GENESIS 7:4 - Ottawa New Testament Penteteuch and Psalms 1874

⁴ Keneezhwahsoogoonuhguk mah, ningahenahkoonega chekemewung emuh uhkeeng nemeduhnuh dussoogoon kuhya nemeduhnuh dussoo tebik, kuhya ningahkahseäug kuhkenuh bamahdezejig kahoozheügig oonje anegookookummegaug uhkeeng.

GENESIS 7:4 Iomraidhean Croise

GENESIS 2:5

Kuhkenuh nwahkushkukkin emuh ketegauning chepwah uhkeeng ähyahmahguk, kuhya kuhkenuh ketegauning duhzhe mushkoosewun chepwah majeging: Kah mah muhshe Jehovah Kesha‐Munedoo keëkedoosegoobun chekemewung emuh uhkeeng, kah dush ahweyah enene ahyahsebun cheketegahdungebun uhkee.

GENESIS 6:13

Kesha‐Muhnedoo dush oo‐oo oogeënaun Noahun, Ahzhe nindenahkoonega cheïshquah‐bemahdezewaud kuhkenuh wahyausewejig; uhkeeng mah mooshkenamahgud mujje‐doodahgawin wenuhwah oonje; benuh dush, ningahbahnahjeäug wenuhwah kuhya ewh uhkee.

GENESIS 6:17

Neen, neen gooshah nindenahkoonega chemooshkuhung uhkee, cheöonje‐bahnahjeïndwah kuhkenuh wahyahsewejig, nuhyasajig ewh bemahdezewine nasawin, emuh ahnaume‐gezhigoong; kuhya kuhkenuh ayahjig emuh uhkeeng tahneboowug.

GENESIS 6:3

Jehovah dush keëkedoo, kahween kahgenig ninjechaug oogahweekoojeähseen enenewun, weyausewe mah ween; pooch kayahbe ningoodwauk duhsoo pepoon ahshe neezhtuhnuh tahbemahdeze.

GENESIS 6:7

Oo‐oo dush keëkedoo Jehovah, Ningahkahseäh enene kahoozheüg oonje oogeduhkummig; enene, kuhya ahwasee, kuhya pabahmoodad, kuhya babahmesajig emuh mezhuh‐gezhigoong; neminjenahwayandum mah keöozheügwah.

GENESIS 7:10

Kepuhgumme‐ähyahmahgud kahneezhwahsoogoonahguk, kemahjemooshkuhung emuh uhkeeng.

GENESIS 7:12

Nemeduhnuh duhsoogoon kuhya nemeduhnuh duhsoo tebik kekemewun emuh uhkeeng.

GENESIS 7:17

Nemeduhduh duhsoogoon dush kemooshkuhun emuh uhkeeng; ashkum dush kekinweendemah, ketatabahgwinda dush nahbequaun, kuhya keöombahgwinda oonje uhkeeng.

GENESIS 7:3

Kuhya egewh penasewug pabahmesajig naneezhwahswe, nahbasa kuhya oonoozhasamun; cheguhnuhwanemindwah kaenebemahdezejig anegookookummegaug uhkeeng.

GENESIS 8:10

Kayahbe neezhwahsoogoon kebeeöo; menuhwah dush oogesahgejenahzhahwaun keche‐oomeemeen oonje nahbequauning;

GENESIS 8:12

Menuhwah neezhwahsoogoon kepeöo; medush kesahgejenahzhahwaud enewh keche‐oomeemeen; kah dush menuhwah kebishkahbesasewun.

GENESIS 8:2

Kekebejewunoon dush enewh wanjejewungin enewh nebeen emuh keche‐kechegummeeng, kuhya gezhegoong duhzhe wahsachegunun kekebahquah‐egahdanoon kuhya kepoone-besah gezhegoong koo oonje kemewungebun.

PSALMS 69:28

Tahkuhseebeähmahwahwug oodoonoozoowinewaun oonje bemahdezewine‐muzzeneëguning: kah dush tahooghebeahsewug emuh oomuzzeneëgunewaung egewh manoo‐ezhewabezejig.

REVELATION 3:5

Owh dush kamahmauzheëwad me suh owh kawahbishke‐koonuhyad, kah dush ningahkuhseebeühmahwahse oodoonoozoowin emuh bemahdezewine‐muzzenuheguning, ningahwahweendaun dush oodezhenekahzoowin anahsuhmid Noos kuhya enewh oodangenemun.