GENESIS 4:7 - Ottawa New Testament Penteteuch and Psalms 1874

⁷ Kishpin manoochegawunan, kahnuhween kegahminwanemegoose? Kishpin dush manoochegasewunan, me suh mujjeëzhewabezewin kabishkahgamahguk. Kegahnahdanemik, kuhya kegahoogemahkunduhwah.

GENESIS 4:7 Iomraidhean Croise

GENESIS 19:21

Oo‐oo dush oogeënaun, Benuh kegebezindoon kuhya maunduh nandoodahmahweyun, kahween ningahbahnahjetoose maunduh oodanah, kenundoodahmahweyun.

GENESIS 3:16

Oo‐oo dush oogeënaun equawun, Ningahkeche‐meshenuhtoonun kekooduggetoowinun kuhya kedahbenoojeëkawinun; emuh kooduggetoowining kegahezhenegeäug ahbenoojeüg; kegahnunduhwanemah kenahbam, kuhya ween kegahoogemahkundaug.

NUMBERS 32:23

Kishpin dush ween oo‐oo weëzhechegasewag, benuh kegemujje‐dooduhwahwah Jehovah: quuhyukwanduhmook dush ewh chemekahgooyag kemujjeëzhewabezewinewah.

OODEZHECHEGAWINEWAH 10:35

Kuhkenuh dush ahnooj‐azheweenzoojig owh quasaud Kesha‐Muhnedoon kuhya mahkindung menooëzhewabezewin, mesuh enewh Kesha‐Muhnedoo wadahpenahjin.

ROMANUN 12:1

Kepahgoosaneminim dush, nejekewaëdoog, oonje ooshahwanjegawining owh Kesha‐Muhnedoo, chepuggedenuhmag keyowewaun debishkoo bamahduk sahsahgewejegawin, pahnuk, kaöodahpenung owh Kesha‐Muhnedoo, mesuh oo‐oo enanduhmoowine kebuhmeetahgawinewah.

ROMANUN 14:18

Owh dush oonoo uhyeëen azhebuhmeetuhwaud enewh Christun ooodoodahpenegoon enewh Kesha‐Muhnedoon, kuhya oominwanemegoon enewh enenewun.

ROMANUN 15:16

Cheöobuhmeetahgunemid owh Jesus Christ chekuhgekemugwah egewh mayuggezejig, debahdooduhmaun ewh oominwahjemoowin owh Kesha‐Muhnedoo, cheöonje-menoo‐oodahpenindwah egewh mayuggezejig pagedenindjig emuh oobuhmeetahgawining, kepeeneëgoowaud enewh Keche‐Oojechaugwun.

ROMANUN 6:12

Mesuh kaöonjeöogemahkundahgamahgussenook ewh mujje‐ezhewabezewin emuh keyowewaung natuh‐neboomahgukkin, cheöonjebuhmeetuhmagoobun emuh oomujjeenan-duhmoowining.

ROMANUN 6:16

Kah nuh ween kekekanduhsenahwah ewh, ahwagwan pagedenuhmoowagwan keyowewaun buhmeetahguning cheëzhedabwatahwag, kedoobuhmeetahgunemegoowah owh duhyabwatuhwag; kishpin mujje‐ezhewabezewin chenebooyag, kishpin dush ewh nuhittahgawin, chequuhyuk‐ezhewabezeëgooyag?

EPHESIANUN 1:6

Cheöonje‐keche‐pezhegandahwudenig ewh ooshahwanjegawin, kahoonje‐ezheënung cheminwandahgoozeyung oonje owh kache‐sahgeïnd.

I. TIMOTHEUSUN 5:4

Kishpin ahweyah shegah ahyahwaud enewh oonejahnesun gamuh oozheshaün, mahnoo netum egewh tahmenoo‐doodahgawug emuh andahwaud, oogahahzhittah‐menoo-doodahwahwaun tebenuhwa ooketezemewaun; me suh ewh manwandahgwuk kuhya manwahbuhmenahgwuk emuh anahsuhmuhbid owh Kesha‐Muhnedoo.

HEBREWUN 11:4

Dabwayanduhmoowin suh Abel kahoonje‐meenaud enewh Kesha‐Muhnedoo nahwuj manwandahgwudenig sahsahgewejegun dush ween Cain, mesuh ewh kahoonje‐enahjemind chequuhyuk‐ezhewabezeëgoozid, Kesha‐Muhnedoo kedebahdoodung enewh oomeegewawinun; oonje dush ewh ahnahween goo kenebood kayahbe kekedoo.

JAMES 1:15

Uhpe kahunjekoomahguk ewh mujje‐nunduhwanduhmoowin, mesuh wanje‐neegemahguk mujje‐ezhewabezewin, kuhya mujje‐ezhewabezewin uhpe kahkezhechegahdag, oonje‐neegemahguk neboowin.

I. PETER 2:5

Kuhya kenuhwah debishkoo bamahdezejig ahsineeg, keduhchegahzoom emuh ahnuhmeähwine‐wegewauming, chesahsahgewejega‐weneneweyag pahnezeyag, chesahsahgewetooyag enewh wajechaugwandahgwukkin sahsahgewejegunun, kaminwandahgwukkin anahsuhmid Kesha‐Muhnedoo oonje Jesus Christ.