I. PETER 1:2 - Ottawa New Testament Penteteuch and Psalms 1874

² Enewh kahkuhgegenahjin Kesha‐Muhnedoo Wayoosemind oonje kezhah kekekanemaud, kuhya kepeeneëgoowaud enewh Keche‐Oojechaugwun, cheöonje‐dabwatuhming kuhya cheseguhunduhming ewh oomisqueem Jesus Christ: Mahnoo kegahahyahnahwah nahwuj nebewah shahwandahgoozewin kuhya pezaunewawin.

I. PETER 1:2 Iomraidhean Croise

LEVITICUS 1:5

Oogahnesaun edush enewh ahnookee‐pezhekeensun anahsuhmid Jehovah; egewh dush sahsahgewejega‐wenenewug, wagwissemegoojig enewh Aaronun, oogahpedoonahwah ewh misque, kuhya oogahsuhswabeguhundahnahwah misque kewetahuhyeëe emuh sahsahgewejegunahbikoong atag emuh ishquaundamewunenig oodahnuhmeä‐weguhmigoowah egewh mahyahwunjeëdejig.

St Matthew 24:22

Kishpin suh tahkwahchegahdasenoog oonoo kezhegudoon, kah kuhnuhga ahweyah bamahdezid tahgebemahjeähse; egewh dush kagegenindjig tahoonjetahkwahchegahdanoon.

St Matthew 24:24

Tahpenahgoozewug wuhyahzhinga‐Christug, kuhya wuhyazhinga‐aunwahjega‐wenenewug, chewahbundahewawaud enewh keche‐kekenoowahjechegunun, kuhya enewh mahmaundahwejegunun; kagah suh chetawuhyazhemahwaud enewh kagegenindjin, kishpin suh enandahgoozenid chewuhyazhememind.

St Matthew 24:31

Oogahahnoonaun dush enewh oodangenemun, chekezhewawatoonid ewh pootahjegun, kuhya emuh newing enuhkuhkayah wandahnemuk oogahoonjemahwundoonahwaun enewh gagegeninjin anegookwaug ewh kezhik.

ST. MARK 13:20

Kishpin dush owh Tabaningad keënahkoonegasigebun chetuhquahmahguk oonoo kezhegudoon, kah kuhnuhga ahweyah wahyahsewid tahgebemahjeähse: egewh dush kahwuhwanahbuhmahjin keoonje‐enahkoonega chetuhquahmahguk oonoo kezhegudoon.

ST. MARK 13:22

Tahpetuhgwishenoog gooshah egewh wuhyazhinga‐Christug kuhya wuhyazhinga‐aunwahjega‐wenenewug, oogahwahbundahewanahwah enewh kekenoowahjechegunun kuhya mahmaundahwejegunun, chewuhyazhemahwaud, kishpin goo kushketoongebun, enewh kagegeninjin.

ST. MARK 13:27

Me dush uhpe kapëzhenahzhahwaud enewh oodangenemun, oogahmahwundoonaun dush enewh kagegenemindjin emuh newing enuhkayah wandahnemuk oogahoondenaun, kuhya wuhyaquahkummeguk ewh uhkee, kuhya emuh wuhyaquah‐ahyaug ewh kezhik.

ST. LUKE 18:7

Kah nuh ween owh Kesha‐Muhnedoo oogahtebahkoonuhmuhwahseen enewh kahwuhwanahbuhmahjin, anegook ahnuhmeätahgoojin, kezhegudenegin, kuhya tebekudenenegin, ahnuhween goo zebishkahje‐kedahzood?

OODEZHECHEGAWINEWAH 15:18

Kesha‐Muhnedoo ookekandaunun kuhkenuh oodahnookewinun pahahkoomahje‐uhkeewung.

OODEZHECHEGAWINEWAH 2:23

Wah‐owh, pagedenegahzood oonje oodenanduhmoowin kuhya kezhah kahenahkoonegagoobunan owh Kesha‐Muhnedoo, kegetuhkoonahwah, kuhya anuhmeähsigoog ooneenjewaun ahyooyag kegeähgwahquahwahwah kuhya kegenesahwah:

OODEZHECHEGAWINEWAH 20:32

Noongoom dush, nejekewaëdoog, kedahnuhmeä-tuhmoonenim cheguhnuhwanemenag owh Kesha‐Muhnedoo, kuhya cheguhnuhwanemegooyag emuh ooshahwanjegawine oodekedoowining, ewh kaöonjekushkeëgooyag chemushkahwandemooëgooyag, kuhya chemeenegooyag ewh debandahsoowin emuh anduhzhe‐ahyahwaud egewh kahmenoo‐ezhewahbezeïndjig.

