GENESIS 8:21 - Ottawa New Testament Penteteuch and Psalms 1874

²¹ Jehovah dush keweeshkoobemaunjega; oo‐oo dush keëkedoo owh Jehovah emuh oodaïng, kahween menuhwah ningahkuhgwahnesugganduhseen uhkee oonje enene oodezhewabezewin; kuhkenuh mah enene oodenanduhmoewinun anandungin emuh oodaïng uhpena mujje‐ezhewabudoonatuh pahahkoo‐ooshkenegid; kah dush menuhwah ningahpukketawahseeg kuhkenuh bamahdezejig, debishkoo ahzhe kahezhechegayaun.

GENESIS 8:21 Iomraidhean Croise

GENESIS 3:17

Oo‐oo dush oogeënaun enenewun, Oonje kebezinduhwud kewedegamahgun, kuhya keäumwud azhemenewid owh metig, keënenaun cheäumwahsewud; kuhgwahnesuggandahgwud uhkee keen oonje; emuh nuhneenuhwanduhmoowining kegahmeejin ewh emuh kaöonjeging menik kabemahdezeyun;

GENESIS 4:12

Uhpe kategahduhmunin ewh uhkee, kahween kegahmeenegoose oomushkahwezewin; kemeweneneeng kuhya pabahoozhemood kegahezheähyah emuh uhkeeng.

GENESIS 5:29

Noah dush oogeëzhenekahnaun enewh, oo‐oo keëkedood, Kegahmenoodaäëgoonaun mahbuh oonje kedahnookeewinnenahnin kuhya azhesunnugahnookeemahguk keneenjenahin, oonje ewh uhkee kahkuhgwahnesuggandung owh Jehovah.

GENESIS 6:13

Kesha‐Muhnedoo dush oo‐oo oogeënaun Noahun, Ahzhe nindenahkoonega cheïshquah‐bemahdezewaud kuhkenuh wahyausewejig; uhkeeng mah mooshkenamahgud mujje‐doodahgawin wenuhwah oonje; benuh dush, ningahbahnahjeäug wenuhwah kuhya ewh uhkee.

GENESIS 6:17

Neen, neen gooshah nindenahkoonega chemooshkuhung uhkee, cheöonje‐bahnahjeïndwah kuhkenuh wahyahsewejig, nuhyasajig ewh bemahdezewine nasawin, emuh ahnaume‐gezhigoong; kuhya kuhkenuh ayahjig emuh uhkeeng tahneboowug.

GENESIS 6:5

¶ Kesha‐Muhnedoo dush oogewahbundaun azhekeche-mujjeëzhewabezenid enenewun emuh uhkeeng, kuhya uhpena mujjeëzhewabudenig kuhkenuh oonahnahgahdahwanduhmoowinene azhenahnahgahdahwanduhmenid emuh oodaëning.

GENESIS 6:7

Oo‐oo dush keëkedoo Jehovah, Ningahkahseäh enene kahoozheüg oonje oogeduhkummig; enene, kuhya ahwasee, kuhya pabahmoodad, kuhya babahmesajig emuh mezhuh‐gezhigoong; neminjenahwayandum mah keöozheügwah.

PSALMS 51:5

Benuh, ningeëzheëneneweëgoo emuh mujje‐ezhewabezewining: kuhya emuh mujje‐uhyeëewishing ningeëzheöonejahnesemik ninguh.

PSALMS 58:3

Egewh anuhmeähsigoog wuhnishenoowug oonje oogeewaun oomesudahwaung: puhkatahwug akoo‐negewaud, kuhkenuhwishkewaud.

PSALMS 58:4

Debishkoo mujje‐kenabigoong enandahgwudene ootuhquungawinewaun: debishkoo kakebeshad kenabig, mesuh azhekuhkebeshaëdezood.

EXODUS 29:18

Kuhkenuh dush egoo owh mahnishtahnish kegahchahgezwah emah sahsahgewejegun‐ahbikoong: chahgeda‐sahsahgawejegun pagedenuhmuhwind owh Jehovah ahwun suh ewh: me ewh manoomahtamuhguk ewh pagedenuhmuhwind Jehovah ishkooda uhyoong.

EXODUS 29:25

Kegahoodahpenuhmuhwaug dush enewh ooninjewaung, kuhya kegahchahgezaunun emah sahsahgewejegun‐ahbikoong oonje ewh chahgeda‐sahsahgewejegun, cheöonjemenoomahtag emah anahsuhmeühyaud Jehovah: ewh pagedenuhmuhwind Jehovah ishkooda uhyoong ahwun suh ewh.

LEVITICUS 1:13

Oogahkeesebeginaunun enewh oonuggesheen kuhya ookaudun emuh nebeeng: Owh dush sahsahgewejega‐wenene oogahpeetoon kuhkenuh, kuhya oogahahtoon emuh sahsahgewejegunahbikoong; chahgezega sahsahgewejegun ahwun, Ashkoodang pagiddenegahdag, kamenoo‐maundung Jehovah.

