I. PETER 1:3 - Ottawa New Testament Penteteuch and Psalms 1874

³ Tahmahmooyahwahmah oo‐Kesha‐Muhnedoomun kuhya Oosun owh Tabanemenung Jesus Christ, owh apeech keche‐shahwanjegad keäunj‐negeënung ewh kepuggedenuhmoonenung kaähpanemooyung oonje oodahbejebahwining Jesus Christ oonje neboong.

I. PETER 1:3 Iomraidhean Croise

PSALMS 41:13

Tahmahmooyahwahmah Jehovah oo‐Kesha‐Muhnedoomun owh Israel: kahgenig kuhya kahgenig. Amen kuhya Amen.

PSALMS 86:15

Keen, O Tabaningayun, kashawahdezid kuhya shawanjegad muhnedoo kedow: keshuhshebandum, kuhya bahtuheïnudoon keshahwanjegawin kuhya kedabwawin.

PSALMS 86:5

Keen mah Kesha‐Muhnedoo kekeshawahdiz kuhya kenetah‐shahwanjega: kuhya kekeche‐shahwanemaug egewh anuhmeätookig.

EXODUS 34:6

Jehovahun dush kebemesawun emah anahsuhmeühyaud, oo‐oo dush keëzhepepahgewun, Owh Jehovah, Owh Jehovah Kesha‐Muhnedoo, kademahganjegad kuhya shawanjegad, zahbishkahjegedahzood, kuhya wanzahmenuhdenig ookezhawahdezewin, kuhya oodabwawin.

ST. JOHN 1:13

Kahween mesqueeng keöonjenegesewug oogoo, kah kuhya weyahse‐enanduhmoowining, kah kuhya enene enahduhmoowining, Kesha‐Muhnedoong atuh.

ROMANUN 12:12

Menoowahnegwanduhmook emuh ahpanemoowining: soonguhmunduhmook emuh ketemahgezewining zheebanduhmook emuh ahnnhmeähwining;

ROMANUN 15:13

Ahpakish dush owh Kesha‐Muhnedoo mahgewad ahpanemoowin mooshkenashkoonenag ewh kuhkenuh moojegezewinun kuhya pezaunewawinun emuh dabwayanduhmoowining, chebahtuhyeënuk kedahpanemoowinewah oonje oomushkahwezewin owh Kache‐peenezid Oojechaug.

ROMANUN 4:25

Owh kahpuggedenind kemujje‐ezhewabezewinenahnin oonje, kuhya kahahpejebahind kequuhyuk‐ezhewabezeëgoowinenahnin oonje.

ROMANUN 5:10

Kishpin muh, magwah shinganjegayungoobun, kepoonanemenung owh Kesha‐Muhnedoo oonje ewh oonebootoowinening enewh oogwissun, ahwahshema kahpoonanemegooyung, kegahbemahjeëgoomin oobemahdezewin oonje.

ROMANUN 8:11

Kishpin dush Oojechaugwun owh kahahbejebahaud enewh Jesusun duhnezenid emuh keyowewaung, owh kahahbejebahaud enewh Christun oogahahbejebahtoonun natuh‐neboomahgukkin keyowewaug oonje enewh Oojechaugwun ayahwag emuh keyowewaung.

ROMANUN 8:24

Ahpanemoowin suh kegebemahjeëgoonaun: ewh dush ahpanemoowin wahyahbunjegahdag kahween ahpanemoowin ahwunsenoon: ewh muh enene wuhyahbundung, wagoonan kayahbe kaöonje‐ahpanemood?

I. CORINTHIANUN 13:13

Noongoom dush duhgoomahgudoon oonoo neswe, dabwayanduhmoowin, ahpanemoowin, kuhya sahgeëwawin; mahmahwe suh goo keche‐enandahgwud ewh sahgeëwawin.

I. CORINTHIANUN 15:20

Ahzhuh dush ween keähbejebah owh Christ, kuhya keëzheähyah debishkoo owh netum sagukkenegahzood anduhshewaud egewh kahnebahjig.

II. CORINTHIANUN 1:3

Tahmahmooyahwahmah owh Kesha‐Muhnedoo, mesuh owh wagwissid Tabanemenung Jesus Christun, wandenuhmoonung kuhkenuh shahwandahgoozewinun, kuhya mahyahmahwe‐manoodaäshkahgad Kesha‐Muhnedoo;

GALATIANUN 6:16

Menik edush kadishk oo‐oo enahkoonegang anoosajig, mahnoo oogahahyahnahwah ewh pezaunewawin, kuhya shahwanjegawin, kuhya kuhkenuh oodIsraelemun Kesha‐Muhnedoo.