ROMANUN 1:5

Me suh owh kahoonjemeenegooyaung ewh shahwanjegawine‐weedookahgoowin kuhya apostle‐ahnookeewin, kuhkenuh ahnooj azheweenzoojig ahnishenahbag cheöonje‐pahbahmetuhmoowaud ewh dabwayanduhmoowin oodezhenekahzoowin oonje:

ROMANUN 1:7

Oomahjebeähmahwaun kuhkenuh emuh Romeing ayahnejin, enewh suhyahgeähjin Kesha‐Muhnedoo, kahnundoomahjin chepeenezenid: Shahwandahgoozewin kuhya pezaunewawin kegahahyahnahwah oonje Kesha‐Muhnedoo Koosenaun, kuhya Tabanemenung Jesus Christ.

ROMANUN 11:2

Kahween owh Kesha‐Muhnedoo oogewabenahseen oodahnishenahbamun kezhah kahkekanemahjin. Kah nuh kekekanduhsenahwah ewh akedoomahguk kechetwah‐oozhebeëgawin enahjemind owh Elias? kahezheguhnoonaud enewh Kesha‐Muhnedoon ahnahmemaud enewh Israelun, oo‐oo keëkedood,

ROMANUN 11:28

Emuh minwahjemoowining, sheenganemahwug kenuhwah oonje: wahwanahbunduhmoowining, sahgeähwug oosewahbuneen oonje.

ROMANUN 15:16

Cheöobuhmeetahgunemid owh Jesus Christ chekuhgekemugwah egewh mayuggezejig, debahdooduhmaun ewh oominwahjemoowin owh Kesha‐Muhnedoo, cheöonje-menoo‐oodahpenindwah egewh mayuggezejig pagedenindjig emuh oobuhmeetahgawining, kepeeneëgoowaud enewh Keche‐Oojechaugwun.

ROMANUN 16:19

Kedabwatuhmoowinewah suh ookekandahnahwah kuhkenuh enenewug. Neminwandum dush kenuhwah oonje: kenunduhwanemenim dush chenebwahkahyag emuh menoo‐ezhewabezewining, kuhya chekekanduhsewag mujje‐uhyeewish.

ROMANUN 16:26

Pejeenug dush mezheshuhwejegahda, kuhya emuh oodoozhebeëgawinewaung egewh aunwahjega‐wenenewug, debishkoo kahenahkoonegagoobunan owh kahyahgega‐bemahdezid Kesha‐Muhnedoo, keöonje‐wahbundahindwah kuhkenuh ahnooj azheweenzoojig bamahdezejig cheöonje-nuhittuhmoowaud ewh dabwayanduhmoowin:

ROMANUN 8:13

Kishpin mahween azhebemahdezeyag azhekuhgaundwamahguk weyausemah, kegahneboom: kishpin dush ween owh Oojechaugoomah oonje‐netooyag enewh weyowe-ezhechegawinun, kegahbemahdezeem.

ROMANUN 8:33

Ahwanan kaähnahmemaud gagoo enewh kahwuhwanahbuhmahjin owh Kesha‐Muhnedoo? Kesha‐Muhnedoo ahwe owh quuhyuk‐ezhewabezeëwad.

I. CORINTHIANUN 1:30

Ween suh wanje‐debandahgoozeyag emuh Christ Jesusing, owh kahpuggedenegood enewh Kesha‐Muhnedoon, cheähwid kenebwahkahwinenaun, kuhya keminwandahgoozewinenaun, kuhya kequuhyuk‐ezhewabezeëgoowinenaun, kuhya kebemahjeëgoowinenaun:

I. CORINTHIANUN 6:11

Me suh ahnind kenuhwah keëzhewabezeyagoobun: noongoom dush kekesebegenegoom, kepeeneëgoom, kequuhyuk‐ezhewabezeëgoom, emuh oodezhenekahzoowining owh Tabaningad Jesus, kuhya oonje enewh Oojechaugwun Kekesha‐Muhnedoomenaun.

II. CORINTHIANUN 10:5

Cheneswabenegahdag enewh ahgoonwatahdewinun, kuhya kuhkenuh ashpahmahgukkin, wanje kebishkahnig ookekandahsoowin owh Kesha‐Muhnedoo, chetuhkoonegahdag dush kuhkenuh enewh nahnahgahdahwanduhmoowinun chetebandahgwuk emuh oonuhittahgoowining owh Christ;

II. CORINTHIANUN 13:14

Ooshahwanjegawin owh Tabaningad Jesus Christ, kuhya oosahgeëwawin Kesha‐Muhnedoo, kuhya ooweejekewaïndewin Kache‐peenezid Oojechaug, kegahweejewegoonahwah kuhkenuh. Amen.

DEUTERONOMY 7:6

Kedahwim mah Pahnezenejin oodahnishenahbamun owh Jehovah ke‐Kesha‐Muhnedoomewah: Jehovah ke‐Kesha‐Muhnedoomewah kegewuhwanahbuhmegoowah kenuhwah tebenuhwa oodahnishenahbamun cheähweyag, menik anduhchewaud ahnishenahbag uhkeeng ayahjig.

