GENESIS 3:15 - Ottawa New Testament Penteteuch and Psalms 1874

¹⁵ Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.

GENESIS 3:15 Iomraidhean Croise

GENESIS 49:17

Dan tahahwe kenabig emuh meekunaung, owh mujje‐kenabig emuh muhyahwekunah taquumaud papazhegoogunzheen emuh oodoonduhnahning, cheöonjeahzhapungeshing owh pamoomegood.

PSALMS 132:11

Jehovah oogemushkahwe‐wahweendahmahwaun Davidun emuh dabwawining: kuhnuhga cheweähnuhwanjegasig: ningahahsah emuh kedoogemah‐wuhbewining pazhig keyowing kaöonjenegid.

St Matthew 1:23

Benuh owh kegaungooqua oogahahyahwaun ahbenoojeün, oogahnegeäun dush enewh oogwissisun, Emmanuel dush oogahedahnahwah oodoonoozoowin, me suh ahneekuhnootuhming, Kesha‐Muhnedoo waujeweemenung.

St Matthew 1:25

Kah dush oogekekanemahseen nahnauzh egoo kahnegeähnid enewh oonetumoozhahnun oogwissun, Jesus dush oogeëzheweendaun oodoonoozoowin.

St Matthew 12:34

Kenuhwah mujje‐kenabegoong wandahdezeyag, ahneen kaëzhekushketooyag magwah mujje‐ezhewabezeyag chemenoo‐kekedooyag? anushkenag muh oodaëmah mesuh azhekekedoomahguk oodoonemah.

St Matthew 13:38

Ewh dush ketegaun, mesuh maunduh uhkee; ewh dush wanesheshing menekaun mesuh oogoo wanejahneseminjig emuh oogemahwewining; enewh dush mujjemezhushkoon, mesuh enewh oonejahnesun owh mujje‐ahyahahweesh.

St Matthew 23:33

Kanabegooweyag, mujje‐kenabegoong pahoondahdezeyag, ahneen kaëzheöozhinduhmag ewh mujje‐ishkootawine‐nahneboomegoowin?

St Matthew 3:7

Uhpe dush wuhyahbuhmaud nebewah enewh Phariseen kuhya enewh Sadduceen benaunzekumenid ewh oobaptizooëwawin, oogeënaun, Oh kenuhwah kenabegoong wandahdezeyag, ahwanan kahahyaungwahmenenag cheöozhinduhmag ewh nishkahdezewin kapetuhgweshenoomahguk?

ST. MARK 16:18

Oogahoodahpenahwaun enewh kenabigoon; kishpin dush menequawaud gagoo mujje‐mushkeke kahween ningood oogahenekahgoosenahwah; oogahtaungenahwaun enewh ayahkoozenejin, me dush chenoojemoonid.

ST. LUKE 1:76

Kuhya dush keen ahyahbenoojeeweyun, kegahezhenekahnegoo oodaunwahjega‐wenenemun owh Mahyahmahwe‐ishpandahgoozid; kegahuhnenegaun emuh enahsuhmuhbid owh Jehovah, chewahwazhesittooyun ewh kaëneëzhaud;

ST. LUKE 10:19

Benuh, kemeenenim ewh kushkeäwezewin chetuhtuhkookahnagwah egewh kenabigoog kuhya mujje kenabegoonshishug, kuhya dush kuhkenuh oomushkahwezewin owh shaunganingad; kah dush gagoo kegahmujje‐doodahgoosenahwah.

ST. LUKE 22:53

Magwah weejewenenahgoogebun emuh ahnuhmeä‐weguhmigoong anduhsoo‐kezheguk, kahween kegetuhkooneseem: mesuh noongoom ketebahegunewah, kuhya chemushkahwezemahguk ewh puhsuhgish‐tebik.

ST. LUKE 24:27

Emuh dush keöonjemahjaud Mosesun kahezhebeëganid, kuhya aunwahjega‐wenenewun kahezhebeëganid, oogewahweenduhmahwaun emuh kuhkenuh ewh kechetwah‐oozhebeëguning ween tebenuhwa kahenahjemind.

ST. JOHN 8:44

Kenuhwah kedooyoosemahwah owh mujje‐muhnedoo, kuhya ewh uhyenandung owh koosewah kedezhechegam. Wahyashkud kemahje‐neshewa owh, kah dush keähyahse emuh dabwawining, kah muh ookekishkunseen ewh dabwawin. Uhpe kakenuhwishkejin, ooduhzhindaun tebenuhwa ooduhyeemun: netuh‐kuhkenuhwishke muh, kuhya dush oodooyoosemegoon ewh kuhkenuhwishkewin.

OODEZHECHEGAWINEWAH 13:10

Oo‐oo dush keëkedoo, Oh keen mwaushkenashkahgooyun kuhkenuh kuhkuhyanezewin, kuhya mujjeëzhewabezewin, wagwissemik owh mujje‐muhnedoo, mahgahduhmun kuhkenuh menoo‐ezhewabezewin, kah nuh ween kegahishquah‐wahwaushkahmootoose quuhyukwahmoogin oomeekunun owh Tabaningad?

