GENESIS 6:9 - Ottawa New Testament Penteteuch and Psalms 1874

⁹ ¶ Mesuh oo‐oo kahezhebemahdezid Noah; Kequuhyukwahdeze owh Noah kuhya kekeche‐minwandahgooze emuh oobemahdezewining, Noah dush oogewedoosamaun enewh Kesha‐Muhnedoon.

GENESIS 6:9 Iomraidhean Croise

GENESIS 10:1

Mesuh oo‐oo kahezheähneka‐bemahdezenid oogwissun owh Noah, Shem, Ham, kuhya Japheth: kenegewun dush oogwissewaun kahishquah‐mooshkuhung uhkee.

GENESIS 17:1

Uhpe dush Abram kahshaungusse‐meduhnuh dussoo‐pepoon‐uhgezid ahshe shaungusswe, oogewahbuhmaun Jehovahun, oo‐oo dush keëgood, Neen nindow owh mahyahmahwe‐mushkahwezid Kesha‐Muhnedoo; bemoosan anahsuhmeyaun, kuhya quuhyuk ezhewabezin.

GENESIS 2:4

¶ Mesuh kahezhewabuk uhpe keöozhechegahdag kezhig kuhya uhkee, ewh kezheguk uhpe Jehovah Kesha‐Muhnedoo keöozhetood kuhya kekezhetood uhkee kuhya kezhig.

GENESIS 48:15

¶ Oogemenoo‐guhnoonaun dush Josephun, oo‐oo keëkedood, Kesha‐Muhnedoo owh emuh anahsuhmeed kahpuhbahmoosawaud noosebuneeg Abraham kuhya Isaac owh Kesha‐Muhnedoo kahuhshuhmid menik buhbemahdezeyaun nuhnauzh egoo noongoom.

GENESIS 5:1

Maunduh muzzeneëgun enahjemoomahgud kahezheähneka‐bemahdezenid Adam oonejahnesun. Ewh kezheguk uhpe Kesha‐Muhnedoo keöozheäud enenewun, emuh oodezhenahgozewining Kesha‐Muhnedoo oogeëzheäun.

GENESIS 5:22

Enoch dush öogeweedoosamaun Kesha‐Muhnedoon, niswauk‐duhsoo‐pepoon kahoogwissid Methusalahun, oogeähyahwaun dush oogwissun kuhya oodahnissun:

GENESIS 5:24

Enoch dush oogeweedoosamaun Kesha‐Muhnedoon; kah dush keähbese; oogemahjewenegoon mah Kesha‐Muhnedoon.

GENESIS 6:10

Noah dush oogeähyahwaun neswe oogwissun Shem, Ham, kuhya Japheth.

GENESIS 7:1

Jehovah dush oo‐oo oogeënaun enewh Noahun, Pepoozin keen kuhya kuhkenuh kedenoodawezewin emuh nahbequauning; keen mah kewahbuhmin minwandahgoozeyun anahsuhmeyaun anduhchewaud oogoo noongoom bamahdezejig.

PSALMS 37:37

Nahnahguhduhwahbum quuhyuk azhewabezid, kuhya guhnuhwahbum owh manoo‐ezhewabezid: emuh pezaunezewining tahezhemahjah owh enene.

PSALMS 37:39

Ween mah Jehovah oobemahjeäun enewh manwandahgoozenejin: mesuh owh ahyahwung oomushkahwezewinewaun uhpe katemahgezewahjin.

ST. LUKE 1:6

Nuhyazh dush quuhyuk keëzhewabezewug emuh enahsuhmuhbid owh Kesha‐Muhnedoo, kebemoosawaud emuh kuhkenuh ookuhgequawinening kuhya oodenahkoonegawinening enewh Jehovahun, kah dush ningood kemahnahdahjemahsewug.

ST. LUKE 2:25

Benuh dush, keähyah pazhik enene emuh Jerusaleming, Simeon kahezhenekahzood; medush owh enene quuhyuk kahezhewabezid kuhya kahmenoo‐ahnuhmeäud, kebeetood dush ooshahwandahgoozewin owh Israel: Keche Oojechaugwun dush oogekekishkahgoon.

ST. LUKE 23:50

Benuh dush, keähyah pazhik enene Joseph azhenekahzood, kahkekedoo‐wenene; kemenoo‐ezhewabeze dush kuhya kequuhyukwahdeze:

OODEZHECHEGAWINEWAH 10:22

Oo‐oo dush keëkedoowug, Cornelius menissenoo‐oogemah, manoo‐ezhewabezid enene, kuhya quasaud enewh Kesha‐Muhnedoon, manwahjemegood dush kuhkenuh enewh Jewyun, oogeëgoon dush enewh kachetwahwezenejin angenun chenundoomik ewede andaud cheëzhahyun, cheöonjenoondung enewh ekedoowinun kaëkedooyun.

ROMANUN 1:17

Me muh emuh wahweenjegahdag ooquuhyuk‐ezhewabezeëwawin owh Kesha‐Muhnedoo emuh dabwayanduhmoowining wanjeemahguk, dabwayanduhmoowining anuhkukkayah, debishkoo azhebeëgahdag, Owh quuhyuk‐wahdezid dabwayanduhmoowining tahoonjebemahdeze.

GALATIANUN 3:11

Puggukkandahgwud suh kuhnuhga ahweyah quuhyuk‐ezhewabezeëgoozesig oonje ewh tebahkoonegawin emuh anahsuhmid owh Kesha‐Muhnedoo, ahneesh dabwayanduhmoowin tahoonje‐bemahdeze owh quuhyuk‐ezhewabezeegoozid.

DEUTERONOMY 18:13

Kegahpenahdiz emah anahsuhmeed Jehovah keKesha‐Muhnedoom.

HEBREWUN 11:7

Dabwayanduhmoowin suh Noah kezhah kahwahweendahmahgood Kesha‐Muhnedoon enewh uhyeëen muhshe kahwahbunduhsingin, kesagezid kahoonje‐oozhetood ewh keche‐nahbequaun cheöonje‐bemahjeïndwah kuhkenuh dabandahgoozejig emuh oowegewauming; me suh oo‐oo keëzhechegad kahoonje‐nahneboondung uhkee, kuhya kahoonje‐debandung ewh quuhyuk‐ezhewahbezeëgoozewin wanjeemahguk emuh dabwayanduhmoowining.

I. PETER 2:5

Kuhya kenuhwah debishkoo bamahdezejig ahsineeg, keduhchegahzoom emuh ahnuhmeähwine‐wegewauming, chesahsahgewejega‐weneneweyag pahnezeyag, chesahsahgewetooyag enewh wajechaugwandahgwukkin sahsahgewejegunun, kaminwandahgwukkin anahsuhmid Kesha‐Muhnedoo oonje Jesus Christ.

II. PETER 2:5

Kah dush oogeshahwanduhseen kata uhkee, kebemahjeäud dush enewh Noahun kuhya neeshwahswe ahnind, menoo‐ezhewabezewine kuhgequa‐wenenewun, keënahkoonegad dush ween chemooskuhunenig ooduhkeemewaun egewh maje‐ezhewabezejig.