GENESIS 28:3 - Ottawa New Testament Penteteuch and Psalms 1874

³ Kegahshahwanemig dush owh Mahyahmahwe‐mushkahwezid Kesha‐Muhnedoo, kuhya kegahmeshenooïg, kuhya kegahbahtuhenooïg, cheöoyoosemikwah dush nebewah pukkaun azheweenzoojig ahnishenahbag;

GENESIS 28:3 Iomraidhean Croise

GENESIS 1:28

Kesha‐Muhnedoo dush oogemenoo‐guhnoonaun enewh, oo‐oo keënaud, Ashkum meshenooyook, kuhya bahtuhyenooyook, kuhya mooshkenashkuhmook uhkee, kuhya shahgoojetooyook: kuhya oogemahkundahwik kechegummeeng duhzhe gegooyug, kuhya pabahmesajig emuh kezhigoong, kuhya kuhkenuh bamahdezejig mamahjejig emuh uhkeeng.

GENESIS 13:16

Ningahezhenooäug kuhya kenejahnesug debishkoo ashenuk uhkeeng duhzhe weyuggussa: kishpin dush enene kushketood chetaähgindung uhkeeng duhzhe weyuggussa me uhpe kuhya kenejahnesug chetaühgemindwah.

GENESIS 17:20

Keduhzhemud dush ween Ishmael kegebezindoon: Benuh, ningeshahwanemah, kuhya ningahmeshenooäh, cheähpeche‐bahtuhyenid; oogahoonejahnesenun metauswe ahshe neezh oogemaun, kuhya ningahenahkoonah kachetwahwezenid ahnishenahban cheöonejahnesid.

GENESIS 24:60

Oogemenoo‐guhnoonahwaun Rebekahun oo‐oo‐keënahwaud, Kedow nindahwamahnaun, mahnoo kegahoogeemigoog nebewah duhching keche‐metauswauk ahnishenahbag, mahnoo kuhya kenejahnesug oogahdebandahnahwah oodishquaundamene enewh shaunganemegoowahjin.

GENESIS 26:24

Oogewahbuhmaun dush Jehovahun ewh tebekuk, oo‐oo dush keëgood, Ne‐Kesha‐Muhnedoowemik owh Abraham koosebun: kagoo sagezekan, keweejewin mah, kuhya kegahshahwanemin, kuhya ningahmeshenooäug kenejahnesug oonje nebuhmeetahgun Abraham.

GENESIS 26:4

Kuhya ningahmeshenooäug kenejahnesug cheëshenoowaud debishkoo ashenoowaud gezhigoong duhzhe ahnungoog, kuhya ningahmeenaug kenejahnesug kuhkenuh oonoo uhkeen; Keen edush kaöonejahneseyun tahoonjeshahwandahgoozewug ahnooj azheweenzoojig ahnishenahbag oomah uhkeeng;

GENESIS 27:33

Isaac dush kekeche‐nuhningishkah, oo‐oo dush keëkedood, Ahwanan? ahneende ayaud owh kahoodahpenung wahwaushkashe‐weyaus, kepeetuhwid edush, ningekedaun dush kuhkenuh chepwah tahgwishenun, kuhya ningeshahwanemah? aahe, kagate dush egoo tahshahwanemah.

GENESIS 35:11

Kesha‐Muhnedoo dush oo‐oo oogeënaun, Neen nindow Kesha‐Muhnedoo Mahyahmahwe‐mushkahwezid: pahtuhyenoon kuhya ashkum meshenoon; nebewah papukkaun azheweenzoojig ahnishenahbag keyowing tahoondahdezewug, keche oogemaug kuhya keyowing tahoonjeewug;

GENESIS 41:52

Enewh dush menuhwah pazhig Ephraim oogeëzhenekahnaun: Kesha‐Muhnedoo mah ningemeshenooïk emuh uhkeeng kahduhzhe‐ahnemezeyaumbaun.

GENESIS 43:14

Mahnoo dush Kesha‐Muhnedoo muhyahmuhwe‐mushkuhwezid kegahshahwahnemegoowah anahsuhmeed owh enene, cheöonjepuggedenaud pazhig kekahnesewah, kuhya Benjaminun. Kishpin makummegoowaunan nenejahnesug, ahneesh nemuhkummegoo.

GENESIS 48:3

Jacob dush oo‐oo oogeënaun Josephun, Ningewahbuhmah Kesha‐Muhnedoo mahyahmahwe‐mushkahwezid ewede Luzing emuh Canaaning, kuhya ningeshahwanemig.

GENESIS 48:4

Oo‐oo dush ningeïg, Benuh kegahpuggedenuhmoon chebahtuhyenoowaud kenejahnisug, kuhya kegahmeshenooïn, kuhya ningahenahkoonega chebahtuhyenoowaud kedahnishenahbamug; kuhya ningahmeenaug kenejahnesug kaähneka‐bemahdezejig maunduh uhkee kahgenig cheöoduhkeemewaud.

GENESIS 49:25

Enewh koos oo Kesha‐Muhnedoomun, mesuh owh kaweedookook; kuhya enewh mahyahmahwe‐mushkahwezenejin, mesuh owh kashahwanemik ishpeming duhzhe shahwanjegawinun, kuhya akoo demeeg wanjebahmahgukkin shahwanjegawinun, doodooshing kuhya oopuhyowing wanjebahmahgukkin shahwanjegawinun:

GENESIS 9:1

Kesha‐Muhnedoo dush oogemenoo guhnoonaun Noahun kuhya enewh oogwissene, oo‐oo dush keënaud, Ashkum bahtuhyenooyook, kuhya meshenooëdeyook, kuhya mooshkenashkuhmook uhkee.

PSALMS 127:1

Kishpin owh Jehovah oozhetoosig ewh wegewaum: penesekah suh ahnookewug egewh wazhetoojig.

PSALMS 127:3

Penesekah ahnookewug, egewh waweeb quashkoozejig, kuhya wekah kaweshemoojig: oomeejenahwah dush ewh nahnahgahdahwanduhmoowine bahquazhegun: me mah azheäunwabeäud enewh suhyahgeähjin.

EXODUS 1:7

¶ Israel dush oonejahnesun ashkum kebahtuhyenoowun kuhya ashkum kekechemeshenoowun kuhya ashkum kekeche‐mushkuhwezewun; oogemooshkenashkahnahwah dush ewh uhke.

EXODUS 6:3

Ningewahbuhmigoog dush Abraham, Isaac kuhya Jacob, Kesha‐Muhnedoo Muhyahmuhwe‐Mushkuhwezid keëzhenekahzooyaun, kah dush ween oogekekandunsenahwah Jehovah keëzhenekahzooyaun.

II. CORINTHIANUN 6:18

Kegahooyoosemim dush, kuhya kegahoogwisseminim kuhya kegahoodahnesemenim, ekedoo owh Tabaningad mahyahmahwe mushkahwezid.

REVELATION 21:22

Kah dush gagoo ningewahbunduhseen ahnuhmeä‐weguhmig: owh muh Tabaningad Kesha‐Muhnedoo Muhyahmahwe‐mushkahwezid kuhya owh Mahnistahnisheens mesuh egewh ahyahwewaud ewede duhzhe ahnuhmeä‐weguhmig.