GENESIS 42:4 - Ottawa New Testament Penteteuch and Psalms 1874

⁴ Benjamin dush ween, Joseph ooshemayun, kahween oogepuggedenegooseen Jacobun cheweejewaud enewh oosuhyayun: Koonemah gagoo kuhya ween tahezhewabeze, keëkedoowun suh oosun.

GENESIS 42:4 Iomraidhean Croise

GENESIS 11:4

Oo‐oo dush keëkedoowug, Umba oozhetahmahdezoodah keche‐oodanah kuhya kache‐ishpaug wahkahegun, ishpeming katabahquahquuhmook; oozhetuhmahdezoodah dush ezhenekahzoowin, cheöonjesuhswashkahsewung emuh anegookookummegaug uhkeeng.

GENESIS 3:22

¶ Me dush uhpe oo‐oo kahekedood Jehovah Kesha‐Muhnedoo, Benuh, enene anandahgoozeyung enandahgooze, oonje kekandung ewh wanesheshing kuhya mujje‐uhyeëewish; koonemah tahzhebenekane, cheöodahpenung azhemeenewid bemahdezewine metig, oodahaumwaun dush chekahgega bemahdezid.

GENESIS 35:24

Oogwissun owh Rachel; Joseph, kuhya Benjamin:

GENESIS 42:3

¶ Metahswe dush wekahnisun owh Joseph keëzhahwun cheühwekishpenuhtoonid buhquazhegun emuh Egypting.

GENESIS 42:38

Jacob dush oo‐oo keëkedoo, Kahween kegahweejewegoosewah ningwis, keneboowun mah oosuhyayun, ween dush nezhekaweze: kishpin gagoo ezhewabezid emuh meekunaung aneëzhahyag, kegahpungeseduhwim newahbequaunun emuh chebaguhmigoong kaäpeeche‐kushkanduhmaun.

GENESIS 43:14

Mahnoo dush Kesha‐Muhnedoo muhyahmuhwe‐mushkuhwezid kegahshahwahnemegoowah anahsuhmeed owh enene, cheöonjepuggedenaud pazhig kekahnesewah, kuhya Benjaminun. Kishpin makummegoowaunan nenejahnesug, ahneesh nemuhkummegoo.

GENESIS 43:29

Oogeöombenaunun dush ooshkeenzhegoon, kuhya oogewahbuhmaun ooshemayun Benjaminun, oogebuneen oogwissine, oo‐oo dush keëkedoo, Menuh mahbuh keshemaewah nahwuj agahsheid kahduhzhemagoobun kedebahjemootuhweyag? oo‐oo dush keëkedoo, Pagish Kesha‐Muhnedoo shahwanemik, ningwissa.