GENESIS 32:5 - Ottawa New Testament Penteteuch and Psalms 1874

⁵ Nindahyahwaugedush pezhekewug, kuhya mamaungeshaüg, kuhya mahnishtahnishug, kuhya buhmeetahgun‐enenewug, kuhya buhmeetahgun‐equawug: ningeëzhenahzhahwaug dush ahnind cheweenduhmahwahwaud nindoogemaumun, cheminwandahgoozeyaun dush emuh anahsuhmeyun.

GENESIS 32:5 Iomraidhean Croise

GENESIS 30:43

Owh dush enene ashkum kekechtwahweze, nebewah kuhya ahwuhkaunun oogeähyahwaun, kuhya buhmeetahgunequan, kuhya buhmeetahga‐enenewun, kuhya baquahwegunenejin, kuhya mamaungeshayun.

GENESIS 31:16

Kuhkenuh suh ewh tebenuhwawezewin Kesha‐Muhnedoo kahmukkummaud noosenaun, mesuh ewh nenuhwind ninduhyeemenaun, kuhya ooduhyeemewah nenejahnesenahnig: benuh, dush, kuhkenuh menik Kesha‐Muhnedoo kahenik, ezhechegan.

GENESIS 31:3

Jehovah dush oo‐oo oogeënaun enewh Jacobun, Ezhekewan emuh ooduhkeemewaung koosebuneeg, kuhya kedenuhwamahgunug; kegahuhneweejewin dush.

GENESIS 33:11

Oodahpenuhmahweshin kepahgoosanemin nemeegewawin kahpeetooyaun; oonje keshahwanemid Kesha‐Muhnedoo, kuhya menoo‐menik ahyahmaun. Oogewekoojeäun dush cheöodahpenuhmenid, me dush keöodahpenuhmenid.

GENESIS 33:15

Esau dush oo‐oo keëkedoo, Mahnoo kegahnuhguhduhmoon ahnind nindenenemug ayahwugig. Oo‐oo kush keëkedoo Jacob, Ahneen oo‐oo kaënahbuttuk? mahnoo ningahminwandahgooz anahsuhmid nindoogemaum.

GENESIS 33:8

Oo‐oo dush keëkedoo, Ahneen suh kuhkenuh oogoo ahwahkahnug kahnuhquashkahwugig? Jacob dush oo‐oo keëkedoo, Cheminwanemid nindoogemaum mesuh wanjeähyahwaud.

GENESIS 47:25

Oo‐oo dush keëkedoowug, Kegebemahjeïmin: mahnoo ningahminwandahgoozemin emuh ooshkeenzhegoong nindoogemahmenaun, ningahbuhmeetahwahnaun dush Pharaoh.

ST. LUKE 12:45

Kishpin dush oo‐oo akedood owh buhmeetahgun emuh oodaïng, Kenooazh pwah‐tuhgwishin owh nindoogemaum; mahjepuhketawaud dush enewh buhmeetahgunun kuhya buhmeetahgun‐equan, wesenid dush kuhya menequad, kuhya keöoshquabid.