ROMANUN 16:20

Owh Kesha‐Muhnedoo mahgewad pezaunewawin wuhyebah oogahbahnahjeäun enewh Satanun emuh ahnahmeëe kesittahwaung. Mahnoo kegahweejewegoonahwah ooshahwanjegawin owh Tabanemenung Jesus Christ. Amen.

ROMANUN 3:13

Oogoondahgunewah debishkoo chebaguhmig bahyahkissingin enandahgwudene; oodanuhnewewaun oodahyoonahwaun chewuhyazhingawaud; oomujje‐mushkekemewah egewh mujje‐kenabigoog emuh ahnahmedoon ahtane:

GALATIANUN 4:4

Uhpe dush kahahpeche‐debishkoosag, Kesha‐Muhnedoo oogepeëzhenahzhahwaun enewh Oogwissun, kahnegeëgood enewh equawun, chenuhittung ewh tebahkoonegawin.

EPHESIANUN 4:8

Me suh oo‐oo wanje‐ekedood, Uhpe ishpeming kahezheöombishkaud, oogetuhkoonaun ewh tuhkoonegahzoowin, kuhya dush oogemeenaun enenewun enewh meegewawinun.

COLOSSIANUN 2:15

Kuhya kemuhkummaud enewh wagemahwandahgoozenejin kuhya mashkahwezenejin enewh oodushwewinene, oogemezheshuh‐wahbundahewanun, kemahmauzheäud emuh oodahzhedayahtikoong.

HEBREWUN 2:18

Ewh dush ween tebenuhwa kekooduggandung kekuhgwatebanemind, ookushketoon cheweedookahwaud enewh kagwatebanjegahzoonejin.

HEBREWUN 5:7

Me suh wah‐owh magwah keweyausewid, kahkecheahnuhmeäud kuhya kahpahgoosanjegad bakish kekechenoondahgoozid muhwid keähnuhmeätuhwaud enewh kakushkeäwezenepun chebemahjeëgood cheneboosig, kebezindahwah dush ewh kekootung:

I. JOHN 3:10

Mesuh wanje‐kekandahgoozewaud egewh wanejahnesemegoojig enewh Kesha‐Muhnedoon, kuhya egewh wanejahnesemegoojig enewh Mujje‐Muhnedoon; ahwagwan quuhyuk‐azhewabezesegwan kahween oodoonejahnesemegooseen enewh Kesha‐Muhnedoon, kuhya owh suhyahgeähsig enewh wejekewaün.

I. JOHN 3:8

Owh mahkindung mujje‐ezhewabezewin oodoonejahnesemegoon enewh Mujje‐Muhnedoon; uhpena muh wuhyashkud mujje‐ezhewabeze Mujje‐Muhnedoo. Mesuh oo‐oo Kesha‐Muhnedoo Oogwissun kahpeöonje‐nahgoozid chebahnahjetoomahwaud enewh Mujje‐Muhnedoon oodahnookeewinene.

I. JOHN 5:5

Ahwanan owh mamauzhetood ewh uhkee? owh suh duhyabwayandung Jesus Christ Kesha‐Muhnedoon oogwissemegood.

REVELATION 12:17

Keche‐mujje‐kenabig dush oogenishkanemaun enewh equawun kuhya oogeähwemegahnaun enewh kahishkoonegahzoonejin oonejahnesun, mesuh egewh ganuhwandungig enewh ookuhgequawinun Kesha‐Muhnedoo kuhya ayaungig ootebahjemoowin Jesus Christ.

REVELATION 13:7

Kemeenah dush chemeegahnaud enewh manoo‐ahnuhmeähnejin, kuhya chemahmauzheäud enewh: kuhya kemeenah ewh kushkeäwezewin chekushkeäud ahnooj doowun ahnishenahban, kuhya ahnooj anwanejin, kuhya ahnooj azheweenzoonejin.

REVELATION 2:10

Kagoo kootunkan oonoo uhyeëen kaöonje‐kooduggetooyunin: benuh owh Mujje‐muhnedoo kegahpuggedenegoowah ahnind kenuhwah emuh kebahquahoode‐weguhmigoong, cheöonje‐kuhgwatebanemegooyag; metaussoogoon dush kegahkooduggetoom: Ahyaungwahmezin nahnauzh nebooyun, kegahmeenin dush ewh bemahdezewine‐oogemah‐wewuhquaun.

REVELATION 20:10

Kuhya Mujje‐muhnedoo kahwuhyazhemaud enewh, keähpuggenah emuh wazahwushkookunag ishkoota sahgeëguning, anduhzhe‐ahyaud ahwasee kuhya kakenuhwishkid aunwahjega‐wenene, emuh dush tahduhzhe‐kooduggeähwug kahzhegudenegin kuhya tabekudenegin kahgenig kuhya kahgenig.