Me suh dush enanindezooyook, kenuhwah kagate chenebootuhmag ewh mujje‐ezhewabezewin, chebemahdezetuhwag suh dush owh Kesha‐Muhnedoo oonje owh Jesus Christ Tabanemenung.

ROMANUN 6:2

Kahween pahbish tahezhewabussenoon. Ahneen kenuhwind, kahnebootuhmung ewh mujje‐ezhewabezewin, kaëzhebemahdezeyungoobun kayahbe emuh mujjeëzhewabezewining?

ROMANUN 6:7

Owh muh kahnebood ekoonuhmoowah mujjeëzhewabezewin.

GALATIANUN 2:20

Neweeje‐suhsuhgahkwahoomah Christ: pooch nebemahdiz; kahween ahnahwe neen, owh atuh Christ bemahdeze peenjenuh emuh neyowing: ewh dush bemahdezewin noongoom azhebemahdezeyaun emuh weyausemaung, nebemahdiz oonje oodabwayanduhmoowin enewh Oogwissun owh Kesha‐Muhnedoo, kahsahgeïd, kuhya kahpuggenedezood neen oonje.

GALATIANUN 5:24

Egewh dabandahgoozejig emuh Christing oogenetoonahwah ewh weyausemah kuhya kuhkenuh azhesahgeewamahguk kuhya azhenunduhwanduhmoomahguk.

EPHESIANUN 6:13

Benuh dush oodahpenuhmahzooyook kuhkenuh oodushwewin owh Kesha‐Muhnedoo, ewh dush chekushketooyag chenuhnahqueyag uhpe maje‐kezhegukkin, kuhya kuhkenuh kahezhechegayag, chenebahweyag.

DEUTERONOMY 27:10

Kegahnuhetaun suh dush ewh oodinwawin Jehovah keKesha‐Muhnedoom, kuhya kegahezhechega enewh ookuhgequawinun kuhya oodenahkoonegawinun, noongoom kezhiguk azhekuhgaunzoomenaun.

PHILIPPIANUN 2:5

Nahsaub enanduhmook, debishkoo kahenandung Christ Jesus:

HEBREWUN 12:3

Nahnahgahduhwanemik suh owh kahkeche‐kooduggandung oonje keähzhedakahgood enewh maje‐ezhewabezenejin, cheöonje‐ahnezhetunsewag kuhya cheäunwanjegasewag emuh kedenanduhmoowinewaung.

HEBREWUN 4:10

Owh suh kahpeendegad emuh oodaunwabewining, ween oogeïshquah‐ahnookeetaunun enewh tebenuhwa oodahnookeewinun, debishkoo Kesha‐Muhnedoo kahezheishquah‐anookeetung ween oodahnookeewinun.

I. PETER 2:21

Me suh kahezhenundoomegooyag, Christ muh kekooduggetoo kenuhwind oonje, kenuhguduhmoonung kekenoowahbunjegun, chekekenoowahbuhmag:

I. PETER 3:18

Kuhya ween owh Christ ahbeting kekooduggetoo oonje enewh mujje‐ezhewabezewinun, owh quuhyuk‐azhewabezid oonje enewh maje‐ezhewabezenejin, chepeëzhewenenung emuh anduhzhe‐ahyaud Kesha‐Muhnedoo, kenesind emuh weyausemaung, nayaub kebemahdezeïnd emuh oojechaugoomaung;