GENESIS 27:4 - Ottawa New Testament Penteteuch and Psalms 1874

⁴ Kuhya oozhetoomahweshin manoopoogwuk meejim, ewh manwanduhmaun beeduhweshin dush, cheöonjeweseneyaun, kuhya cheshahwanemenaun chepwah nebooyaun.

GENESIS 27:4 Iomraidhean Croise

GENESIS 14:19

Kuhya oogeshahwandahgoozeäun oo‐oo keëkedood, Shahwandahgooze Abram bameetahwaud kache‐ishpandahgoozenejin Kesha‐Muhnedoon, dabanduhmenejin gezhig kuhya uhkee.

GENESIS 24:60

Oogemenoo‐guhnoonahwaun Rebekahun oo‐oo‐keënahwaud, Kedow nindahwamahnaun, mahnoo kegahoogeemigoog nebewah duhching keche‐metauswauk ahnishenahbag, mahnoo kuhya kenejahnesug oogahdebandahnahwah oodishquaundamene enewh shaunganemegoowahjin.

GENESIS 27:14

Kemahjah dush, kenahnaud, kemeenaud dush enewh oogeen: Oogeen dush oogeöozhetoone manoopoogwuk meejim, ewh manwanduhmenid oosun.

GENESIS 27:17

Kuhya oogeënenuhmoowaun enewh oogwissun Jacobun ewh manoopoogwuk meejim kuhya ewh bahquazhegun, kahoozhetood.

GENESIS 27:19

Jacob dush oo‐oo oogeënaun enewh oosun, Nindow suh Esau kenetuhmoozhaun; ningeëzhechega debishkoo kahezheyun: puhsegween kepahgoosanemin, nuhmuhduhbin chemeejeyun newahwaushkashe‐weyausim cheöonjeshahwanemeyun.

GENESIS 27:23

Kah dush oogequuhyukwanemahseen, oonje kemesheneenjenid, debishkoo wekahnesun Esau: me suh kahezheshahwanemaud.

GENESIS 27:25

Oo‐oo dush keëkedoo, Peeduhweshin pashoo, chemeejeyaun dush ningwis oowahwaushkasheweyausim, cheöoonje-shahwanemenaun. Oogepeetuhwaun dush pashoo, kewesenewun dush, oogepeetuhwaun dush shooweminahboo, me dush kemenequanid.

GENESIS 27:27

Pashoo dush oogenaunzekahwaun, kuhya oogeöojeemaun: kemenaunduhmoon dush oodahgwewin, kuhya oogeshahwanemegoon, oo‐oo dush keëkedood, Benuh ningwis ezhemahgooze debishkoo azhemahgwuk ewh ketegaun ewh kahshahwandung owh Jehovah.

GENESIS 27:31

Kuhya ween suh oogeöozhetoon manoo‐poogwuk meejim, kuhya oogepeetuhwaun enewh oosun, oo‐oo dush keënaud enewh ooosun. Mahnoo tahpuhsegwe noos, kuhya oogahmeejin enewh oogwissun oowahwaushkashe‐weyausemene, cheöonjeshahwanemeyun.

GENESIS 27:5

Rebekah dush kenoondum uhpe Isaac ganoonaud enewh oogwissun Esauün. Esau dush keëzhah mushkoodang wenunduhwahbundung wahwaushkashe‐weyaus, kuhya webedood.

GENESIS 27:7

Peetuhweshin wahwaushkashe‐weyaus, kuhya oozhetuhmooweshin manoopoogwuk meejim, cheweseneyaun, cheshahwanemenaun dush anahsuhmid Jehovah chepwah ishquah‐bemahdezeyaun.

GENESIS 27:9

Ezhaun suh egewh mahnishtahnishug anduhzhe ahyahwaud, kuhya nauzh neezh mesahboozoonsug mesahboozoog oonejahnesewaun: ningahoozhetoomahwah dush koos ewh manoopoogwuk meejim, ewh manwandung:

GENESIS 28:3

Kegahshahwanemig dush owh Mahyahmahwe‐mushkahwezid Kesha‐Muhnedoo, kuhya kegahmeshenooïg, kuhya kegahbahtuhenooïg, cheöoyoosemikwah dush nebewah pukkaun azheweenzoojig ahnishenahbag;

GENESIS 48:9

Joseph dush oo‐oo oogeënaun enewh oosun, Mesuh oogoo ningwissug Kesha‐Muhnedoo kahmeezhid oomah uhkeeng. Oo‐oo dush oogeëgoon Jacobun, Peetuhweshin kepahgoosanemin, ningahshahwanemaug dush.

GENESIS 49:28

¶ Mesuh oogoo metauswe ahshe neezh papukkaun azheweenzoojig Israelitug: mesuh kuhya oo‐oo kahegoowaud oosewaun, kuhya kahezheshahwanemegoowaud debishkoo anandahgwudenig ooshahwanemegoowaun.

ST. LUKE 2:34

Kuhya dush owh Simeon oogeshahwanemaun, kuhya oogëenaun enewh oogene Maryun, Benuh, wah‐owh ahbenooje peöonjepuggedenah chepungeshenid kuhya dush nayaub chepuhsegwenid nebewah emuh Israeling; kuhya tahahwe ewh kekenoowahjechegun kamujje‐duhzhinchegahdag;

ST. LUKE 24:51

Kepuggumme‐ahyahmahgud dush magwah shahwanemaud, kemahjeweenah, keëzheweenah dush ewede keche‐kezhegoong.

HEBREWUN 11:20

Dabwayanduhmoowin suh owh Isaac kahoonje‐shahwanemaud enewh Jacobun kuhya enewh Esauün keduhzhindung enewh uhyeëen wahpuggumeahyahmahgukkin.