LEVITICUS 1:17

Oogahtaushkeezhwaun dush, kuhya ooningwegunun, kahween ahpeche oogahnanahwenahseen, owh dush Sahsahgewejega‐wenene oogahchahgezwaun emuh sahsahgewejegun‐ahbikoong, ishkootang duhzhe meesheeng: chahgezega‐sahsahgewejegun‐ahwun, meegewawin apuggejegahdag emuh ishkootang, ewh kamenoo‐maundung owh Jehovah.

LEVITICUS 1:9

Nebeeng dush ween oogahkesebeginaunun oonuggisheen kuhya ookaudun: sahsahgewejega‐wenene dush oogahchahgizaun kuhkenuh emuh sahsahgewejegunahbikoong, chahgezega‐sahsahgewejegun cheähwung, kamenoo‐maundung owh Jehovah.

LEVITICUS 26:31

Ningahbahnahjetoonun dush kedoodanuhwewaun, kuhya tahpezheshigwuhtanoon kedahnuhmeä‐weguhmigoowaun, kah dush ningahminaunduhse azhemenoomahgwuk kemenoo‐mahgoojegunewah.

LEVITICUS 4:31

Oogahmahmoon dush kuhkenuh weenin, debishkoo azhemahmoong ewh weenin uhpe sasahgewejegang cheöonjepoonaninding; owh dush sahsahgewejega‐wenene oogahchahgizaun emuh sahsahgewejegun‐ahbikoong cheöonjemenoomaundung owh Jehovah; sahsahgewejega‐wenene dush tahsahsahgewejega chepoonanemind, tahahbwayanemah dush.

LEVITICUS 8:28

Moses dush oogeöodahpenaunun oonje oooneenjewaun, kuhya oogechahgizaunun emuh sahsahgewejegun‐ahbikoong oogijeëe emuh ewh chuhyahgizegahdag meegewawin: mesuh enewh nwahmenegahdagin meegewawinun manoomahgwukkin: chuhyahgizegahdag meegewawin suh ewh kahchahgizuhmahwind owh Jehovah.

NUMBERS 15:3

Uhpe kuhya Jehovah wepuhgedenuhmuhwag ishkooda‐sahsahgewejegun, sahsahgewejegun chuhyahgezegahdag, gamuh kuhya sahsahgewejegun uhpe weëzhechegayag ewh kahwahweenduhmahgayag, gamuh kuhya uhpe wahsahsahgewejegayag kenuhwah goo enanduhmag, gamah kuhya kedahnuhmeäwekoondewinewaung, chemenoomahsegayag emah anahsuhmeühyaud Jehovah, pezhekewun gamuh kuhya mahnishtahnishun beduhwag:

St Matthew 15:19

Me muh oodaëmaung pahoonzekaug enewh mujje‐enanduhmoowinun, nesedewinun, peshegwahdezewinun, kemoodewinun, kuhkenahweshke‐debahjemoowi‐nun kuhya mujje‐kezhwawinun:

ST. JOHN 3:6

Ewh suh weyausing wanjenegemahguk, weyaus suh ewh; ewh dush Oojechaugoong wanjenegemahguk, Oojechaug suh ewh.

ROMANUN 1:21

Ahnoo muh kekekanemahwaud enewh Kesha‐Muhnedoon, kahween Kesha Muhnedoong oogeëzhepeshegan-dahgooähsewahwaun, kah kuhya oogemegwachewanemahsewaun; kekuhkebahdezewug dush emuh oodenanduhmoowinewaung, kuhya ookukkebahje‐oodaëwaun kekushketebekuddenewun.

ROMANUN 3:23

Kuhkenuh muh kemujje‐ezhechegawug kuhya kenoondasawug emuh oopeshegandahgoozewining owh Kesha‐Muhnedoo;

II. CORINTHIANUN 2:15

Nenuhwind muh nindahwemin oomenoomahgoozewin owh Christ oonje owh Kesha‐Muhnedoo anuhkuhkayah egewh bamahjeïndjig, kuhya egewh banahdezejig:

EPHESIANUN 5:2

Kuhya bemoosayook emuh sahgeëdewining, debishkoo kahezhesahgeënung Christ, kuhya kepuhgedenedezood kenuhwind oonje, kemeegewad weyow wanesheshing tebundoowin, kuhya sahsahgewejegun Kesha‐Muhnedoo kaminwandung.

PHILIPPIANUN 4:18

Kuhkenuh suh nindahyaunun, kuhya newahnuhdiz: nemooshkenashkahgoo, keöodahpenuhmahwug Epaphroditus enewh uhyeëen kahpenindahewayagoon, ewh kache‐menoomahgwuk, manwandahgwuk sahsahgewejegun, kaminwahbundung Kesha‐Muhnedoo.

I. JOHN 5:19

Kekekandahmin suh kenuhwind wanejahnesemenung Kesha‐Muhnedoo, kuhkenuh dush uhkee shingeshinoomahgud emuh mujje‐ezhewabezewining.