GENESIS 8:1 - Ottawa New Testament Penteteuch and Psalms 1874

¹ Kesha‐Muhnedoo dush oogemequanemaun Noahun, kuhya kuhkenuh bamahdezenejin; kuhya kuhkenuh ahwahkaunun kahweejewegoojin emuh nahbequauning: Kesha‐Muhnedoo dush keënahkoonega chekeche‐nooding emuh uhkeeng, keühneïskutta dush;

GENESIS 8:1 Iomraidhean Croise

GENESIS 19:29

¶ Kepuhgummeähyah dush uhpe Kesha‐Muhnedoo kahbahnahjetood mushkoodang duhzhe oodanahwun, Kesha‐Muhnedoo oogemequanemaun Abrahamun kesahgejenahzhahwaud dush Lotun oonje oodanaung kahbahnahjetood, uhpe banahjetood enewh oodanahwun emuh wahdatoopun owh Lot.

GENESIS 30:22

¶ Kesha‐Muhnedoo dush oogemequanemaun Rachelun, Kesha‐Muhnedoo kuhya oogebezinduhwaun, kuhya oogenesahkoonuhmoowaun puhyowene.

GENESIS 9:10

Kuhya anduhchewaud egewh bamahdezejig wahjewenagoog, penasewug, kuhya ahwahkaunug, kuhya kuhkenuh uhkeeng duhzhe ahwaseyug ayahwagoog; anduhchewaud suhyahguhungig emuh nahbequauning, kuhya kuhkenuh uhkeeng duhzhe ahwaseyug.

PSALMS 105:42

Oogemequandaun mah ookechetwah‐wahweendahmahgawin: kuhya oogemequanemaun Abrahamun oobuhmeetahgunun.

PSALMS 106:4

Mequanemeshin O Jehovah ewh azheshahwanemudwah kedahnishenahbamug: petuhmooweshin kebemahjeëwawin.

PSALMS 115:12

Kegemequanemegoonaun Jehovah: oogahshahwandaun oogahshahwandaun Israel oowegewaumun: oogahshahwandaun Aaron oowegewaumun.

PSALMS 132:1

Jehovah, mequanim David: kuhya kuhkenuh ookooduggezewinun.

PSALMS 136:23

Owh kahmequanemenung magwah kedahbussandahgoozeyungoobun: kahgenig mah ahyahmahgudene ooshahwanjegawin.

PSALMS 137:7

O Jehovah mequanim Edom oonejahnesun kahezhewabezenid ewh kezheguk kebahnahjechegahdag Jerusalem, oo‐oo keëkedoowaud: bahnahjetooyook, ahpeche bahnahjetooyook.

PSALMS 29:10

Jehovah oogahmeenaun enewh oodahnishenahbamun ewh mushkahwezewin: Jehovah oogahshahwanemaun enewh oodahnishenahbamun wemeenaud ewh pezaunewawin.

PSALMS 36:6

Kemenoo‐ezhewabezewin debishkoo keche‐wahjewing enandahgwud: keche‐demeemahgudoon ketebahkoonegawinun.

EXODUS 14:21

Moses dush oogeshebenekataun ewh kechegumme; Jehovah dush keënahkoonega chekeche‐wahbune‐noodenenig kuhbatebik cheähzhagummejewunenig dush ewh kechegumme, me dush kekushketood chepangwuhkummegahnig emah kechegummeeng, enewh kuhya nebeen kenanahwenaum.

EXODUS 15:10

Kegepoodahjega kenooding, oogeähgwuhnuhoogoonahwah ewh kechegumme: ushkekoomauning keëzhegoonzahbewug emah keche‐demeeg.

EXODUS 2:24

Kesha‐Muhnedoo dush oogenoondaun ooketemahgetahgoozewinewah, Kesha‐Muhnedoo dush oogemequandaun kahezhewahweenduhmuhwahpun enewh Abrahamun, Isaacun, kuhya Jacobun.

NUMBERS 10:9

Kishpin dush nandoobuhnekunduhwagwah emuh keduhkeemewaung egewh mahgahnenagoog kwaduhgeënagoog, kegahezhepoodahjegam azhepoodahjegang uhpe amuhnesoongin enewh poodahjegunun uhyooyag; kegahmequanemegoom dush emuh anahsuhmeühyaud Jehovah ke‐Kesha‐Muhnedoomewah kuhya kegahbamahjeëgoom gagoo chedoodoosenoowagwah egewh mahgahnenagoog.

NUMBERS 22:32

Jehovah dush oodangenemun oo‐oo oogeënaun, Wagoonan suh zhegwuh nesing kahoonjepuhketahwud kemamaungeshayim? benuh, kegebemegahnin, oonje kemeekun wuhwushkuhmoog emuh anahsuhmeyaun:

REVELATION 16:19

Niswuhyuk dush keëzhenuhnahwishkah ewh keche‐oodanah; kekahwesamahgudenewun dush ookeche‐oodanahwewaun egewh mayugezejig: Kesha‐Muhnedoo dush oogemequandaun ewh kachetwahwandahgwuk Babylon, chemeenaud ewh ooshoowemin‐ahboo‐menequahjegun, mesuh ookeche‐nishkahdezewin.

REVELATION 18:5

Mujje‐ezhewabezewinun muh ayaugin emuh kepuhgummeähyahwun peenish egoo ewede keche‐kezhegoong, Kesha‐Muhnedoo dush oogemequandaunun enewh mujje‐ezhewabezewinun emuh ayaugin.