GENESIS 6:16 - Ottawa New Testament Penteteuch and Psalms 1874

¹⁶ Kegahwahsachegunekahdaun, kuhya nigoodoonik tahenegookoodayah oogedoonug; oopemayoonug dush kegahoozhetoon ewh ishquaundam kaïshquandamewung nahbequaun; nesing edush kegahishpemesuhgookahdaun.

GENESIS 6:16 Iomraidhean Croise

GENESIS 6:15

Me suh oo‐oo kaëzhenahgootooyun; niswauk duhsoonik tahekoonuhgud, nahnemeduhnuh duhsoonik dush tahenegookoodayoonahgud, kuhya nesemeduhnah duhsoonik tahahpeetoonuhgud.

GENESIS 6:17

Neen, neen gooshah nindenahkoonega chemooshkuhung uhkee, cheöonje‐bahnahjeïndwah kuhkenuh wahyahsewejig, nuhyasajig ewh bemahdezewine nasawin, emuh ahnaume‐gezhigoong; kuhya kuhkenuh ayahjig emuh uhkeeng tahneboowug.

GENESIS 7:16

Egewh dush kahpoozejig, kepoozewug nahbaähyahah kuhya noozhaähyahah anduhchewaud wahyahsewejig, debishkoo kahegood Kesha‐Muhnedoon; kuhya Jehovah oogekebahquahahmahwaun nahbequaun.

GENESIS 8:6

¶ Kepuhgummeähyahmahgud dush kahnemeduhnuh‐duhsoogoonuhguk, Noah oogepahkahkoonaun ewh wahsachegun kahoozhetoopun emuh nahbequauning:

ST. LUKE 13:25

Uhpe dush kapuhsegweed owh wawegewaumid, kuhya kakebahquahung ewh ishquaundam, kamahjenebooweyag emuh ahgwahcheeng, kuhya chepahbahgahquahuhmag ewh ishquaundam, oo‐oo dush cheëkedooyag, Tabaningayun, Tabaningayun, nesahkoonuhmahwishenaum; ween dush kegahnuhquatahgoowah oo‐oo kaënenag, Kahween kekekanemesenoonim tebe wanjebahwagwan: