GENESIS 49:3 - Ottawa New Testament Penteteuch and Psalms 1874

³ ¶ Reuben nenetumoozhaun kedow, nemushkahwezewin, kuhya wanjemahjesing nemushkahwezewin, kekeche‐ahpetandahgooz, kuhya kekeche‐mushkahwiz:

GENESIS 49:3 Iomraidhean Croise

GENESIS 29:32

Keünjegoo dush Leah, kuhya oogeähyahwaun quewezansun, Reuben dush oogeëzhenekahnaun: oo‐oo mah keëkedoo, Kagate Jehovah oogeguhnuhwahbundaun nindahnemezewin; ningahsahgeïk suh dush newedegamahgun.

GENESIS 35:22

Kepuggummeähyahmahgud dush magwah ewede uhkeeng keduhnuhkeed Jacob, Reuben keähwewepamaud Bilhahun oosun oodequamene: Israel dush kenoondahga kahezhecheganid. Kemetauswe‐ahshe neezhewun dush Jacob oogwissun.

GENESIS 35:23

Oogwissun owh Leah, Reuben, Jacob oonetumoozhaunun, kuhya Simeon, kuhya Levi, kuhya Judah, kuhya Issachar, kuhya Zebulun:

GENESIS 46:8

¶ Mesuh oonoo oodezhenekahzoowinewaun Israel oonejahnisun, kahpeëzhahnid emuh Egypting, Jacob kuhya enewh oogwissun; Reuben, Jacob oonetumoozhaunun.

GENESIS 48:18

Joseph dush oo‐oo oogeënaun enewh oosun, Kagoo ewh doodungan, noosa: mesuh mahbah saseekezid; taungenuhmow ooshteqwaun kekecheneenj uhyooyun.

PSALMS 105:36

Kuhya oogenesaun kuhkenuh netumoojaunun emuh ooduhkeemewaung: enewh mahyahmahwe‐mushkahwezenejin oonejahnesewaun.

PSALMS 78:51

Kuhya oogepukkedawaun enewh natum‐neegenejin ewede Egypting: enewh kache‐mushkahwezenejin emuh oowegewauming owh Ham.

NUMBERS 1:20

Oonejahnesun dush Reuben, sazekezenejin oogwissun owh Israel, emuh oodahneka‐bemahdezewinewaung, nahsaub anandahgwudenig oodenoodawezewinewaun, oowegewaumene oosewahbuneen, anduhchenegin enewh ezhenekahzoowinun, anduhchewaud, anduhchewaud egewh enenewug naushtuhnuh‐dussoo‐pepoon‐uhgezejig kuhya uhwushema, kuhkenuh kashketoojig cheündoobunewaud;

NUMBERS 26:5

¶ Reuben, enewh sazekezenejin oogwissun Israel: Reuben oonejahnesun; Hanoch, owh wandahdezemuhguk ewh oodenoodawezewinewah egewh Hanochitug: Pallu, egewh Palluïtug oodenoodawezewinewah;

DEUTERONOMY 21:17

Netumoonzhaun suh goo ooguhezhewenaun enewh oogwissene enewh shaunganemahjin, meenaud neezhing menik kuhkenuh ayaung: me mah enewh netum oonejahnesun; enandahgooze suh cheühyaung kaëzheühyaungebun owh netumoonzhaun.

DEUTERONOMY 27:13

Oogoo dush tahnebuhwewug wuhgedahke ewh wuhjewh Ebal chenahneboongawaud; Reuben, Gad, kuhya Asher, kuhya Zebulun, Dan, kuhya Naphtali.

DEUTERONOMY 33:6

¶ Mahnoo Reuben tahbemahdeze, kagoo suh tahneboose; kagoo kuhya tahpungeshawuhgezesewun oodooshkenegeemun.

REVELATION 3:14

Oo‐oo dush ezhebeühmow oodangenemewaun Laodiceäïng duhzhe anuhmeähjig; oonoo uhyeëen ekedoo owh Amen owh ayaungwahmezid kuhya duhyabwad debahjemoo‐wenene, owh wanje‐mahjesing kuhkenuh menik Kesha‐Muhnedoo kahoozhetoojin: