GENESIS 4:10 - Ottawa New Testament Penteteuch and Psalms 1874

¹⁰ Oo‐oo dush keëkedoo Kesha‐Muhnedoo, Ahneen kahezhechegayun? nepepahgemegoon keshema oomisqueem oonje uhkeeng.

GENESIS 4:10 Iomraidhean Croise

GENESIS 18:20

Jehovah dush oo‐oo keëkedoo, Oonzaum suh oombege-zeem ewede Sodoming kuhya Gomorahing, kuhya kuhgwahnesugge‐mujje‐ezhewabud;

GENESIS 3:13

Jehovah Kesha‐Muhnedoo oo‐oo oogeënaun equawun, Wagoonan oo‐oo kahzhechegayun? Equa dush keëkedoo, Ningewuhyazhemig owh kenabig, ningeäumwah dush.

GENESIS 9:5

Ahbetakummig ningahnundahwandaun kemisquemewah ewh wanjebemahdezeyag: emuh ooneenjewaung anduhchewaud egewh ahwaseyug, kuhya emuh ooneenjewaung kuhkenuh enenewug, ningahnundahwandaun enene oobemahdezewin.

PSALMS 50:21

Oo‐oo kegeëzhechega kah dush ningekekedoose; kegeënanim cheëzhewabezeyaun debishkoo keen azhewabezeyun: kegahnuhneebikemin suh, kuhya wawane kegahwahbundahin enewh kemujje‐ezhechegawinun.

PSALMS 72:14

Oogahbemahjeäun oojechaugoowaun chekooduggeähsewindwah: kuhya chemujje‐doodahwahsewindwah.

PSALMS 9:12

Uhpe kagwadwajin misqueeng oonje, oomequanemaun enewh, kah dush oodoonanemahseen enewh katemahgezenejin ahyahshequanejin.

PSALMS 9:13

Shahwanemeshin Oh Jehovah nahnahgahdahwahbundun nekootuggeëgoowin azhekootuggeëwaud egewh shaunganemejig: keen kahoonishkah-betooyun neyow neboowine ishquandaming oonje.

EXODUS 3:7

¶ Jehovah dush oo‐oo keëkedoo, Kagate ningewahbundaun ookooduhgetoowinewah nindahnishenahbamug Egypting ayahjig, kuhya ningenoondaun ookooduhgetahgoozewinewah oonje enewh ooduhnooke‐oogemahmewaun; ninkekandaun mah ookushkanduhmoowinewaun;

NUMBERS 35:33

Kah suh kegahwenetoosenahwah ewh uhke emuh uhyahyag: ewh mah misque oonjewenud ewh uhke: ewh dush uhke kahween gagoo tahoonjepenechegahdasenoon weëkoonegahdag ewh misque emuh kahsegesamuhguk, me atuh ewh oomisqueem owh kahsegwabenung ewh.

OODEZHECHEGAWINEWAH 5:3

Peter dush keëkedoo, Ananias, ahneeshwin owh Satan kemooshkinatood ewh keda chekuhkenuhwishketuhwud owh Keche‐Oojechaug, ningooche cheähsud ahnind shooneäun menik kahenuhgindag ewh ketegaun?

OODEZHECHEGAWINEWAH 5:9

Peter dush oo‐oo oogeënaun, Ahneeshwin keweedookahdahdeyag chekuhgwa‐tebanemag owh Tabaningad Oojechaugwun? benuh, oosittahwaun egewh kahningwahwahjig kenahbamun ahtanewun emuh ishquaundaming, kuhya keen kegahsahgeje‐wenegoog.

DEUTERONOMY 21:1

Kishpin pazhig kahnesind mekuhwind emuh uhkeeng ewh mahnik Jehovah keKesha‐Muhnedoom chedebanduhmun, shingeshing ketegauning, kekandahgwussenoog dush ahwagwan kahnesahgwan:

HEBREWUN 11:4

Dabwayanduhmoowin suh Abel kahoonje‐meenaud enewh Kesha‐Muhnedoo nahwuj manwandahgwudenig sahsahgewejegun dush ween Cain, mesuh ewh kahoonje‐enahjemind chequuhyuk‐ezhewabezeëgoozid, Kesha‐Muhnedoo kedebahdoodung enewh oomeegewawinun; oonje dush ewh ahnahween goo kenebood kayahbe kekedoo.

HEBREWUN 12:24

Kuhya Jesus ganooduhmahgad emuh ooshke‐wahweendahmahdewining, kuhya ewh misque saswabeguhunjegang, ahwahshema menoo‐kekedoomahguk dush ween Abel oomisqueem.

JAMES 5:4

Benuh ootebahahmahgoowinewah egewh anookeetahgajig kahkeeshkezhegajig emuh keketegaunewaung, ketebahmahwahsewagwah kewuhyazhemagwah, muhtwa‐pepahgemahgud: kuhya oopepahgewinewaun egewh kahkeeshkezhegajig kepeendegamahgud emuh ootuhwuggaung Tabaningad dabanemaud enewh waqueenoonejin.