EPHESIANUN 1:17

Owh waKesha‐Muhnedoomegood enewh Tabanemenung Jesus Christun, owh Wayoosemegood ewh pezhegandahgoozewin, chemeenenag owh nebwahkahwine kuhya wahbundahewawine Oojechaugoomah cheöonje‐puggukkanemag:

EPHESIANUN 1:3

Tahmahmooyahwahmah Kesha‐Muhnedoo oosun owh Tabanemenung Jesus Christ, owh kahshahwanemenung kuhkenuh wajechaugwandahgwukkin shahwandahgoozewinun ewede kezhegoong anduhgoogin emuh Christing:

EPHESIANUN 1:7

Mesuh owh wanje‐bemahjeëgooyung oonje oomisqueem, chewabenuhmahgooyung kemujje‐ezhewabezewinenahnin, debishkoo azhewahnuhdezemahgudenig ooshahwanjegawin;

EPHESIANUN 2:4

Kesha‐Muhnedoo dush, owh wuhyahnuhdezid emuh shahwanjegawining, apeech kekeche‐sahgeënung.

EPHESIANUN 3:20

Umba suh dush wah‐owh kashkeäwezid chedoodoonung keche‐nebewah ahwahshema azhenunduhwanduhmung kuhya azhenahnahgahdahwanduhmung azheähyaug ewh mushkahwezewin anookeemahguk emuh peenjenuh keyowenaung.

COLOSSIANUN 1:23

Kishpin minjemanduhmag ewh dabwayanduhmoowin soongekahbahweyag, kuhya mushkahwegeyag kuhya quakeëgoosewag ewh oonje ahpanemooyag minwahjemoowin kahnoonduhmag, kuhya kahdebahjemootuhwindwah kuhkenuh kahoozheïndjig oomah uhkeeng ayahjig; me suh ewh bameetuhmaun neen Paul;

COLOSSIANUN 1:27

Me suh enewh wahwahbundahahjin Kesha‐Muhnedoo azhekeche‐peshegandahgwuk maunduh mamuhkauj kekanjegawin emuh anduhzhe ahyahyaud egewh mayuggezejig, ewh kekishkahwag Christ wanje‐ahpanemooyag ewh peshegandahgoozewin:

THESSALONIANUN 1:3

Wekah poonetoosewaung mequanduhmaung kedabwayanduhmoowine anookeewinewah, kuhya kesahgeëwawine ahnookeewinewah, kuhya azheäunwahjeyag ahpanemooyag Tabanemenung Jesus Christ, emuh anahsuhmuhbid Kesha‐Muhnedoo kuhya Koosenaun.

THESSALONIANUN 4:13

Kahween nindenanduhse chekekanduhsewag, nejekewaëdoog, azheähyahwaud egewh nabahjig, cheöonje-ezhekushkanduhsewag azhekushkunduhmoowaud egewh ayaunsigoog ahpanemoowin.

II. THESSALONIANUN 2:16

Benuh dush Tabanemenung Jesus Christ ween egoo tebenuhwa, kuhya keKesha‐Muhnodoomenaun, kuhya Koosenaun, kahsahgeënung kuhya kahmeenenung ewh kahgega‐menoodaäwin kuhya menoo‐ahpanemoowin oonje ewh shahwanjegawin.

I. TIMOTHEUSUN 1:14

Kuhya kekeche‐meshenudene ooshahwanjegawin Tabanemenung mahmahwe ewh dabwayanduhmoowin kuhya sahgeëwawin ayahmahguk emuh Christ Jesusing.

ENEWH TITUSUN 2:13

Nunduhwanduhmung ewh shawandahgwuk ahpanemoowin, kuhya ewh pashegandahgwudenig oopenahgoozewin owh Kache‐Kesha‐Muhnedoowid kuhya Bamahjeënung Jesus Christ,

HEBREWUN 3:6

Christ dush ween debishkoo owh wagwissemind wagemahkundung tebenuhwa oowegewaum; oowegewaum suh kenuhwind kedahwemin, kishpin minjemanduhmung ewh ahpanemoowin kuhya ewh mwahjegandahgwuk nunduhwanduhmoowin nahnauzh ishquah‐bemahdezeyung.