COLOSSIANUN 3:12

Pesekuhmook suh dush, azhekuhgeginenag Kesha‐Muhnedoo, quuhyuk azhewabezeyag kuhya suhyahgeëgooyag, shahwanjegawinun, keshawahdezewin, ahgahsanemoowin, bakahdezewin, minwahdanduhmoowin;

II. THESSALONIANUN 2:13

Nenuhwind dush nenundahwandahgoozemin moonzhug chemahmooyahwahmungid Kesha‐Muhnedoo kenuhwah oonje, wejekewaëmahdoog suhyahgeënag owh Tabaningad, oonje wuhyashkud keöonahbuhmenag Kesha‐Muhnedoo chebemahjeëgooyag oonje ewh oomenoo‐ezhewabezeëwawin Keche‐Oojechaug, kuhya oonje dabwayanduhmag ewh dabwawin;

II. TIMOTHEUSUN 2:10

Me suh wanje‐shuhsheebanduhmaun kuhkenuh uhyeëen oonje egewh kagegenindjig, cheähyahmoowaud ewh bemahjeëgoowin oonje owh Jesus Christ mahmahwe kahgega‐peshegandahgoozewin.

ENEWH TITUSUN 1:1

Paul, oobuhmeetahgunun Kesha‐Muhnedoo, oodahpostleëmun Jesus Christ, nahsaub anandahgwudenig oodabwayanduhmoowinewaun egewh kahkuhgeegenegoojig Kesha‐Muhnedoon, kuhya azhewahweenjegahdag ewh dabwawin wanjebahmahguk menoo‐ezhewabezewin;

HEBREWUN 10:22

Umba penaunzekundah emuh quuhyuk oodaëmaung, emuh dabwayanduhmoowine‐ahpanemoowining keche‐ahpanemooyung, peeneëgooyung emuh kedaënahning oonje mujje‐kekanindezoowin, kuhya peeneëgooyung emuh keyowenaung pahnahguhmeeg nebee ahyoong

HEBREWUN 11:28

Dabwayanduhmoowin suh kahoonje‐guhnuhwandung ewh kuhbekoosa‐wekoondewin, kuhya ewh misque kesuhswabeguhundahgangin, cheöonje‐taungenegoosigwah enewh kahnesahnejin enewh netum‐moozhahnun.

HEBREWUN 12:24

Kuhya Jesus ganooduhmahgad emuh ooshke‐wahweendahmahdewining, kuhya ewh misque saswabeguhunjegang, ahwahshema menoo‐kekedoomahguk dush ween Abel oomisqueem.

HEBREWUN 5:9

Ewh dush kahkeche‐pezhegandahgoozid, keähwe owh wanje‐bemahjememind kuhkenuh enewh duhyabwatahgoojin chekahgega‐bemahdezenid.

I. PETER 1:14

Debishkoo ahbenoojeüg natuh‐dabwatungig, kagoo ezhewabeëdezookagoon kuhyet kahezhewabezeyag uhpe kemujje‐nunduhwandahmag oonje kekekanjegasewag:

I. PETER 1:19

Ewh atuh kache‐ahpeetandahgwudenig oomisqueem owh Christ, debishkoo mahnishtahnisheens ningood anahpenasig kuhya wahnezesig:

I. PETER 1:20

Owh kagate kezhah kahpuggedenind chepwah mahje‐oozhetoong ewh uhkee, noomuhyah dush kemezheshahwahbuhmenahgooze oonje kenuhwah,

I. PETER 1:22

Kekanduhmag ahzhuh kepeeneägwah kejechaugoowaug oonje kenuhittuhmag ewh dabwawin oonje owh Keche‐Oojechaug chesahgeägwah egewh wejekewaëmaug kuhnuhga sahgeëwakahzoosewag, aungwahmezeyook chewahweenga‐sahgeëdeyag emuh pahnuk kedaëwaung:

I. PETER 2:9

Kenuhwah dush ween kagegenindjig ahnishenahbag kedahwim, kuhya wagemahwandahgoozejig sahsahgewejega‐wenenewug, ahnishenahbag pahnezejig, kuhya tabandahgoozejig kedahwim chewahbundahewayag ookeche‐peshegandahgoozewinun owh emuh magwa pesuhgish‐tebik kahoonje‐nundoomenag, cheëzhewenegooyag emuh mamaundahwudenig oowahsayahzewining:

II. PETER 1:2

Ashkum nebewah kegahahyahnahwah shahwanjegawin kuhya pezaunewawin, oonje puhgukkanemag Kesha‐Muhnedoo, kuhya Tabanemenung Jesus Christ.

II. JOHN 1:1

Owh katezid oomahjebeühmahwaun enewh kagegenindjin kachetwahwezenejin equawun, kuhya enewh oonejahnesene, egewh suhyahgeügig emuh dabwawining; kahween neen atuh, kuhkenuh suh goo kakandungig ewh dabwawin:

II. JOHN 1:13

Oonejahnesun owh kageginind keweedegequaun keduhnemikahgoog. Amen.

JUDE 1:2

Mahnoo kegahahyaunahwah ashkum nebewah shahwandahgoozewin, kuhya pezaunewawin, kuhya sahgeëwawin.