GENESIS 3:16 - Ottawa New Testament Penteteuch and Psalms 1874

¹⁶ Oo‐oo dush oogeënaun equawun, Ningahkeche‐meshenuhtoonun kekooduggetoowinun kuhya kedahbenoojeëkawinun; emuh kooduggetoowining kegahezhenegeäug ahbenoojeüg; kegahnunduhwanemah kenahbam, kuhya ween kegahoogemahkundaug.

GENESIS 3:16 Iomraidhean Croise

GENESIS 4:7

Kishpin manoochegawunan, kahnuhween kegahminwanemegoose? Kishpin dush manoochegasewunan, me suh mujjeëzhewabezewin kabishkahgamahguk. Kegahnahdanemik, kuhya kegahoogemahkunduhwah.

PSALMS 48:6

Kekeche‐sagezewug kuhya kekushkanduhmoog debiskoo equa nahgeähwuhzood.

NUMBERS 30:13

Oonahbamun tahahyeenjesedoone anduhchingin enewh mushkuhwewahweenduhmahgawinun, kuhya anduhchingin enewh mushkuhwekezhwawinun takoobenedezoong wegooduhgeëdezoong, gamuh kuhya enewh oonahbamun tahbuhnahjetoone.

ST. JOHN 16:21

Equa magwah nahgeähwuhsoojin oodahyaun suh nuhneenuhwanduhmoowin, oonje tuhgwishenoomahgudenig ewh ookezhegoom: kenegenid dush oonejahnesun, kah dush kayahbe oomequanduhseen ewh kootugganduhmoowin, apeech oonahnegwandung kenegenid enenewun oomah uhkeeng.

I. CORINTHIANUN 11:3

Kenunduhwanemenim dush chekekanduhmag, ewh Christ negahnezekundahwaud enewh kuhkenuh enenewun; kuhya owh enene negaunezekundahwaud enewh equawun; kuhya owh Kesha‐Muhnedoo negahnezekundahwaud enewh Christun.

I. CORINTHIANUN 14:34

Tahpezaunuhbewug egewh kedequamewaug emuh anduhzhe‐mahwunjeëdeyag: kah muh puggedenuhmahwahsewug chekekedoowaud; enahwug suh dush chenuhittahgawaud, debishkoo akedoomahguk kuhya ewh tebahkoonegawin.

I. CORINTHIANUN 7:4

Kahween owh equa ootebanduhseen tebenuhwa weyow, oonahbamun atuh ootebanemegoon: kuhya dush enene kahween ootebanduhseen tebenuhwa weyow, wewun atuh ootebanemegoon.

COLOSSIANUN 3:18

Wewemahdoog, puggedenedezooyook chenuhittuhwagwah tebenuhwa kenahbamewaug, debishkoo azhenunduhwandahgoozeyag emuh Tabaningang.

THESSALONIANUN 5:3

Uhpe muh akedoowaud, Kegahpezaun‐ahyahmin kah kuhya kenuhneezahnezesemin; medush kahwuhnuhpe kapuggummishkahgoowaud ewh bahnahdezewin, debishkoo equa wahnegeähwuhsoojin azhepuggummishkahgood ewh wesugganduhmoowin; kah dush tahtaöozhemoosewug.

I. TIMOTHEUSUN 2:13

Netum suh Adam keöozheäh, nahguj edush Eve keöozheäh.

I. TIMOTHEUSUN 2:15

Pooch edush tahbemahjeäh emuh negeähwuhsoowining, kishpin minjemenuhmoowaud ewh dabwayanduhmoowin kuhya sahgeëwawin kuhya peenezewin mahmahwe ewh nebwahkahwin.

ENEWH TITUSUN 2:5

Chenebwahkahnid, chepeenezenid, chepezaun‐ahyahnid emuh andahnid, chemenoo‐ezhewabezenid, chenuhittahwahnid tebenuhwa oonahbamene, chemujje‐duhzhinjegahdasenoonig oodekedoowin owh Kesha‐Muhnedoo.