GENESIS 48:16 - Ottawa New Testament Penteteuch and Psalms 1874

¹⁶ Owh Angen kahmedahgwanuhmuhwid kuhkenuh mujje‐uhyeëewish, ooguhshahwanemaun enewh quewezansun, mahnoo kuhya oogahuhyahnahwah nindenoozoowin, kuhya ewh oodenoozoowinewah noosebuneeg Abraham kuhya Isaac; mahnoo kuhya ashkum tuhbahtuhenoowug nahwuhyeëe emuh uhkeeng.

GENESIS 48:16 Iomraidhean Croise

GENESIS 22:11

Owh dush Jehovah oodangemun oogepepahgemegoon oonje ishpeming kezhigoong, oo‐oo dush oogeëgoon, Abraham, Abraham: oo‐oo dush keëkedoo, Oomah suh nindahyah.

GENESIS 22:15

¶ Jehovah dush oodangenemun oogepepahgemaun Abrahamun ishpeming gezhigoong oonje, me dush neezhing.

GENESIS 32:28

Oo‐oo dush keëkedoo, Kahween kayahbe Jacob kegahezhenekahzoose, Israel suh kegahezhenekauz; debishkoo mah keche‐oogemaung kedezhekushkeäwiz anahsuhmid Kesha‐Muhnedoo kuhya anahsuhmewaud enenewug, kuhya kegemahmauzheëwa.

GENESIS 46:3

Oo‐oo dush keëkedoo, NeKesha‐Muhnedowh, ningeöo-Kesha‐Muhnedoowemig koosebun: kagoo sagezekan weëzhahyun ewede Egypting duhzhe uhkeeng; ewede mah kegahenahkoonin chekeche‐meshenooyun:

GENESIS 48:5

¶ Benuh dush neen nedebanemaug nuhyazh kegwissug, Ephraim kuhya Manasseh, kahahyahwudjig oomuh Egypting chepwah penaunzekoonaun emuh Egypting; debishkoo azhedebanemugwah Reuben kuhya Simeon, ningahezhedebanemaug.

GENESIS 49:22

¶ Joseph ahwe mahkoogemuhguk wahtikwun, ewh mahkoogemahguk wahtikwun cheguhyeëe oondahebauning; wahtikwunun puhgejesinenewun emuh wahkaheguning:

PSALMS 121:7

Jehovah kegahmetahgwanduhmaug ahnooj mujje‐uhyeëewish: oogahguhnuhwanemaun enewh kejechaugwun.

PSALMS 34:2

Ninjechaug tahmuhmequahzoo oonje enewh, Jehovahun; tahnoondahgawug egewh agahsanemoojig, tahmoojeganduhmoog dush.

PSALMS 34:22

Jehovah oobemahjeäun enewh oobuhmeetahgunun: kah dush ahweyah menik anduhchenid enewh duhyabwayanemegoojin tahnezhekawezese.

PSALMS 34:7

Jehovah oodangenemun ookewetaushkahwaun enewh quasegoojin; kuhya oobemahjeäun enewh.

PSALMS 34:8

O taungemundun chekekanduhmag keshawahdezid owh Jehovah: shahwandahgoozewun suh enewh duhyabwayanemegoojin.

EXODUS 1:7

¶ Israel dush oonejahnesun ashkum kebahtuhyenoowun kuhya ashkum kekechemeshenoowun kuhya ashkum kekeche‐mushkuhwezewun; oogemooshkenashkahnahwah dush ewh uhke.

NUMBERS 1:46

Egewh suh goo kuhkenuh kahuhgemindjig ningoodwahswauk uhshe neswe duhching medauswauk uhshe naunwauk uhshe nahnemeduhnuh keduhchewug.

St Matthew 6:13

Kagoo ezhewesheshekaunkan emuh kuhgwatebanedewining; Ekooneshenaum atuh emuh mujje‐uhyeëeweshing; Keen mahween kedebandaun oogemahwewin, kuhya mushkahwezewin, kuhya dush ewh wahwezhanduhmoowin, Kahgenig. Amen.

ST. JOHN 17:15

Kahween kedezhenundooduhmoosenoon cheëkoonudwah oomah uhkeeng, ewh suh ween goo chemeetahgwanemoowudwah mujje‐uhyeweesh.

OODEZHECHEGAWINEWAH 15:17

Egewh ashkoonindjig enenewug chenundoonawahwaud enewh Tabaninganejin, kuhya kuhkenuh egewh mayuggezejig, wahyahweendungig nindezhenekahzoowin, ekedoo owh Tabaningad owh azhechegad kuhkenuh oonoo uhyeëen.

ROMANUN 8:23

Kahween dush wenuhwah atuh, kuhya suh kenuhwind, ayahyung ewh netum oomeenewewin owh Oojechaugoomah, pooch kuhya kenuhwind kemahmahtwamin peenjenuh, beetooyung ewh tahquahkoonegawin, me suh ewh cheäunjechegahdag keyowenahnin.

I. CORINTHIANUN 10:4

Kuhya kuhkenuh kemenequawaud ewh nahsaub oojechaugoowine menequawin: kemenequawug muh oonje enewh wajechaugwandahgoozenejin ahzhebikoon kahpemeweejewegoowahjin, owh dush ahzhebik me suh owh Christ.

I. CORINTHIANUN 10:9

Kagoo kuhya kuhgwajeähsedah owh Christ, egewh ahnind kahezhechegawaud, kenesegoowaud dush enewh mujje‐kenabigoon.

DEUTERONOMY 28:10

Kuhkenuh dush egewh ahnishenahbag uhkeeng ayahjig oogahwahbundahnahwah Jehovah oodezhenekahzoowining oonjewenegooyun; kegahkoosegoog dush.

DEUTERONOMY 33:17

Oopeshegandahgoozewin me debishkoo anandahgwudenig anandahgoozenid oonetumoonzhaunene oopezhekeemun, enewh kuhya oodashkunun me debishkoo enewh oodashkunewaun egewh uhwaseyug puhyazhegoonid oodashkunewaun: enewh uhwaud oogahezhewabishkuhwaun enewh ahnishenahban ewede wuhyaquahkummigahnig: egewh suh ahwewug nebewuh duhching medahching medahswauk Ephraim oonejahnesun kuhya nebewah duhching metauswauk oonejahnesun Manasseh.

II. TIMOTHEUSUN 4:18

Kuhya owh Tabaningad ningahekoonik emuh oonje kuhkenuh mujje‐ahnookeewinun, kuhya ningahguhnuhwanemik peenish egoo tagwishenaun emuh keche‐kezhegoong duhshe oodoogemahwewining, mesuh owh kapeshegandahgoozid kahgenig kuhya kahgenig. Amen.

ENEWH TITUSUN 2:14

Owh kahpuggedenedezood kenuhwind oonje, chewabenuhmoonung kuhkenuh mujje‐ezhewabezewinun, chepeeneäud enewh ween katebanemahjin oodahnishenahbamun, chekeche‐minwawezenid emuh menoo‐ahnookeewining.

HEBREWUN 11:21

Dabwayanduhmoowin suh owh Jacob, kahoonje‐shahwanemaud nuhyazh enewh oogwissun owh Joseph, uhpe gagah zhuhyegwah wahuhneneboogoobunan; kuhya keähnuhmeäh emuh oogejuhyeëe oosuhkuhooning.