JAMES 1:18

Ween tebenuhwa oodenanduhmoowin kahoonje‐oogwissemenung duhyabwamahgudenig oodekedoowin keahyood, tahnuhsug netum sagukkenegahzoojig cheëzheähyahyung menik anduhshenid enewh kahoozheähjin.

I. PETER 1:13

Benuh dush kechepezooyook emuh kedenanduhmoowinewaung, nesahdezeyook, ahpena dush ahpanemooyook ewh shahwanjegawin kapeetahgooyag uhpe pahnahgoozid Jesus Christ;

I. PETER 1:21

Ween oonje duhyabwayanemag Kesha‐Muhnedoo, owh kahahbejebahaud enewh oonje neboong kuhya kahmeenaud pezhegandahgoozewin; cheöonje‐dabwayanemag kuhya cheähpanemooyag Kesha‐Muhnedoo.

I. PETER 1:23

Ewh suh keäunj‐negeyag kahween oonje kabahnahduk menekaun, ewh atuh kabahnahdussenook, me suh oodekedoowin Kesha‐Muhnedoo, bamahdudenig kuhya kuhyahgega‐ahyahmahgudenig.

I. PETER 2:2

Debishkoo washke‐negejig ahbenoojeüg, nunduhwanduhmook ewh quuhyuk doodoosh‐ahboo emuh ekedoowining wandenegahdag, cheöonje‐mahjegeyag kemenequayag:

I. PETER 3:15

Kechetwahwanemik owh Tabaningad Kesha‐Muhnedoo emuh kedaëwaung, moonzhug edush kezhetahyook chewahweenduhmoowagwah kuhkenuh egewh kagwajemenagoog ewh wanje‐ahyahmag ewh ahpanemoowin, emuh bakahdezewining, kuhya emuh ahgahsanemoowining:

I. PETER 3:21

Kebemahjeëgoonaun suh kenuhwind ewh kahkekenoowahjechegahdag emuh, me suh ewh Baptizooëwawin (kahween ewh wabenuhming ewh weyause‐weenezewin, ewh atuh kuhgwadwawin azhekuhgwadwamahguk menoo‐kekanindezoowin anahsuhmid Kesha‐Muhnedoo), oonje oodahbejebahwin owh Jesus Christ.

I. PETER 3:5

Mesuh kuhyet kahezhesuhsagahedezoowaud egewh manoo‐ahnuhmeähjig equawug, kahahpanemoojig enewh Kesha‐Muhnedoon, kennhittuhwahwaud tebenuhwa oonahbamewaun:

I. JOHN 2:29

Kishpin kekanduhmag ewh menoo‐ezhewabezid kekekandahnahwah anduhshid andoodung quuhyuk‐ezhewabezewin ween keöonje‐neegid.

I. JOHN 3:3

Auduhshid ayaung maunduh ahpanemoowin, peeneëdezoo debishkoo ween azhepeenezid.

I. JOHN 3:9

Anduhshid Kesha‐Muhnedoong wanje‐neegid kahween mujje‐ezhechegase; oodahyaun muh ewh oomenekaun peenjenuh: kah dush ookushketooseen chemujje‐ezhewabezid oonje Kesha‐Muhnedoong keöonje‐neegid.

I. JOHN 4:7

Suhyahgeënenuhgoog, umba sahgeëdedah: Kesha‐Muhnedoong suh oonjebahmahgud ewh sahgeëdewin: anduhshid dush suhyahgeëwad Kesha‐Muhnedoong keöonje‐nege, kuhya ookekanemaun Kesha‐Muhnedoon.

I. JOHN 5:1

Ahwagwan duhyabwayanduhmoogwan Christewid Jesus me suh owh Kesha‐Muhnedoong wanje‐negid: anduhshid dush suhyahgeäud enewh Wayooseminjin, kuhya oodahsahgeäun enewh wanejahnesejin.

I. JOHN 5:18

Kekekandahmin ewh ahwagwan Kesha‐Muhnedoong wanje‐negegwan, kahween mujje‐ezhechegase; owh dush wanejahnesemegood enewh Kesha‐Muhnedoon guhnuhwanindezoo, kah dush ootaungenegooseen enewh mujje‐ahyahahwishun.

I. JOHN 5:4

Wagoodoogwan muh Kesha‐Muhnedoong wanje‐negemahgudoogwan oomahmauzhetoon uhkee: mesuh oo‐oo mahmauzhetwahwin wanje‐mahmauzhechegahdag uhkee, mesuh kedabwayanduhmoowinenaun.