I. PETER 3:3 - Ottawa New Testament Penteteuch and Psalms 1874

³ Kesuhsagahwinewah kahween weyowemaung tahezheähyahsenoon, cheöokahdanuhmag enewh kenesissewaun, kuhya chemuhdinduhmag oozahwah‐shooneäh suhsagahwinun, gamuh chepeseekahmag enewh ahgwewinun:

I. PETER 3:3 Iomraidhean Croise

GENESIS 24:22

Kepuhgummeähyahmahgud edush uhpe kahishquah‐menequawaud egewh paquahwegungig, owh enene oogeöodahpenaun oozahwah‐shooneyah nahbeshabezoon ahbetah‐wahbik apeetenegwuk, kuhya neezh ahnaunun kaühyoonid emuh ooneenjeening metauswahbik apetenegwuk oozahwah shooneyah;

GENESIS 24:47

Ningekuhgwajemah dush, oo‐oo keënug, Ahwanan wadahnesemik? Oo‐oo dush keëkedoo, Nindoodahnesemik owh Bethuel, oogwissun owh Nahor, Milcah kahnegetahmahgoojin: ningeähtuhmahwah dush nahbeshabezooon emuh oodangwuhying, kuhya ningeähtuhwah ahnaunun emuh ooneenjeeng.

GENESIS 24:53

Owh dush buhmeetahgun oogekedenaunun quuhnauj shooneyah‐uhyeëen, kuhya oozahwah‐shooneyah uhyeëen, kuhya ahgwewin, oogemeenaun dush Rebekahun: kuhya dush oogemeenaun oodahwamaune kuhya oogeene kache‐ahpetandahgwukkin uhyeëen.

PSALMS 45:9

Kuhkenuh kedahgwewinun menoo‐mahgoojeguning ezhemahgwudoon: oonje quuhnauj keche‐oogemahweguhmigooing, kahoonjebahpenanemooëgooyag.

EXODUS 3:22

Anduhchewaud dush egewh equawug ooguhuhdahwuhmahwaun enewh bameganejin pashoo emah uhyahwaud, kuhya enewh kahbeendegahgoowahjin emah oowegewaumewaung shooneyah, suhsayahchegunun, kuhya oozahwah‐shooneyah‐suhsagahchegunun, kuhya uhgwewin: kegahpesekoonahwaug dush enewh kegwissewaug kuhya kedaunewaug; keguhoodahpenuhmuhwahwaug dush egewh Egyptianug enewh ooduhyeëemewaun.

EXODUS 32:2

Aaron dush oo‐oo oogeënaun, Muhmebedoog enewh oozahwe‐shooneyah nahbeshabezoonun, agoodagin emah ootuhwuhgahwaung egewh kewedegamahgunewaug, kegwissewaug, kuhya kedaunewaug, peduhweshig dush.

EXODUS 33:4

¶ Uhpe dush egewh ahnishenahbag kahnoonduhmoowaud oo‐oo mahnahjemoowin, kemuhwewug: kah dush uhweyuh enene oogeühyoosenun enewh oozuhzagahchegunun.

EXODUS 35:22

Kepeëzhahwug dush, enenewug kuhya equawug, menik egoo kagate kahenandungig, kepeedoowaud uhnaunun, kuhya nahbeshabezoonun, kuhya tetebeninjebezoonun, kuhya shooneyahwuhyeëen quanahjewungin, kuhkenuh oozahweshooneyah suhsagahchegun: kuhya anduhchewaud egewh enenewug kahpuhgedenegajig oogepuhgedenuhmuhwahwaun enewh Jehovahun ewh oozahwe‐shooneyah puhgedenegawin.

EXODUS 38:8

¶ Oogeöozhetoon dush ewh kesebege‐oonahgun oozahwahbik keühyood, kuhya ewh emah oozidahwung, oozahwahbik keühyood, emah keöondenung oowahbuhmoojechahgwunemewaun egewh equawug muhyahwunjeëdejig, muhyahwunjeëdepuneeg koo emah ishquaundamewung ewh puhpuhgewuhyahne‐ahnuhmeäwegummig emah koo anduhzhemahwunjeëding.

ROMANUN 12:2

Kagoo ween azhewabuk oomah uhkeeng nahsaub ezhewabezekagoon: quak‐ezhewabezeyook, ewh aunjesing kedenanduhmoowinewaun, chepuggukkanduhmag ewh oodenanduhmoowin owh Kesha‐Muhnedoo ewh wanisheshing, kuhya manwandahgwuk kuhya quayukwandahgwuk.

I. PETER 3:2

Magwah wahbunduhmoowaud ewh kequuhyuk‐ezhewabezewinewah mahmahwe kechetwahwanemagwah.