GENESIS 48:1 - Ottawa New Testament Penteteuch and Psalms 1874

¹ Kepuggummeähyahmahgud dush kahishquah‐ahyaugin oonoo, ahweyah oo‐oo oogepeëzheweenduhmahwaun Josephun, Benuh ahkoose koos: oogemahjewenaun dush nuhyazh oogwissun, Manassehun kuhya Ephraimun.

GENESIS 48:1 Iomraidhean Croise

GENESIS 46:20

¶ Joseph dush kenegetuhmahwah Manasseh kuhya Ephraim, emuh Egypt duhzhe uhkeeng, me enewh kahnegetuhmahgoodjin, Asenathun, oodaunun owh Potipherah Oning duhzhe sahsahgewejega‐wenene.

GENESIS 48:2

Kedebahjemootuhwah dush Jacob oo‐oo keënind, Benuh kepeöodissig kegwis Joseph: Israel dush kemushkahwezeëdezoo, kuhya kenuhmuhduhbe oogijuhyeëe nebahguning.

GENESIS 48:5

¶ Benuh dush neen nedebanemaug nuhyazh kegwissug, Ephraim kuhya Manasseh, kahahyahwudjig oomuh Egypting chepwah penaunzekoonaun emuh Egypting; debishkoo azhedebanemugwah Reuben kuhya Simeon, ningahezhedebanemaug.

GENESIS 50:23

Joseph dush oogewahbuhmaun Ephraim oozheshaün: kuhya oonejahnesun owh Machir Manasseh oogwissun kenetahwegeähwung emuh oocheengwunaung owh Joseph.

PSALMS 128:6

Owh suh Jehovah emuh Zioning ayaud kegahshahwandahgoozeïk: chewahbunduhmun ewh Jerusalem emuh shahwandahgoozewining menik kaähkoobemahdezewunan.

ST. JOHN 11:3

Kemejejedwawun dush enewh oodahwamaun, oo‐oo keëkedoonid, Tabaningayun, benuh, ahkooze owh suhyahgeüd.

HEBREWUN 11:21

Dabwayanduhmoowin suh owh Jacob, kahoonje‐shahwanemaud nuhyazh enewh oogwissun owh Joseph, uhpe gagah zhuhyegwah wahuhneneboogoobunan; kuhya keähnuhmeäh emuh oogejuhyeëe oosuhkuhooning.