GENESIS 6:2 - Ottawa New Testament Penteteuch and Psalms 1874

² Egewh wagwissemegoojig Kesha‐Muhnedoon oogewahbuhmahwaun enewh wadahnesemegoonejin enenewun chequuhnaujewenid; kuhya oogewedegamahwaun kuhkenuh kahminwanemahwahjin.

GENESIS 6:2 Iomraidhean Croise

GENESIS 12:11

Kepuggummeähyahmahgud dush uhpe pashoo anetuhgwishing emuh Egypting, oo‐oo keënaud enewh Saraiün oowedegamahgunun, Benuh kekekanemin minwahbuhmenahgoozeyun equa.

GENESIS 24:3

Kegahenin dush chetuhgoowenud owh Jehovah, wakesha‐muhnedookundung gezhig kuhya uhkee, mushkahwewahween‐dahmahgayun, cheöondenuhmahwahsewud ningwis kawedegamahjin equawun, pazhig enewh oodahnissewaun egewh Canaanitug, ayahjig emuh anduhnuhkeeyaun:

GENESIS 26:35

Mesuh oonoo kahoonjekushkanduhmoowaud Isaac kuhya Rebekah.

GENESIS 27:46

Rebekah dush oo‐oo ogeënaun Isaacun, Nezhegahdandaun nebemahdezewin oonje oodahnissun owh Heth; kishpin Jacob wedegamaud pazhig Heth oodahnissun, azhewabezenejin debishkoo azhewabezewaud egewh wadahnesemindjig oomuh uhkeeng, ahneen kaënahbuduk nimbemahdezewin?

GENESIS 3:6

Uhpe dush owh equa kahwahbundung chemenoopoogoozenid enewh metigoon, kuhya minwahbuhmenahgoozenid, kuhya metigoon nanduhwandahgoozenejin chenebwahkahewang, oogeöodahpenaun azhemenewenid, kuhya oogeäumwaun kuhya dush oogemeenaun enewh ooweedegamahgunun; kuhya ween oogeäumwaun.

GENESIS 4:26

Seth dush kuhya ween kenegetuhmahwah oogwissun; Enos dush oogeëzhenekahnaun: Me suh ewh uhpe enenewug kemahjenuhnaundoomahwaud Jehovahun.

GENESIS 6:1

Kepuhgummeähyahmahgud dush uhpe enenewug kahmahje‐meshenoowaud emuh anegookookummegaug uhkeeng, kuhya uhpe kahnegetuhmoowindwah wadahnesemindjin.

GENESIS 6:3

Jehovah dush keëkedoo, kahween kahgenig ninjechaug oogahweekoojeähseen enenewun, weyausewe mah ween; pooch kayahbe ningoodwauk duhsoo pepoon ahshe neezhtuhnuh tahbemahdeze.

EXODUS 34:16

Kuhya cheöodahpenuhmuhwahsewudwah oodaunewaun kegwissun oonje, enewh dush oodaunewaun peshegwahdezewining uhyindooduhwahnid enewh oomuhnedoomewaun, chekushkeähsenig kegwissun peshegwahdezewining cheühyindooduhwahnid enewh oomuhnedoomewaun.

I. CORINTHIANUN 7:39

Owh equa tebandahgooze oonje ewh tebahkoonegawin, menik kabemahdezenid oonahbamun; kishpin dush neboonid enewh oonahbamun, puggedenegahzoo cheweedegamaud enewh wahweedegamahjin; emuh atuh oodezhetwahwining owh Tabanemenung.

II. CORINTHIANUN 6:18

Kegahooyoosemim dush, kuhya kegahoogwisseminim kuhya kegahoodahnesemenim, ekedoo owh Tabaningad mahyahmahwe mushkahwezid.

DEUTERONOMY 14:1

Oonejahnesun owh Jehovah keKesha‐Muhnedoomewah kedahwim: kahween kegahkeeshkezhoodezooseem, kahween kuhya kegahkaushkebahzooseem nesuhwuhye e uhyahgin kishkeenzhegoowaun oonje owh nabood.

II. PETER 2:14

Mooshkenamahgudene ewh peshegwahdezewin emuh ooshkinzhegoowaung, kah dush kushkeöomahgussenene ooshkinzhegoowaun chepoonetoong ewh mujje‐ezhewabezewin; wuhyazhemahwaud enewh swaungekahbahwesenegoon oojechaugoomaun; Ahpeche oonundahwandahnahwah enewh tebenuhwawezewinun emuh oodaëwaung; kagwahnesuggandahgoozejig wanejahnesemindjig ahwewug.

I. JOHN 2:16

Ahnooj gagoo oomah uhkeeng duhzhe ezhewabezewin, azhemujje‐nunduhwahduhmoomahguk ewh weyausemah, azhemujje‐nunduhwanduhmoomahguk ooshkinzhegoomah, kuhya ookechetwahwanemoowinewaun egewh bamahdezejig, kahween Wayoosemind oonjeemahgussenoon, uhkeeng suh debandahgwud.