GENESIS 4:4 - Ottawa New Testament Penteteuch and Psalms 1874

⁴ Abel dush kuhya ween oogepeenaun ahnind natum‐negenejin oomahnishtahnesheensemun kuhya wahnenoonejin. Jehovah dush oogeminwanemaun Abelun kuhya oomeegewawinene.

GENESIS 4:4 Iomraidhean Croise

GENESIS 15:17

Kepuggummeähyahmahgud dush, kahpungeshemoog, kuhya kahkushke‐tebekuk, benuh ningahpekezegun baquanag, kuhya sakittag wahsuhkoonanjegun azhahmahguk emuh nesuhwuhyeëe atagin enewh kahtaushkezhegahdagin.

GENESIS 4:3

Bahnemah dush ningooding Cain oogepeetoonun enewh mahyahjegingin emuh uhkeeng chemeenaud Jehovahun.

PSALMS 20:3

Oogahmequandahnun kuhkenuh kemeegewawinun: kuhya oogahmenoo‐oodahpenaunun enewh chuhyahgedagin kesahsahgewejegunun;

EXODUS 13:12

Chepuhgedenuhmuhwud Jehovah kuhkenuh enewh puhyahkishkummenid ewh oopuhyowemah, kuhya anduhchewaud egewh uhwuhkaunug oonetumoozhahewaun ayahwahjig; enewh nahbaühyuhaun oogahdebanemaun Jehovah.

LEVITICUS 9:24

Ishkoota dush kesahguhuhmoomahgud oonje anahsuhmid Jehovah, kuhya kechahgahketa ewh chahyahgizegahdag meegewawin, kuhya weenin emuh sahsahgewejegun‐ahbikoong: uhpe dush kuhkenuh ahnishenahbag kahwahbunduhmoowaud kahezhewabuk, kesahsahquawug, kuhya keähjecheengwasawug.

NUMBERS 16:15

Moses dush kekechenishkahdeze, oo‐oo dush oogeënaun Jehovahun, Kagoo kechetwahwanduhmuhwahkan oosahsahgewejegunewah: kahween kuhnuhga pazhig mamaungesha ningeöodahpenuhmuhwahseeg, kahween kuhya ahweyah anduhchewaud ningemujjedooduhwahse.

NUMBERS 16:35

Ishkooda dush keöonjebeda ewede uhyaud Jehovah, oogechahgezoogoonahwah dush egewh neenzhwauk uhshe nahnemeduhnuh enenewug kahmenoomahgwahkezegajig.

NUMBERS 18:12

Kuhkenuh ewh ahpeje wanezheshing pemeda, kuhya kuhkenuh ewh ahpeje wanezheshing shooweminahboo, kuhya ewh minzemenanse, enewh netum saguhkenegahdagin kapuhgedenuhmuhwahwaud Jehovahun, kegemeenin.

NUMBERS 18:17

Oonetumoonzhaunun dush ween pezheke, gamuh kuhya oonetumoonzhaunun mahnishtahnish, gamah kuhya oonetumoonzhahnun meshahbooz, kahween kegahkeeshpenuhnahseeg; penezewug suh: oomisqueemewah uhyooyun kegahsuswabe-gundaun ewh sahsahgewejegunahbik, kegahchaugezuhmuhwaug kuhya oowenoonimewah oonje ewh ishkooda‐sahsahgewejegun, kamenoomaundung Jehovah.

HEBREWUN 11:4

Dabwayanduhmoowin suh Abel kahoonje‐meenaud enewh Kesha‐Muhnedoo nahwuj manwandahgwudenig sahsahgewejegun dush ween Cain, mesuh ewh kahoonje‐enahjemind chequuhyuk‐ezhewabezeëgoozid, Kesha‐Muhnedoo kedebahdoodung enewh oomeegewawinun; oonje dush ewh ahnahween goo kenebood kayahbe kekedoo.

HEBREWUN 9:22

Gagah dush kuhkenuh uhyeëen peenechegahdanoon emuh tebahkoonegawining misque ahyoong; kishpin dush misque oonjegahtoosing kahween tahahbwayanjegaseem

REVELATION 13:8

Kuhkenuh dush egewh anduhnuhkeejig emuh uhkeeng oogahoojecheengwuhnetahwahwaun, menik anduhshewaud wazhebeëgahdasenenig oodezhenekahzoowinewaun emuh oobemahdezewine‐muzzenuheguning owh Mahnishtahnisheens kahnesind oonje kahmahje‐oozhetoong ewh uhkee.